إعـــــــلان

Collapse

.

,
See more
See less

للعباقرة فقط...ممكن مساعدة فى ترويش مازدا 929

Collapse
X
 
  • Filter
  • الوقت
  • Show
Clear All
new posts

  • للعباقرة فقط...ممكن مساعدة فى ترويش مازدا 929

    ممكن مساعدة فى ترويش مازدا 929

    السـلام عليكـم ورحمـة الله وبركـاته
    ازيكـوا يارب تكـونوا بـ خير
    دى اول مشاركة ليا فى المنتـدى الجميل ده ويارب تفيدونى
    انا أنا معايا عربية مازدا 929 موديل 81 لونهـا أخضر وهيـا كويسة حالتها كويسة وتمام
    بس المشكلة فى شكلها مفيـهاش اى حاجة تبيـن انها عربية شاب اللى يشوفها يحسها عربية حد كبير
    كنت عاوز اظبطها كدا بـحيث تكون روشـة وشكلهـا حلـو
    انا ماليييش اى خبـرة فى العربيـات خااااااالص
    يعنـى ياريت حد يساعدنى ويفيدنى فى المـوضوع ده
    اجيبلهـا ايه بالظبـط وهيكلفنـى كـام الكلام ده واجيبه منين ويكون الكلام فى حدود المعقـول
    وشكـرا ليكـوا ويارب حد يفيدنـى :)
    و دى صور العربية من الداخل و الخارج
    الملفات المرفقة

  • #2
    علي حد معلوماتي
    لو عوز تعمل حاجه من الاخر روح ل medo performance
    و طبعا صباح المصاريف و الحجات النضيفه
    للبيع galaxy s advance
    www.nilemotors.net/Nile/357407-samsung-galaxy-s-advance-memory-card-toshiba-16gb.html

    Comment


    • #3
      ميدو ايه ياعم حراام عليك هيصرف كتير لان ميدو مش هيعمل حاجه اى كلام وعك وكمان هتاخد وقت طويل لان العربيه موديل قديم وصعب التعديل مع العلم ان ميدو بيعمل اى حاجه
      بص الاحسن تبيع وتجيب حاجه احسن شويه بى ام ولا حاجه وتركب وتتمتع احسن من المزدا

      Comment


      • #4
        بص انا مبحبش اقول كلمة بيع وهات حاجة تانى علشان شكلك نتحب العربية دى اوى صح
        بس بلصور اللى انا شايفها العربية كدى مصاريفها كتير اوى من تظبيط الصالون والكوتش والجنوط والفوانيس وفى الاخر النتيجة ممكن اوى تكون مش حلوة وش عايبان عليها المصاريف
        لو ناوى بجد ممكن تعيد التفكير فى موضوع البيع دى

        Comment


        • #5
          يا جماعة أنا عارف كل الكلام دا بس العربية غالية عندى وماتورها حالته كويسة أنا بس عايز أعرف أى تعديل فى الشكل ممكن يليق عليها
          أنا ممكن أغير الفرش
          و أعمل فوانيس شبورة
          و أحط أستيكرز

          Comment


          • #6
            بجد ........... صعبت عليا
            اصلى بمر بنفس ظروفك بالظبط
            انا عندى برضه عربيه تيوتا كورولا 1978 و شكلها قديم من بره و كنت عاوز اروشها برضه
            بس بعد محاولات جديده الموديلات القديمه ماينفعشى معاها ترويش لأنك لو روشت فيها اى حاجه حيبقى شكلها شاذ اوى و باين اللى انتا عملته فيها
            ولو عاوز تصرف عليها علشان يبقى شكلها حلو بجد يبقى غير اى حاجه قديمه فيها بنفس الحجات
            يعنى مثلا عندك التابلوه (وده وجهه العربيه من جوه) شكله وحش اوى و باين السن عليه غيره احسن بواحد زيه استعمال الخارج من الوكالة او الحرفين (و ماتخفشى حتلاقى حاجتها هناك بس حتلف شويه) و كمان رش العربيه كلها ميتالك من بره بلونها او باللون الكريمى (اللون ده لون عربيتى و هو لون حلو اوى على العربيات القديمه لكن ماينفعشى للجديده ) كمان فرش الابواب لو لاقيت فرش تانى نفس مقاس الباب بس بشكل مختلف يبقى احسن
            لكن بلاش تبيعها لأن اى عربيه قديمه فى الفتره دى مش حيزيد سعرها عن 25 اللف و ده مش حيفيدك تشترى واحده جديده الا لو كملت باكتر منهم ... يبقى الاحسن تصرف عليها مش تبيعها

