Dremel

[msakms]

السلام عليكم يا رجالة أنا جديد معاكو هنا طبعا كما هو واضح
باختصار أنا قلبت الدنيا على صواني التقطيع الصغيرة بتاع ال Drills وللأسف مش لقيها, ولكن شوفت فكرة عملها من الصواني الأكبر زي ما حد من الأعضاء الكرام تفضل و قالنا وقولت لما أجيب الكلام ده و أشوف هعرف أعملها ولا لأ والحمد لله طلعت سهلة من أول محاولة.
ده لينك لصورة الصنية 20120405_001 | Flickr - Photo Sharing!
أما بالنسبة للظرووف بتاع البنط الصغيرة, موجودة في محل اسمو RAM وطلبت الأظرف بتاع ال 1mm و ال 0.6mm وال 0.5mm وال 0.4mm و الشحن موجود لجميع المحافظات. بالاضافة عندهم ال Dremel Multi-Pto وبيوصل ل 37,000 RPM.
ده لينك لصورة للظروف 20120405_002 | Flickr - Photo Sharing!
يارب أكون ساعدت أي حد و أي استفسارات عنيا ليكو

[thefoster]

فكره هايله وتسلم ايدك
وممكن اعرف طريقه تقطيع الصوانى الكبيره
وهل الاداء او سرعه دوران الموتور اتأثرت بسماكه الصينيه الجديده
وممكن اعرف فين المحل اللى بتقول عليه
وشكرا

[thefoster]

وبالنسبه للاعضاء اللى بيسئلو عن ال ingco
بصراحه محترم جدا انا عملت بيه عمايل سوده والحمد لله شغال تمام لغايه دلوقتى
استخير ربنا واتكل على الله
وللاسف معنديش فكرة عن سعره حاليا

[Mzeid]

وبالنسبه للاعضاء اللى بيسئلو عن ال ingco
بصراحه محترم جدا انا عملت بيه عمايل سوده والحمد لله شغال تمام لغايه دلوقتى
استخير ربنا واتكل على الله
وللاسف معنديش فكرة عن سعره حاليا

طيب حضرتك كنت جايبه منين بالضبط ؟

[msakms]

فكره هايله وتسلم ايدك
وممكن اعرف طريقه تقطيع الصوانى الكبيره
وهل الاداء او سرعه دوران الموتور اتأثرت بسماكه الصينيه الجديده
وممكن اعرف فين المحل اللى بتقول عليه
وشكرا

أنا عملت زي مقال الأخ صاحب الفكرة باستخدام أي بنسة حامية حاول تعمل دائرة على أد ما تقدر وبعدين استخدمت ورق الصنفرة بتاع الحديد عشان تتساوى من بره. أنا بستخدمها لتقطيع بورد PCB لمشاريع هندسة . وأفضل نتيجة كانت على سرعة 3 أو 4 بالكتير. بعد كام محاولة تجريبية هتقدر تزبط ايدك وتعرف ال فيها وانشاء الله هتريحك كتير.
ده موقع المحل لأنه في القاهرة وأنا فالمنصورة وبيوصلو أي طلبات لأي حتة فمصر هتلاقي العنوان ونمرهم وكل حاجة هناك http://www.http://ram-e-shop.com/oscmax/catalog/

[A.Saad]

انا عايز اعرف الدريميل ممكن يتخرم بيه فى الحوائط الطوب او الكمر كالشنيور ولا لا

[Ramy_2R]

أعتقد صعب ... عزمة ضعيف

[msakms]

انا عايز اعرف الدريميل ممكن يتخرم بيه فى الحوائط الطوب او الكمر كالشنيور ولا لا

لأ مش ممكن عشان عزمو ضعيف. أنا جربتو قبل كده فالحيطة وبكل بساطة هيوقف

[ayma4d]

السلام عليكم
انا نزلت امبارح وشوفت الدريمل فى هايبر وان ال 3000 ب 550 جنيه وال 4000 ب 970
الفرق فى الجهاز والاكسسوارات اللى معاه اكتر والوات اعلى ومعاه اربع اضافات

المهم انا شوفت موضوعكم ده عن انكوم بس فرق السعر كبير جدا
انا استخدامى ليه هيبقى على الخشب والمعادن والصخور
هل فرق السعر يستحق الدريمل صناعة مكسيكى واراء الناس اللى جربو الجهازين