رنج جنط ناقص

[mikeatef]

انا من شهرين كده غيرت اربع فرد كاوتش واظاهر الراجل ضيع رنج من الرنجات المهم عرفت من المنتدى انى الاحسن اعمل الرنجات الامونيوم عند اى خراط .... فرحت للخراط الخراط اللى بص انا شايف انى اعملهولك من نفس الماده اللى معملول منها الرنجات القديمة علشان الرنجات الالمونيوم بتملح مع الميه
طبعاُ انا قلتلو هشوف وارجعلك ... حد يقدر يفدنى فى الموضوع ده هل فعلاً الكلام ده صح ولا اعملو من نفس المادة اللى عاملة زى البلاستك ديه بس هى مش بلاستيك وخلاص ارجو الأفاده

[haysam2000]

انا كنت بستعمل الرينجات اللى متفهملهاش دى كاوتش و لا بلاستيك دى و قعدت فى الجنط حوالى سنتين و مباظتش و مزعلتنيش فى حاجه
ف لو هى اللى متوفرة عادى اتوكل على الله

[elmashboh]

هو مش وحشه بس انا مركب الومنيوم على فكره الرنجات اسمها الصناعى شمايز ؟

[أبومعاذ]

هتلاقي الطقم البلاستيك بيتباع عند بتوع الجنوط ال4 ب 10ج تقريبا وشغال كويس

[Abdm]

سؤال طيب الرنجات دى اللى هى أية وبتبقى موجودة فين ووظيفتها أية

[Abdm]

أية يا شباب أنتوا بعتونى شكرا جزيلا .

[أبومعاذ]

سؤال طيب الرنجات دى اللى هى أية وبتبقى موجودة فين ووظيفتها أية

لما حضرتك بتغير من جنوط حديد لجنوط سبور السرة بتاعة الطنابير بتبقى اصغر من الفتحة اللي في وسط الجنط الاسبور وبالتالي بتحتاج الرينج ده يتحط حوالين السرة عشان الجنط يبقى ماسك مظبوط في الطنابير والا العربية هتغربل على السرعات العالية وبيبقى فيه منه بلاستيك وفي الومنيوم

[Abdm]

شكرا يا باشا على الرد وجزاك الله خيرا

[Maged_Samy]

فى رنجات بتتعمل من مادة اسمها التيفلون وهتلاقيها عند بتوع الجنوط الكبار

[Merit]

أنا شايف الألومنيوم أحسن علي المدي البعيد لأن عمرها أطول كتير عن البلاستيك الي موجود دلوقتي خامته وحشة جدا وبيسيح ويتكسر مع الحرارة والمشي، تكلفته حوالي 100 جنيه للأربعة

[MohamedGafar]

الالومنيوم ممتاز. البلاستيك سيئ ومالوش لازمة والكلام ده عن تجربة.

تحياتي.

[mensho]

انا اتسرح عليا فى الرينجات دى وانا بركب الجنوط
الراجل جابلى 4 بلاستيك ب 50 جنية

[sama_Sama]

لما حضرتك بتغير من جنوط حديد لجنوط سبور السرة بتاعة الطنابير بتبقى اصغر من الفتحة اللي في وسط الجنط الاسبور وبالتالي بتحتاج الرينج ده يتحط حوالين السرة عشان الجنط يبقى ماسك مظبوط في الطنابير والا العربية هتغربل على السرعات العالية وبيبقى فيه منه بلاستيك وفي الومنيوم

طب أنا مرصص وركبت رينجات بس في الجنط مش السره والغربلة زادت

[أبومعاذ]

طب أنا مرصص وركبت رينجات بس في الجنط مش السره والغربلة زادت

غالبا هتلاقي جنط من الجنوط الرينج بتاعته وقعت أو موجودة بس متاكلة (لو هي بلاستيك) أو الرصاص وقع من جنط من الجنوط أو ممكن يكون عندك سبب تاني بس اللي يحسم الموضوع ده بتاع العفشة يجرب العربية ويقولك ايه السبب

[mikeatef]

طب أنا مرصص وركبت رينجات بس في الجنط مش السره والغربلة زادت

بص انا كانت العربية فيها غربلة بس كانت بسبب بيضة دريكسيون شيك عليهم