            Comment


            • #7
              و على فكره الاسبويلر شكله مش حلو و مش لايق على العربيه ... انا عارف انها محاولة ترويش بس الاحسن تشيله و تحاول ترجع العربيه للشكل اللى طلعت بيه من المصنع

              Comment


              • #8
                المشاركة الأصلية كتبت بواسطة fefe مشاهدة المشاركة
                ميدو ايه ياعم حراام عليك هيصرف كتير لان ميدو مش هيعمل حاجه اى كلام وعك وكمان هتاخد وقت طويل لان العربيه موديل قديم وصعب التعديل مع العلم ان ميدو بيعمل اى حاجه
                بص الاحسن تبيع وتجيب حاجه احسن شويه بى ام ولا حاجه وتركب وتتمتع احسن من المزدا
                ميدو بيعمل اي حاجه!!!!!!!!!!!!
                انا هسيب الناس تحكم
                ده لينك الجروب بتاعه ع الفيس بوك
                شوفوا الصور

                Anmelden | Facebook
                للبيع galaxy s advance
                www.nilemotors.net/Nile/357407-samsung-galaxy-s-advance-memory-card-toshiba-16gb.html

                Comment


                • #9
                  السلام عليكم
                  انا mas22 وعندي 131 مو 76 بحالة معقولة (سنتر ، زجاج كهربا أمامي ، كاوتش جديد ، بطارية جديدة ) كنت عاوز استدلها بسيارة موديل حديث وادفع الباقي أقساط معقوله ممكن حد يفيدني
                  وشكراً

                  Comment


                  • #10
                    واللة بالنسبة لعربيتك دة سهل الترويش فيها
                    انت بس تدييها سمكرة صح الصح ولو كان فيها جرايد تشيلها
                    وتديها لون ميتالك كدة ببوية اسكنز وجنط 16 ونوطيها شوية
                    وتعلم قداام شبكة عموولة مع زينون في الفواانيس
                    واللة هاتكوون جاامدة طبعا مع استيكر خفييف جدااا ودرجة فامية حلوة كدة
                    هااتظبط معاك وربنا يبااركلك فيها
                    اعرف واحد معاة واحدة بيضة علي جنط نيكل واللة جامدة ومش موطي
                    ولا الكلام دة كلو
                    [CENTER][media]http://www6.0zz0.com/thumbs/2011/09/14/04/347541799.jpg[/media]
                    MY BMW 2500CC
                    :tumb:
                    [/CENTER]

                    Comment


                    • #11
                      1- اعمل سمكرة و دوكو علي نفس اللون بس مش اي كلام.
                      2- غيرعلي اد ما تقدر البايظ او الي شكلة قديم من الفوانيس و الاكصدامات و الجرائد بالاصلي و يريت يكونوا جداد.
                      3- ركب جنوط 16 بوصة و كاوتش.
                      4- ركب فرش جلد تفصيل بمقاصات العربية.
                      رأي رجعها زي الجديدة.

                      Comment


                      • #12
                        المشاركة الأصلية كتبت بواسطة m7mda7md مشاهدة المشاركة
                        :c_laugh[1]::c_laugh[1]:ميدو بيعمل اي حاجه!!!!!!!!!!!!
                        انا هسيب الناس تحكم
                        ده لينك الجروب بتاعه ع الفيس بوك
                        شوفوا الصور

                        anmelden | facebook
                        لاء لاء كده هتركبنى غلط انا قولت ميدو بيعمل اى حاجه وراجل محترم بصراحه
                        بس هو غالى طبعا لانه شغله كله نضيف وبيعمل الحاجه زى الكتاب ما بيقول

                        Comment


                        • #13
                          بص يا سيدى أنا شايف أنك تعمل كالأتى فى عربيتك إلى محتاجة تظبيط من الأول للأخر دى لكن دى الحاجات إلى قدرت أشوفها بس فى العربيه وطبعا لكل واحد ذوقة فى الموضوع و المشكلة ان العربيه دى كلاسيكية من النوع الاول و متفكرش تبيعها لأن لو بيعتها بالكتير أوى هتجيب 12 ألف لأن سعرها وقع وقعة غريبة بما إن عدد الميكانيكية فيها قلوا فوجودها أحسن من بيعها و الصرف فيها أحسن برضة بس أنا كتبتلك كام حاجة كدة ميزانيتهم هتبقى عاليه جدا
                          بس هتكون بالشكل دة




