الخطوات العمليه لتصنيع الرينجات (موضوع استشاري)

[FunnyMickey]

سلام عليكم
حبايب قلبي اعضاء نايل موتورز
في شهر 9 اللي فات اتعمل موضوع من العضو scorpovet
كيف تصنع الرينجات فيديو
http://www.nilemotors.net/Nile/96675-a.html
وده فيديو الموضوع
[youtube]http://www.youtube.com/watch?v=0JSMQk61xQ8&feature=player_embedded[/youtube]


وكان فيه كذا مشكله مقابله الاعضاء في المنتدي منها:
· مشكله البلاستكه اللي اتعمل منها الرينج
ودي تم حلها في الموضوع ده
http://www.nilemotors.net/Nile/122024-a.html
والعضو miso alex لقاهم وعناوين الشركه اللي بتعملها موجودين في الموضوع
· مشكله الماده العاكسه للضوء اللي حتتحط في الرينج ودي معرفش تتجاب منين
· الشرط اللي اتعملت في الرينج بجهاز اسمه mini craft او الديريمل عشان توجه الضوء في حته معينه
والجهاز ده موجود في الموضوع ده للعضو shiko 85
http://www.nilemotors.net/Nile/121484-dremel.html
وتمنه حوالي 250 جنيه ومش كلنا حنقدر نجيبه
ايه البديل ؟؟؟
· الكاوتش اللي اتحط في اطراف الرينج وده في اعتقادي ممكن شريط لحام او الداخلي بتاع العجل يفي بالغرض
· الراجل كان بيجرب الرينج بجهاز كده يشوفه حينور ولا لا ده بردو نعمل فيه ايه
· ايه فايده السلكه السوده اللي اتحطت بعد ما خلص في الاخر خالص
كان مكتوب انه عشان يخلي طرف موجب وطرف سالب بس مش طرفين وطرفين
وازاي نقدر نعرف الطرف الموجب والسالب في الليدات
يتبقي لنا بعض المشاكل اللي حتواجهنا واحنا بنبتدي شغل
1- مشكله فك الفانوس والوصلات الكهربائيه بتاعته
2- مشكله فك الوش نفسه بتاع الفانوس واللي الحل الوحيد ليه انه يتحط في البوتاجاز لحد ما الماده اللاصقه تسيح
وهنا عندي انا شخصيا سؤال
الفانوس ده مش من ماده بلاستيك يعني لو اتساب في الفرن ممكن يسيح ؟؟؟
والحل التاني جهاز هيتر يطلع هوا سخن وده بردو تمنه غالي واحنا بنعمل الموضوع ده عشان نوفر ال350 اللي بياخدوهم بتوع تعديل الفوانيس اصلا
ودي طريقه فك الفانوس بالبوتاجاز

[youtube]http://www.youtube.com/watch?v=P-q0SVALfus&feature=player_embedded[/youtube]



لاحظت حاجه انه رش الفانوس سموك قبل ما يركب الرينج
وهنا سؤالي هل لازم نرش الفانوس سموك ولا مش شرط
لان في ناس عربياتها جديده ومعتقدش حيقدروا يضحوا التضحيه دي
وايه دور السموك في الرينجات اصلا

1- نيجي لتثبيت الرينج ودي المشكله التالته لان مش كل الاعضاء فوانيسهم مدوره وانا منهم ازاي الرينج يثبت في الفانوس من غير ما يقع وهل دابل فيس او امير يفي بالغرض ولا مع الوقت يقع ونضطر نفك تاني عشان نلزقه تاني وتبقي شغلانه
2- المشكله الرابعه هيا ازاي حنوصل الرينج مع كهرباء الفانوس وبمناسبه التوصيل
اللمبات او الليدات المستخدمه تتجاب منين او نقول ايه واحنا بنشتريها
وكنت قريت بالمناسبه انهم موجودين في النخيلي اللي في باب اللوق

ده اللي انا فاكره دلوقتي وانا معايا فيديوهات ممكن تساعد في حل المشاكل اللي فوق كلها
واحب اعرضها و بردو تشوفوها
والغريب ان الراجل في الفيديو فك الفانوس بمفك ولا حطه في بوتاجاز ولا اي حاجه


1- طريقه فك الفانوس

[youtube]http://www.youtube.com/watch?v=iHJviNWUSdI&feature=related[/youtube]



2- طريقه فك الفانوس بدون بوتاجاز

[youtube]http://www.youtube.com/watch?v=BxuZIQMoZnI&feature=related[/youtube]



3- طريقه تثبيت الرينجات في الفانوس (الفانوس مدور طبعا ملقاش مشكله)

[youtube]http://www.youtube.com/watch?v=MUtEmv1bmvM&feature=related[/youtube]



