إعـــــــلان

Collapse

.

,
See more
See less

جهاز أنذار لايحتاج ألا لتوصيل سلك الكهرباء فقط

Collapse
X
 
  • Filter
  • الوقت
  • Show
Clear All
new posts

  • جهاز أنذار لايحتاج ألا لتوصيل سلك الكهرباء فقط

    أعزائي

    للذين يبحثون عن اسهل تركيب لجهاز أنذار سيارة بدون التدخل الجراحي
    للضفيرة الكهربائية للسيارة ويمكنك تركيبة بنفسك بكل سهولة

    طبعا" دي ميزة كبيرة جدا في السيارات الحديثة المزودة بدوائر كهربائية
    وأليكترونية معقدة لايكون الأنسان مرتاح وواحد كهربائي شغال فيها
    علشان يعرف اماكن التوصيلات الصحيحة

    كمان لاننسي ان معظم السيارات الحديثة مزودة بأنظمة ايرباج والتي تعمل
    ايضا علي دوائر اليكترونية وكهربائية ويمكن يكون حظ الواحد نحس اليوم
    دة والكهربائي يلمس سلك غلط ويفتح الأيرباج ، ودة تكلفة أصلاحة
    عالية جدا"


    الجهاز دة ممتاز جدا في عملية التركيب لايحتاج الا الي 3 ثقوب داخل حجرة المحرك
    لتركيب قاعدة الجهاز نفسة و سلك واحد يوصل بالطرف الموجب لأحد الفيوزات
    ويصبح شغال فورا"

    الجهاز يعتمد علي ميزة أهتزاز السيارة عند اي محاولة لفتحها او نزع اي شيئ منها
    كذلك يعتمد ايضا" علي مراقبة مستوي امبير كهرباء السيارة ، بمعني ان اي انخفاض بة
    مثل انارة النوع الداخلي للسيارة او فتح الباب بهدوء شديد سيؤدي ايضا الي اطلاق الصفارة

    طبعا" ميزة متوفرة بالجهاز انك ممكن تضبط مستوي الهز المرغوب (او مستوي حساسية
    الجهاز) علشان يصفر فقط عند الهزة القوية او المتوسطة
    (كان عندي جهاز قديم كان بيصفر عند مرور بائع الخضراوات وهو بينادي بالميكروفون
    جنب السيارة)

    الجهاز مزود ايضا بسلكين للمبة حمراء للأنذار وحالة الجهاز اذا رغبت بتوصيلها وتركيبها
    علي التابلوة ، وكذلك بسلك أخر لتوصيل كتاوت او جهاز اخر للأنذار من نوع اخر
    برضة اذا رغبت بأستخدامة.

    الجهاز ثمنة حوالي 40 باوند = 450 جنية

    وممكن تحصل علية من اكثر من موقع علي النت ويتم شحنة اليك

    ادخل علي جوجل وابحث عن النوع دة MicroScan COMP-1000
    وحتلاقي اكثر من موقع بيعرضة ، ارخص موقع حصلت علية كان


    ملاحظة اخيرة وهي من المستحسن تغطية الجهاز بكيس نايلون اثناء غسيل الموتور فقط
    حتي لايتسرب الماء أليه

  • #2
    ممتاز فعلا ...

    ياترى فيه سنسور باركنج زيه كده ؟؟ يعنى من غير توصيلات او لعب فى دفيرة الكهرباء
    [SIZE=3][COLOR=navy][gdwl]
    [SIZE=3][COLOR=navy]سبحانك اللهم وبحمدك ، أشهد أن لا إله إلا أنت أستغفرك وأتوب إليك[/COLOR][/SIZE]
    [/gdwl][/COLOR][/SIZE][SIZE=4][COLOR=navy][/COLOR][/SIZE]
    [SIZE=4][COLOR=navy]مـحـمـد الـطـويـل - إسـكـنـدريـه[/COLOR][/SIZE]

    Comment


    • #3
      هو حضرتك جربتة؟
      مفيش حد يبيعه فى مصر؟
      [CENTER][RIGHT][CENTER][SIGPIC][/SIGPIC]
      [/CENTER]

      [/RIGHT]
      [/CENTER]

      Comment


      • #4
        عزيزي ميدو

        شوف مشاركتي السابقة عن السينسور اللاسلكي
        ودة اقل حاجة في التوصيلات ، ربط مع النور الخلفي
        فقط ودي أعتقد مافيهاش مشكلة وأي كهربائي او انت نفسك
        تقدر توصلة علشان الجهاز دة بيييجي معاة كونكتورات توصيل
        اسلاك بدون قطع أسلاك أو استخدام شريط عازل

        عزيزي تاج

        انا عن نفسي دة تاني واحد اجربة
        الأول اشتغل حوالي 5 سنوات وباظ من دخول ماء فية الدوائر
        الداخلية ملحت ، علشان كدة انا ذكرت الملاحظة الخاصة بتغطيتة
        قبل غسيل الموتور

        بالنسبة لبيعة في مصر ، فأنا اسف جدا لأني مقيم خارج مصر
        يمكن أحد من الأخوة يكون شافة داخل مصر ويفيدنا.

