استفسار بخصوص السبويلر

[staronline]

السلام عليكم
ممكن استفسر عن انوع السبويلر واسعارهم؟ وياريت الاسعار ضرورى ولو ممكن صور ابقى شاكرة جدااااا معلش انا ماليش اى خبرة بس عاوزة اجيبه هدية لحد

[Elvis1935]

طيب نوع العربيه ايه طيب الى حتجبلها الهديه ؟؟؟

[staronline]

نوعها فيفا 2009

[staronline]

يارب حد يجاوبنى

[د.محمود صلاح]

بس ممكن السبويلر يخرب شكل العربية أو ما يعجبش المهدى اليه , ممكن تبقى هدية تانى , مثلا منفاخ عجل , طقم دواسات , معطر فخم قيم

[staronline]

شكرا جدا يادكتور على الرد طيب برضه المعطر بقى الفخم عاوزة اعرف عنه كل حاجة يعنى اجيبه منين من عند اكسسورات السيارات برضهولا ايه وسعره وبيركب فين والسبويلر لو شكله حلو وزى بتاع الانسر يبقى بكام معلش هاتعب حضرتك

[elmashboh]

من حيث الاسبويلر هيبدا من 300 وده طبعا سبور زى بتاع الانسر ايفوليوشن مثلا لو سبويلر سمبل عادى يعمل من 100 ؟؟ ومن ناحيه المعطر فى من اول 10 ج بس مش فكره محبزه . فى سبويلر سمبل خالص عباره عن جلد بيتحط على الحرف الشنطه لو حضرتك شفتيه قبل كدا لونه اسود ده عامل 40 جنيه ومكن تستنى رد الاعضاء برده

[staronline]

متشكرة جداااا على الرد ده بس معلش هاتعب حضرتك شوية ياترى هو ده اللى ب300ولو مش هو ممكن اعرف سعر ده وهو ينفع للفيفا ولا لا؟؟؟؟ ومتشكرة جدا مرة تانية

[a7mode]

معلش بس توضيح بسيط .. الاسبويلر عشان يركب لازم يتخرم فى الشنطه ويركب بمسمارين .. وفى ناس مش حتحب انها تخرم الشنطه طبعآ فممكن تكون الهديه كدا ملهاش لازمه !!

فى طرق تانيه يتركب بيها الاسبويلر يتلزق بسيلكون مثلا لكن الطريقه دى مش كويسه ومش مضمونه وممكن الاسبويلر يتسرق او مع الجرى على طريق سريع يطير مالعربيه ..

[elmashboh]

اللى فى الانسر ده ارخص من كدا بكتير انا كنت جايب واحد فيبر ب 150 على ما اعتقد فى اشكال كتير احلى

[AMA]

يا أخوانا سبويلر أية إلى بتتكلموا عليه
بصى يا ستى أحسن رد والله كان من دكتور محمود صلاح لأنه عنده حق
الأسبويلر ممكن واحد يجيله هدية و ممكن يعجبة بس مش هيبوظ الشنطة و يخرمها عشان أسبويلر
فالأفضل والله أنا شايف يعنى أن الهديه بما إنك عايزة تجيبهاله فى العربيه
يبقى لازم بما أنها هديه لازم يشوفها على طول و لازم تبقى جوة العربيه عشان يفتكرك بيها
ممكن تجيبيله مصحف صغير كدة و كمان حاجة جوة العربيه بحيث أنها يعنى تفضل معاة اطول فترة ممكنه و فى نفس الوقت يعنى يستفيد منها و يفتكرك على طول بيها لان دى هديه يعنى و حاجة بتحصل كل شوفى كام سنه لكن الأسبويلر دا ممكن لو غير العربيه خلاص كل سنه و أنتى طيبة مش هياخده معاه يعنى مش هيسيب الشنطة مخرومه و هوا بيغير العربيه و كمان دا هيبقى فى أخر العربيه ممكن يتسرق او يقع أو حاجات كتير و لو فايبر ممكن يتكسر لو واحد حمار فى الشارع قعد على العربيه


و ليكى حرية الأختيار و قوليلنا عملتى أيـــــــــه

[elmashboh]

يا أخوانا سبويلر أية إلى بتتكلموا عليه
بصى يا ستى أحسن رد والله كان من دكتور محمود صلاح لأنه عنده حق
الأسبويلر ممكن واحد يجيله هدية و ممكن يعجبة بس مش هيبوظ الشنطة و يخرمها عشان أسبويلر
فالأفضل والله أنا شايف يعنى أن الهديه بما إنك عايزة تجيبهاله فى العربيه
يبقى لازم بما أنها هديه لازم يشوفها على طول و لازم تبقى جوة العربيه عشان يفتكرك بيها
ممكن تجيبيله مصحف صغير كدة و كمان حاجة جوة العربيه بحيث أنها يعنى تفضل معاة اطول فترة ممكنه و فى نفس الوقت يعنى يستفيد منها و يفتكرك على طول بيها لان دى هديه يعنى و حاجة بتحصل كل شوفى كام سنه لكن الأسبويلر دا ممكن لو غير العربيه خلاص كل سنه و أنتى طيبة مش هياخده معاه يعنى مش هيسيب الشنطة مخرومه و هوا بيغير العربيه و كمان دا هيبقى فى أخر العربيه ممكن يتسرق او يقع أو حاجات كتير و لو فايبر ممكن يتكسر لو واحد حمار فى الشارع قعد على العربيه


و ليكى حرية الأختيار و قوليلنا عملتى أيـــــــــه

الموضوع ان حضرتها طلبت طلب واحنا جاوبنا عليه مش ليها لزمه بقه كلمه سبويلر ايه والكلام الغريب ده ؟؟؟؟؟؟؟؟؟؟ عجبى

[migo9898]

فى سبويلر صغير بيلزق على الشنطة من غير خرم ولا غيره وشيك جدا وشكله نضيف وسعره خمسين جنيه