4- تجربه الرينجات علي الفانوس قبل التركيب

[youtube]http://www.youtube.com/watch?v=YVgDATwsjcQ&feature=related[/youtube]



5- تثبيت باغه الفانوس بالسيليكون بعد الانتهاء

[youtube]http://www.youtube.com/watch?v=YluyZzh3llQ&feature=related[/youtube]



6- تركيب الفانوس في السياره

[youtube]http://www.youtube.com/watch?v=Lii8kBs19Og&feature=related[/youtube]


بكده انا خلصت كل اللي في بالي ومستني بردو طرح افكار لحلول المشاكل الباقيه
وفيه حاجه اخيره
الرينج الصيني هل هوا كله لمبات من جوه ولا نفس الفكره
لو هيا البلاستكه موجوده ونوعيه اللمبات اللي وحشه ماهو ممكن نشتري الرينج الصيني علي طول وناخد منه البلاستكه
وبعدين نغير اللمبات اللي فيه بحاجه كويسه متتحرقش او تفصل
ولا الرينج الصيني اي كلام اصلا وصناعته مختلفه عن اللي احنا بنعمله ده
ايه الاختلاف
وشكرا بجد لسعه صدركم والرغي اللي رغيته ده يارب ميصدعكوش

[shiko85]

انا ليا الشرف انى اكون اول واحد رد عليك, فرصه ارد جزء من جميلك

· مشكله الماده العاكسه للضوء اللي حتتحط في الرينج ودي معرفش تتجاب منين

الماده العاكسه موجوده فى اى مكتبه ممكن تلاقيها بسهوله فى سمير و على
و فى حل تانى عند بتوع السباكه فى شريط عازل ممكن يدى نفس النتيجه و ممكن نجرب الورق السيلفر بتاع الفرن و يتلزق عادى

· الشرط اللي اتعملت في الرينج بجهاز اسمه mini craft او الديريمل عشان توجه الضوء في حته معينه

طبعا مش هتكلم عن الجزء ده انت اكتر واحد عارف, كفايه تعبك و لفك علشان تسأل عليه
بس انا جتلى فكره ممكن صفيحة منشار و عيش بقى

الكاوتش اللي اتحط في اطراف الرينج وده في اعتقادي ممكن شريط لحام او الداخلي بتاع العجل يفي بالغرض

ده اسمه Heat Shrink و موجود عند الكهربائيه اى واحد بتاع لمبات و اسلاك و الحاجات
دى

· الراجل كان بيجرب الرينج بجهاز كده يشوفه حينور ولا لا ده بردو نعمل فيه ايه

انا بجرب بالحجر المدور ده عارفه ؟

و ساعات على السلك اللى موصل عليه نور الشنطه (بس انا بوصل 3 ليدات مع بعض على التوالى)

وازاي نقدر نعرف الطرف الموجب والسالب في الليدات

السالب هو الطرف القصير (اللى فكره من ايام الكليه)

مشكله فك الفانوس والوصلات الكهربائيه بتاعته

معتقدش انها مشكله, انا عندى سهل جدا مش عارف ايه نظامها فالكرستاله عندك بس اعتقد ان دى مش مشكله عند كل الناس

مشكله فك الوش نفسه بتاع الفانوس واللي الحل الوحيد ليه انه يتحط في البوتاجاز لحد ما الماده اللاصقه تسيح
وهنا عندي انا شخصيا سؤال
الفانوس ده مش من ماده بلاستيك يعني لو اتساب في الفرن ممكن يسيح ؟؟؟

طبعا لو اتساب هيسيح بس انت مش هاتسيبه كتير اللى انا شفته فالفديوهات انك تسيبه 3-5 دقائق على درجه حراره 225-250
و ممكن تشوف حد عنده Heater و خلاص (اى حد جنبك)

هل لازم نرش الفانوس سموك ولا مش شرط ؟
وايه دور السموك في الرينجات اصلا ؟

معتقدش انه لايزم يرش الفانوس شفت فيديوهات ركب عادى, بس لو حد عنده معلومه يا ريت يفيدنا بيها

نيجي لتثبيت الرينج ودي المشكله التالته لان مش كل الاعضاء فوانيسهم مدوره وانا منهم ازاي الرينج يثبت في الفانوس من غير ما يقع وهل دابل فيس او امير يفي بالغرض ولا مع الوقت يقع ونضطر نفك تاني عشان نلزقه تاني وتبقي شغلانه

بصراحه الفانوس عندى مدور بس نصيحه منى استنى لما تفك الوش هيبقى سهل انك تشوف حل للتثبيت على الطبيعه

اللمبات او الليدات المستخدمه تتجاب منين او نقول ايه واحنا بنشتريها
وكنت قريت بالمناسبه انهم موجودين في النخيلي اللي في باب اللوق

