ارجو مساعدتى فى تظبيط الهيونداى اكسنت

[shady_love]

ارجو من الاعضاء الكرام مساعدتى فى تعديل سياراتى و هى هيونداى اكسنت سواء كان التعديل فى المتور او البودى او الصالون , فعلن محتار و ميش عارف اروح فين ياريت تساعدون و شكرا

[shady_love]

هى 1500 سى سى موديل 1999

[shady_love]

فين الردود يا جماعة انتو عايزين ثقتى بالمنتدى تقل ولا ايه دا انا اخوكم و عايزة مساعدتكم و ياريتك تحط نفسك مكانى هتعمل ايه

[Shocky]

بسم الله الرحمن الرحيم

السلام عليكم

لو انا مكان حضرتك هشوف الأول المبلغ المتاح كام

وفى رأيى لا داعى للتعديل على الموتور نهائياً
لإن التعديل الشائع هو تركيب فلتر سبور , وانا رأيى انة مصدر ضوضاء , ومش هيزود القدرة الحصانية ولا تسارع العربية إلا حاجة بسيطة اوى

انما فى تعديلات كتير ممكن تتعمل على الاكسنت

تعديلات خارجية :

-جنوط سبور , مقاس 14 او 15 بالكتير ( اسعارها متفاوتة , صينى , تايوانى ... انا ارشح لك التايوانى )

- بالنسبة للفوانيس الامامية , ممكن تتعمل رنجات

- بالنسبة للفوانيس الخلفية , بتتصمم هنا فى مصر LED , وممكن تتكلف فى حدود 750 جنية

- ممكن تركب باركنج سنسور

- ياريت متفكرش فى الاكصدامات ( الكساحات ) الكبيرة , لإن دى متنفعش فى مصر لإنها هتبوظ كلها فى المطبات , لو الاكصدامات محتاجة تتغير هاتها نفس اكصدامات الاكسنت العادية لإن اى شئ تانى لن يفيد مع مطبات بلدنا الجميلة


تعديلات داخلية :

- كاسيت و 2 سماعة ( حوالى 1100 او 1200 جنية )

- فرش جلد ( من 650 - 800 جنية )

- طارة سبور . و Shift Knob (رأس عصاية الفتيس) اشكال رياضية , ( الطارة 150 - 200 جنية )

- فرش جلد ارضية ( 200 - 250 جنية )



دى بعض التعديلات اللى ممكن تتعمل , طبعا مش كلها , اختار حضرتك اللى يناسب الفلوس , بمعنى شوف الميزانية اللى انت مخصصها للتعديل واختار اللى يناسبك من دول , وفى تعديلات تانية كتير , لكن دول لو اتعملوا هيغيروا من العربية كتير و تبقى افضل بإذن الله

والسلام عليكم

[Xpert]

لو هافكر في موتور حاول تشوف لو فيه موتور بتاع هيونداي 2000 سي سي يركب عندك ولا لاء ... معاه طبعاً لازم تظبط الفرامل و الحكايه هاتبقي كبيره .. المهم انك تشوف لو حد عملها قبل كده او لاء ..
اكتر من كده ماعتقدش اني هافدر افيدك .. لاءني ببساطه ماليش في الكوري

[Hossam.Hamdy]

سلام عليكم,
بص يا رايس
1-ركب جنط شكله نضيف و متسترخسش هات حاجه كويسه و يكون 14 احسن عشان 15 هيبقى شكله مش لزيز عليها.وفى اماكن كثير شارع احمد سعيد و ارابكزم عمارات رامو م.نصر و انا ارجح ارابكوم عشلن حجاته نضيفه ما شارع احمد سعيد صينى كله.
2-فيميه زيرو 1
3-تركب فرش نضيف للعربيه يكون ماشى مع الصالون من جوه.
4-غير انوار التابلوه عدادات و تكيف و كاسيت و ساعه.(الحرفيين)
5-بدالات بنزين وفرامل نضيفه.
6-لو تحب تلعب في الفوانيس الاماميه اشترى تايوانى و روح لواحد يركبلك رينجات و عدسات .
7-ديل شكمان نضيف مش ابو 50 ج اللى فشارع دمشق عشان بيصدى.
8-باركينج سنسور بلون العربيه.
9-ممكن تركب بوجيهات سبليت فاير الامريكى الربعه ب 160 ج عند ابراهيم في شارع دمشق صناعه امريكي.
10-لو بتفكر تغيرلون الصالون من جوه ارضيه وسقف و تابلو وطاره ممكن برضه بس انا شايف انه اوفر.
11-فى واحد جامد جدا و دماغ عاليه اوى في تعديل العربيات في الحرفيين اسمه محمود ديزاين يعملك كل حاجه صالون و فرش جلد و عدسان ورنجات وليدات و كل ما تتخيله و تغير عند انوار التابلوه كلها انا غيرت كل انوار التابلوه في عربيتى فيرنا غيرت عدادات و ساعه و كاسيت و بكر تكيف و شوفتله تعديلات جامده جدا جدا ده رقمه 0122643980

[IAbdou]

طب ممكن صور لتعديلك على الفيرنا

[major_memo]

اتفضل يا باشا بعض الصور الي ممكن تديك افكار للتظبيط للعربية بتاعتك احنا منرضاش ثقتك تقل في المنتدي الجميل دة

















وارجو ان تعجبك الصور وتستفيد منها وعلي فكرة شغل الفيبر مش غالي خالص يعني شوف انت عايز تعمل اية وانا هقولك التكلفة بالظبط وتروح لمين وهتاخد وقت قد اية
واحنا تحت امرك

[IAbdou]

مفيش حاجة للفيرنا

[shady_love]

بصراحة ميش عارف اشكركم ازاى انتو بجد ناس 10/10 و مافيش منتدى احلاى من كدا ابدا و الف شكر لكل الى ردو و اهتمو بمساعدتى وخاصة major_memo الى تعب معايا اوى , الف شكر ليكم يا رجالة واى حاجة انا فى الخدمة

[mazgangy]

طيب هى ساعه اكسنت موديل 2006 الاقيها فين وبكام اصل مش موجوده فى التوفيقيه وشكرا