                          من بــــــــــــــرة
                          1- تديها رشة محترمة يا أما تعملها أسود ميتاليك
                          2- تلمع الأكصدامات كدة و الأزاز و الفوانيس و كل حاجة و تخلى العربيه بتبرق من الأول و جديد بأى نوع من الملمعات بس انا مش فاكر بالظبط كان الأوكر بتاعة الباب و المعادن كان ليها نوع ملمع معين و الازاز و الفوانيس برضة كان ليهم ملمع معين
                          3-جنوط 18 و كاوتش جديد كدة بس تبقى لايقة مع العربيه
                          4- تغيير المرايات بمرايات عربيه حديثة كدة
                          5- الاسبويلر الى ورا بصراحه مش عاجبنى يعنى شيله أفضل لأن العربيه دى كمان كلاسيكية بس أنا بقولك التعديلات إلى هتديها شكل شبابى و فى نفس الوقت الرونق بتاع العربيات الفخمة
                          6- بالنسبه للجاكمان هاتلك علبه جاكمان جديدة بقى شبابى شوية و يكون تخين كدة و يفضل تعمل أكصدام خلفى و بفتحه عشان الجاكمان الجديد
                          7- أكصدامات خلفيه زى ماقولتلك فى الجاكمان و أكصدام أمامى برضة
                          7- بالنسبه للرسومات و الأستيكرات ممكن حاجات بسيطة أوى عشان اللجان و المخالفات


                          من جـــــــوة
                          1- التابلو دى داخلة العربيه و يتهئ لى التابلو بتاعك عايز يترمى و يتولع فيه و كمان لو فيه ديناميت فجر التابلو دة و هاتلك تابلو جديد ممكن عربية موديل تانى بس بنفس المقاس أو تجيبلك واحد نفس الموديل أستيراد بقى
                          2- الأرضية عندك كأنك كنت بتجرى جوة العربيه فحاول تشيل بقى البتاع الأسود دة و ترميه برضة لانه مقطع و تشيل التراب و الطينه إلى بتكون جوة من الجزم و كدة و تنضفها خاااااااااالص و تشترى فرش للأرضية جديد و هيفرق جامد جدا معاك فى الشكل العام للعربيه لأن نضافة العربية من جوة بتدل على إلى راكبها يعنى
                          3- بالنسبه للكراسى فشكلها نضيف بس محتاجة قماشة كدة و فيها شوية رابسو أو أريال و مايا بس تكون مش بتنقط يعنى بمعنى اصح تجيب حاجة تحط فيها أريال و تجيب قماشة نضيفة و تغطس القماسة فى المايا بالأريال و تطلع القماشة تعصرها و تنضف الكراسى بما إنها جلد هتلاقى لونها بقى أنضف من كدة و فى نفس الوقت هتدى ريحة كويسة للعربيه
                          4- بالنسبه للبتاع إلى مابين الكرسيين دول يا ريت تغطيهم بأى فرش جلد و يفضل يكون لونه زى جلد الكراسى أو بنى زى جلد الأبواب
                          [CENTER][img3]http://img46.imageshack.us/img46/4245/1867717134copy.jpg[/img3]
                          [COLOR=Magenta]تحت رعاية[/COLOR]
                          [URL="http://www.facebook.com/group.php?gid=10150091757945377"]أقوى جروب لحمايه المستهلك من السرقة[/URL]
                          [/CENTER]

                          Comment


                          • #14
                            واللة بالنسبة لعربيتك دة سهل الترويش فيها
                            انت بس تدييها سمكرة صح الصح ولو كان فيها جرايد تشيلها
                            وتديها لون ميتالك كدة ببوية اسكنز وجنط 16 ونوطيها شوية
                            وتعلم قداام شبكة عموولة مع زينون في الفواانيس
                            واللة هاتكوون جاامدة طبعا مع استيكر خفييف جداا
                            +111111111111111
                            و الله انا نفسى اشترى بتاعت عمى موديل 82 و 1800 سىسى
                            العربيه دى سهل و الله ترويشها
                            [CENTER][COLOR=blue][U][I][B] [COLOR=black]Emad M.Radwan[/COLOR][/B][/I][/U][/COLOR][/CENTER]
                            [CENTER][SIGPIC] [/SIGPIC][/CENTER]
                            [COLOR="Blue"][U][B][CENTER][URL="http://www.nilemotors.net/Nile/163695-sport-air-filter-install-advantage-disadvantage.html"]موضوع فلتر الهوا السبور (Sport Air Filter (Install) (Advantage+Disadvantage))[/URL][/CENTER][/B][/U][/COLOR]

                            Comment


                            • #15
                              ..

                              Comment

                              Working...
                              X