موجودين فالنخيلى و عند رام كمان اللى فى وشه على طول
تيليفون رام 23918961

[Most_H]

طبعا مش هتكلم عن الجزء ده انت اكتر واحد عارف, كفايه تعبك و لفك علشان تسأل عليه
بس انا جتلى فكره ممكن صفيحة منشار و عيش بقى



ده اسمه Heat Shrink و موجود عند الكهربائيه اى واحد بتاع لمبات و اسلاك و الحاجات
دى

اسمها مكرونة سودا، وبتتباع عند الكهربائية



السالب هو الطرف القصير (اللى فكره من ايام الكليه)









معتقدش انه لايزم يرش الفانوس شفت فيديوهات ركب عادى, بس لو حد عنده معلومه يا ريت يفيدنا بيها

الرش دة على ما اظن منظر فقط







موجودين فالنخيلى و عند رام كمان اللى فى وشه على طول
تيليفون رام 23918961

ورديو طلعت كمان

[midomizo]

طب حد يا جدعان عملها فعلن يحطلنا فديو لية او وصف صوتى كدة على الماشى او يورينو صورتها بعد معلها بايدة

[FunnyMickey]

لسه محدش عمل حاجه
انا ان شاء الله معايا فاننوس قديم حجرب موضوع البوتاجاز ده واقولكو ان شاء الله
كلو مقلق وخايف
الموضوع مش سهل
دي عربيه والغلطه في الموضوع ده بفانوس جديد علي طول
بس ان شاء الله خير

[disha_2020]

يا جماعه انا حيبت البلاستيكه الطويله دى بس انا المشكله انى دايخ على اللمبات مش لاقيها ومش عارف اجيبها منين ياريت اللى يعرف يقولنا

[shiko85]

يا جماعه انا حيبت البلاستيكه الطويله دى بس انا المشكله انى دايخ على اللمبات مش لاقيها ومش عارف اجيبها منين ياريت اللى يعرف يقولنا

عن النخيلى او رام ميدان الفلكى - التحرير

[FunnyMickey]

تم فك الفانوس في البوتاجاز العادي بتاع الست دي امي ربنا يخليهالي
حطيت الفانوس علي الخشبه اللي بيقطعوا عليها اللحمه دي
وحطيته في الفرن
وشغلت الستوب ووتش
10 دقايق بالتمام والكمال
وكل دقيقتين ابص عليه
في اول 5 دقايق ابتدي يفك شويه
نصيحه مني بقي بعد النجربه في فانوس قديم
بلاش تشتغلوا بمفك
استنوا ال 10 دقايق
وامسك باغه الفانوس وشدها لبره جامد حتلاقيه بيطلع معاك
وادي صوره الفانوس بعد الفك

[shiko85]

حطيت الفانوس علي الخشبه اللي بيقطعوا عليها اللحمه دي
وحطيته في الفرن
وشغلت الستوب ووتش
10 دقايق بالتمام والكمال

يعنى الخشبه محصلهاش حاجه, قلنا كده محدش صدق
10 دقائق على درجة حراره كام ؟
200 ؟

[FunnyMickey]

ولا حصل اي حاجه
درجه حراره معرفش بس هوا الفرن اصلا كان سخن زي مانتا قلتلي وبعدين رحت حاطط الفانوس ووطيت عالاخر خالص
وسبته 10 دقايق ولا حصل اي حاجه
حتي الفانوس مسكته بادي عادي ولا سخن ولا بتاع

[shiko85]

ولا حصل اي حاجه
درجه حراره معرفش بس هوا الفرن اصلا كان سخن زي مانتا قلتلي وبعدين رحت حاطط الفانوس ووطيت عالاخر خالص
وسبته 10 دقايق ولا حصل اي حاجه
حتي الفانوس مسكته بادي عادي ولا سخن ولا بتاع

[FunnyMickey]

الليدات البيضا موجوده عند محل الجمال في باب اللوق
عشان الابيض مش عند النخيلي
الواحد بنص جنيه
3 فولت
ولازم مقاومه
عشان تركب علي 12 فولت
مش عارف بقي المقاومه تتجاب كام

[FunnyMickey]

الصوره دي من الفيديو وفيها مقاس المقاومه بالظبط
سالت عليهم عند الجمال
لقيت ال5 بربع جنيه
هههههههههههههههههههههههههههههههههههههههه
وادي مشكله كمان اتحلت

بس فيه حاجه بقي غريبه
الشرط الي الراجل عملها
البلاستكه مضلعه
واحنا بتاعتنا مدوره
هل حتفرق ؟؟؟؟

[amrfranca]

الله ينور يا رجالتناااااااااااااااا

[zaza_lanos]

موضوع فى الجون