اية ال bi-xenon?

[Sherif Khalifa]

كنت عايز اعرف ايى ال bi-xenon و هل هوا نفس ال hi/low xenon ولا اية؟
و حد جرب يشترى من على amazon او اى موقع تانى ؟

[megamoudy]

متابع عاوز اعرف يعني ايه برده

[yahiahelaly]

وانا كمان متاااابع :)

[TheUnknown]

منقول:



في السابق كان من الصعب إستخدام الزينون في الإضاءة العالية لأن الزينون يحتاج الى وقت حتى يحصل على الإضاءة القوية المطلوبة وهو ما يجعله غير عملي للإضاءة العالية ومثل ما نلاحظ عند تشغيل الزينون حيث يبدوا اولا كالفلاش وسرعان ما يبدأ اللون بالتغير.

والان أصبح استخدام الزينون ممكنا للاضاءة العالية بفضل تقنية الـ Bi-Xenon حيث تحتوي لمبة الـ Bi-Xenon على خطين (واطي وعالي) بداخلها عاكس يقوم بتحويل الاضاءة الى اعلى وبحركة سريعة وكمثال لذلك إضاءة الانفينيتي FX حيث يمكنك سماع صوت حركة اللمبة عند التغيير من الضوء الواطي الى العالي والعكس (الصورة التالية تشرح محتويات لمبة الـ Bi-Xenon )

http://www.nilemotors.net/Nile/110863-a.html

[ahmedyehia515]

متهيالى الBI-Xenon يمكن بس استخدامه فى العربيات اللى أصلاً النور العالى و الواطى بتاعها لمبة واحدة ، العربيات ده لو انت مشغل الواطى و جيت ترعش حتلاقى الواطى اختفى و العالى ظهر و بتحس ان النور بيعلى معاك ( زى الi10) بعكس النور العادى ( اللمبتين)، ممكن تكون مشغل الواطى و تشغل العالى تلاقي نور جديد ظهر.

الBI Xenon تغلب على مشكلة احتياج الزينون فى العالى للشحن عشان هو حيكون مشحون على طوول مدام الواطى شغال بس مشكلاته انه اللمبة بتطله و تنزل بطريقة ميكانيكة يعنى فعلاً اللمبة بتتحرك و ده بيأثر على عمر اللمبة و بالذات الزينون.

فى نوع تانى بيكون لمبتين واحدة زينون و واحدة هالوجين عشان مثلاً الناس اللى مبتحبش الزينون فى اعالى بس هنا بيكون فعلاً فى لمبتين بس على جهاز واحد و ده مشكلتة الرئيسية انو لو لمبة بتظت يبقى لازم تغير الجهاز كله او تستنى لما التانية برده تبوظ

و الله أعلم

[Ghost2]

يعني بالمنظر ده هيكون النور قوي جدا

[Sherif Khalifa]

شكرا للتوضيح
يعنى كدة ال bi-xenon زى ال hi-low xenon بس الاختلاف فى الميكانيزم
و واضح كدة انة مناسب اكثر للمبات ال h4

[ahmedyehia515]

يعني بالمنظر ده هيكون النور قوي جدا

الزينون فى العالى، مهما كان لمبة واحدة أو ، Bi-xenon ، لما شحنه يكون على الآخر و ترعش بيه بتلاقى فى يرق قدام العربية و مهما كانت نوعية الهالوجين بالذات فى العالى مش هيكون زى الزينون، حتى لو قالب مراية الصالون حتحس ان النور لسه قوى.

أنا شخصياً مش بستخدمه عشان مثلاً عايز أعدى او أى حاجة بستخدمه فى التقاطعات عشان فعلاً بيبين للناس ان فى عربية جايه و طبعاً لما تلاقى واحد ماشى على طريق سريع بليل على 120 و مشغل الزينون بتاعه عالى و واطى و عامى خلق الله بعديه و بلزق فيه من ورا عشان يعرف غلطته

[ahmedyehia515]

شكرا للتوضيح
يعنى كدة ال bi-xenon زى ال hi-low xenon بس الاختلاف فى الميكانيزم
و واضح كدة انة مناسب اكثر للمبات ال h4

الhi-low xenon بيكون فى لمبتين واحده زينون للواطى و واحدة هالوجين للعالى.

