هل يمكن اضافة هذه الكماليات

[EDC]

السلام عليكم ورحمة الله وبركاته تحيه خاصه الى كل اعضاء المنتدي الجميل انا كان عندي استفسارات لبعض الكماليات التي اريد ان اعملها في سيارتي سيراتو 2008 هل يمكن عملها ام لا وما هي اماكن الورش الخاصه بها والتكلفه تقريبا ولكم خالص الشكر
- تفصيل ابانوس على التابلوه
- تعديل انارة العدادات من الداخل لأني حاسس ان انارته عاديه ما فيهاش شيكاه أوي
- عايز الغي الاريال الجانبي واعمل اريال بسقف السيارة هل ده ينفع مع العلم انه طبعا سيتم عمل تخريم بالسقف لتركيب الاريال وطبعا ها يتلغي مكان الاريال القديم بس التعديل ده عايز اعمل مش عشان الشكل بس ولكن لان الاريال الجانبي تعرض للكسر قبل ذلك لان بصراحه ملطشه
- عايز اعمل اشارات جانبيه في الرفرف لأن العربيه مافيهاش الاشارات دي ومش عارف معملوهاش ليه وانا شايف انها مهمه وممكن لو في عربيه يميني اوشمالي متعرفش انا داخل يمين او شمال لانه لا يوجد اشارات جانبيه الاشارات في الاكصدام الامامي والخلفي فقط
- عايز اركب مرايا تقفل مع غلق الكونتاكت (وهل ممكن ضبط مرايا لماركه اخري على نفس نوع سيارتي)
انا كنت عايز اخد رايكم في الحاجات دي وانا بصراحه سعيد بالمنتدي ده جدا لانه به حوارات كتيره مفيده لكل الأعضاء ولكم تحياتي

[iBiZa]

انا كان عندي استفسارات لبعض الكماليات التي اريد ان اعملها في سيارتي سيراتو 2008 هل يمكن عملها ام لا

غالبا كدة انت بتتكلم عن الshape الجديد.

- تفصيل ابانوس على التابلوه

عادة مش بيتفصل, بيبقى kit جاهزة على بعض و بتتلزق. لو ملقتهوش يبقى استنى شوية هتلاقى التجار جابوة او شوف مين بيجيبة و قولة يجيبلك بموديل عربيتك.

- تعديل انارة العدادات من الداخل لأني حاسس ان انارته عاديه ما فيهاش شيكاه أوي

قصدك تغيير لمبات ولا الشكل كلة ؟؟

- عايز الغي الاريال الجانبي واعمل اريال بسقف السيارة هل ده ينفع مع العلم انه طبعا سيتم عمل تخريم بالسقف لتركيب الاريال وطبعا ها يتلغي مكان الاريال القديم بس التعديل ده عايز اعمل مش عشان الشكل بس ولكن لان الاريال الجانبي تعرض للكسر قبل ذلك لان بصراحه ملطشه

ممكن, بس فى الحالة دية هتلغى مكان القديم و يتقفل بصاج لحام و بعدين ترشها. و تجيب الجديد و هو عبارة عن اريال + قاعدة + سلك تطويل و تفك فرش السقف و تخرم و تركب و تمشى السلك لقدام و بعدين تقفل الفرش تانى.

بس بصراحة حرام تعمل كدة فى عربية لسة زيرو.

- عايز اعمل اشارات جانبيه في الرفرف لأن العربيه مافيهاش الاشارات دي ومش عارف معملوهاش ليه وانا شايف انها مهمه وممكن لو في عربيه يميني اوشمالي متعرفش انا داخل يمين او شمال لانه لا يوجد اشارات جانبيه الاشارات في الاكصدام الامامي والخلفي فقط

اعتقد عندك اشارات فى المرايات و دية بتعمل نفس الغرض.

- عايز اركب مرايا تقفل مع غلق الكونتاكت (وهل ممكن ضبط مرايا لماركه اخري على نفس نوع سيارتي)

شوف بتوعها الاصلى اللى بتنزل بيهم برة غالبا هتلاقى فيهم الموضوع دة و احسن من التعديل.

[EDC]

اشكركم جدا على الاهتمام والرد انا كنت عايز اوضح اني عربيتي هي الشكل القديم وطبعا هو ليست به اشارات في المرايا وقصدي بتغيير لون اضاءة لمبات العداد (لان اللون اللي عندي اخضر وعايز اخلي الأضاءه بيضاء مع أحمر أو أزرق دي بتعطي اضاءه اقوي واشيك) اما بالنسبه لموضوع اريال السقف انا فعلا متحير في موضوع تخريم الصاج بس انا شايف ان الشكل سوف يصبح اجمل وفي نفس الوقت هيكون عملي شويه لأن الأريال العادي ابو موتور بيطلع وينزل ده بصراحه سهل جدا ان يكسر وشكرا مره اخري على سرعة ردكم واهتمامكم