        Comment


        • #5
          أعتقد إنه بطريقة التوصيل دي مش ح يشغل أنوار و إشارات العربية لو حد حاول يسرقها ( يشغل السرينة بس ), ومش ح ينفع يتوصل بالسنتر , يعني الريموت بتاعه مش ح يفتح الباب ياريت حضرتك توضح النقط دي لأنك إستخدمت الجهاز بنفسك .
          لكن بردو هو فكرته حلوة و ميزة كبيرة أوي إنه مش محتاح توصيلات كتير .

          ألف شكر يا باشا .

          Comment


          • #6
            عزيزي سوني

            انت رديت علي نفسك بالأجابة
            الجهاز دة لمن لايرغب في عمل اي توصيلات بضفيرة السيارة
            ومعظم السيارات الحالية بها ريموت وسنترلوك ولكن لايوجد بها أنذار
            (الأوبترا ، التيريوس وغيرها) ، لذلك انت محتاج بس لأنذار

            Comment


            • #7
              شكرا جزيلا يا اخ boty50
              ;)

              Comment


              • #8
                المشاركة الأصلية كتبت بواسطة boty50
                عزيزي سوني

                انت رديت علي نفسك بالأجابة
                الجهاز دة لمن لايرغب في عمل اي توصيلات بضفيرة السيارة
                ومعظم السيارات الحالية بها ريموت وسنترلوك ولكن لايوجد بها أنذار
                (الأوبترا ، التيريوس وغيرها) ، لذلك انت محتاج بس لأنذار
                تمام , بس معني كده إني أطفي الإنذار الأول و بعدين أفنح العربية بريموت السنتر أو أفتح الباب بالمفتاح نفسه , مفيش طريق نوصل الإتنين ببعض ؟ يعتي يبقي ريموت واحد بدل إتنين ؟؟

                بس بصراحة حلو أوي تركيب إنذار العربية من غير تقطيع في الأسلاك , سؤل تاني : السرينة بتاعته صوتها عالي ؟؟

                Comment


                • #9
                  الف شكر يا فندم
                  [SIZE=4][COLOR=darkred][/COLOR][/SIZE]
                  ::--لا حيلة في الرزق--::
                  ::-- م/باســــم شوقـي--::

                  Comment


                  • #10
                    عزيزي سوني

                    في حالة ربط الأثنين ببعض (دة لو حايحصل)
                    يبقي لازم تلعب في ضفيرة العربية علشان توصل الي اسلاك
                    جهاز حماية السرقة للسيارة او جهاز السنترلوك

                    صوتها عالي جدا" 120 ديسيبل

                    Comment


                    • #11
                      المشاركة الأصلية كتبت بواسطة boty50
                      عزيزي سوني

                      في حالة ربط الأثنين ببعض (دة لو حايحصل)
                      يبقي لازم تلعب في ضفيرة العربية علشان توصل الي اسلاك
                      جهاز حماية السرقة للسيارة او جهاز السنترلوك

                      صوتها عالي جدا" 120 ديسيبل
                      :lol: حلو أوي فعلا إنه مفيش أي لعب في أي أسلاك كهرباء ,
                      أنا شفت فعلا علي الموقع إنه 120 دسيبل و قلت لو هو كده فعلا يبقي صوته عالي جدا , لكن قلت لنفسي ممكن يكون كلام مش مظبوط ( للإعلان وبس ) , لكن حضرتك بتأكد إن صوته علي فعلا .

                      عموما , ألف شكر يا باشا علي زوقك .

                      Comment


                      • #12
                        كان موجود الجهاز دة في راديو شاك من فترة اسمة بولدوج وكان ب 295 جنية و فعلا هوة بيركب بس بسلك على بطارية السيارة و يراقب اي سحب من بطارية السيارة لو فية اي دراج فولت بيزمر و بريموت بس لازم تركب سنتر في العربية علشان لو الباب اتفتح السنتر يسحب كهرباء يقوم الانذار يزمر

                        Comment

                        Working...
                        X