زى الصورة ده

الbi-xenon بيكون لمبة واحدة و بتتحرك عشان تدى عالى او واطى

زى الصورة دى

بس المشترك بين الاتنين انهم بيدوا عالى و واطى من نفس الجهاز.

[Sherif Khalifa]

حد طيب جرب يشترى حاجة زى كدة من على النت
الجمارك و كدة

[د.محمود صلاح]

يارب يسمحوا للزينون بدون مخالفة عشان نركبه واحنا مطمئنين

[ahmedyehia515]

حد طيب جرب يشترى حاجة زى كدة من على النت
الجمارك و كدة

بصراحة الأضمن انك تشوف حد يكون فى امريكا او اوروبا و تشتريه من امازون بس تشحنه عليه و بصراحة أنا شخصياً مش شايف ان فى مصر ينفع موضوع الشراء بالانترنت فى الحاجات ده يعنى لو بارفان مثلاً عادى بس حاجة العربيات لأ عشان مثلاً فى الزينون حتشتريه ارخص بـ500 ج من لو اشتريته من مصر بس فى نفس الوقت انت مش ضامن التركيب ظروفه عاملة ازاى، لو مشتغلش حتلف حوالين نفسك عشان تعرف ترجعه و كمان لو باظ مالوش توكيل. ممكن اللى فى مصر أغلى و أقل كفاءة بس مثلاً لو ركبته عند hidالرحاب حتاخد ضمان و بعد الضمان انت عارف لو باظ حتروح فيين.

[ahmedyehia515]

يارب يسمحوا للزينون بدون مخالفة عشان نركبه واحنا مطمئنين

انا مركبه بقالى سنة و شوية و وقفونى فى 100 كمين و عنر ما حد اتكلم على الزينون، بص المشكلة بتحصل لما تكون داخل على الكمين و مشغلة و أصلاً المفروض و انت داخل على الكمين، نور التلبلوه بس اللى تنوره بس الناس اللى بتدخل على الكمين و ضارب عالى و واطى و فوجات زينون طبيعى انو ياخد مخالفة.

و بصراحة فى البلد ده لو على المرور، حيمنع ركوب العربيات أصلاً، خايفين من الزينون و مش خايفين من كل الميكروباصات و التكاتك ( جمع توكتوك) و العربيات اللى اكل الزمن عليها و شرب و نام كمان. ربنا يكفينا شر المرور و اللى بيطلع من المرور

[nasroo]

انا مركبه بقالى سنة و شوية و وقفونى فى 100 كمين و عنر ما حد اتكلم على الزينون، بص المشكلة بتحصل لما تكون داخل على الكمين و مشغلة و أصلاً المفروض و انت داخل على الكمين، نور التلبلوه بس اللى تنوره بس الناس اللى بتدخل على الكمين و ضارب عالى و واطى و فوجات زينون طبيعى انو ياخد مخالفة.

و بصراحة فى البلد ده لو على المرور، حيمنع ركوب العربيات أصلاً، خايفين من الزينون و مش خايفين من كل الميكروباصات و التكاتك ( جمع توكتوك) و العربيات اللى اكل الزمن عليها و شرب و نام كمان. ربنا يكفينا شر المرور و اللى بيطلع من المرور

انت مركب نوعه ايه ونوره قوي ولا مش عاجبك
انا هاجيب من تركيا بس لسا مش عارف اجيب نوعه ايه
هو هيبقى h4 لمبه واحدة

[Honda_lover]

منقول:



في السابق كان من الصعب إستخدام الزينون في الإضاءة العالية لأن الزينون يحتاج الى وقت حتى يحصل على الإضاءة القوية المطلوبة وهو ما يجعله غير عملي للإضاءة العالية ومثل ما نلاحظ عند تشغيل الزينون حيث يبدوا اولا كالفلاش وسرعان ما يبدأ اللون بالتغير.

والان أصبح استخدام الزينون ممكنا للاضاءة العالية بفضل تقنية الـ bi-xenon حيث تحتوي لمبة الـ bi-xenon على خطين (واطي وعالي) بداخلها عاكس يقوم بتحويل الاضاءة الى اعلى وبحركة سريعة وكمثال لذلك إضاءة الانفينيتي fx حيث يمكنك سماع صوت حركة اللمبة عند التغيير من الضوء الواطي الى العالي والعكس (الصورة التالية تشرح محتويات لمبة الـ bi-xenon )

http://www.nilemotors.net/nile/110863-a.html

+1111111