سؤال بخصوص الزينون

[triton]

السلام عليكم يا رجاله المنتدي

انا معايا ميجان 2006 و كنت شاريها مستعمله و كان صاحبها مركبلها زينون بس فكه و مفضلشي غير فرده واحده زينون عالي شغاله


انا سؤالي هل ممكن اركب زينون و في نفس الوقت بتوع المرور ميغلسوش عليا ... اغير الكشافات مثلا بكشافات فيها عدسات ولا اعمل ايه طب لو مركب زينون و لجنه وقفتني بدفع غرامه بس ولا بيفكوه ..... يا ريت حد يفيدنا بكل التفاصيل الممكنه حول الموضوع ده

[magyver]

كدة كدة الزينون بردو بيبان في العدسااات
فانت ممكن تركب في الواطي عادي والعالي زينون
بالنسبة للغرامة لسة هاركب ومش هااتقفش باذن اللة هههههههههه

[triton]

انا حاليا عندي فرده واحده عالي شغاله مش عامله حاجه عشان الفانوس متبهدل من جوه بفكر اغير فوانيس و اركب زينيون

[د.محمود صلاح]

الزينون غالى وعليه غرامة واستخداماته قليلة ولو ماكانش فابريقة مثبت على الرخصة يبقى مالوش لازمة

[migo9898]

الزينون بيبان فى العدسات وممكن يركب فى العالى بالنسبة للجان اطفي العالى وشغل الواطى

[elmashboh]

بص اصل موضوع الزينون ده بليل بس لو انت حركتك خفيفه بليل عادى بس بينى وبينك مرورنا غلس موووووووت وناقص يرخم على الجنوط الكبيره ؟

[iBiZa]

اسال فى منتدى الRenault و ال2006 نزلها فوانيس original lenses عشان الxenon, لو كدة تجيبهم و تركب الXenon على الواطى و Halogen على العالى.