أخيرررررراااااا عملت الرينجااااااااات

[Abdelrahman.H]

الحمد لله عملت الرينجات و ركبتهم .....

قبل ما أقولكم عملتها إزاي عايزكم تشوفوا تجربتي الأولى مع موضوع الرينجات ده علشان تعرفوا الفرق بين الصيني وبين اللي بتعمله بإيدك .... فااااااااااااصل و نرجع تاني . إنتظرونااااااا



http://www.nilemotors.net/Nile/111269-gen-2-a.html










عدنااااااااا

بعد ما شفتوا التجربة الأولى أحب أقولكم إن الرينجات دي باظت بعد ما ركبتها ب 3 أيام فقط ( ياخسارة التعب )
الرينجات الكبيرة اللي راكبة على العاكس ساحت من حرارة اللمبة علشان النصف العلوي للرينج حرارة اللمبة بتطلع عليه و تسيحه علشان كده حتلاقوني عامل رينج نصف دائري على العاكس

إلى أن قرأت موضوع (كيف تصنع الرينجات بنفسك) هنا في قسم الكماليات
http://www.nilemotors.net/Nile/96675-a.html

تحمست جدا للفكرة و سألت ناس كتير على الأكريليك و محدش فادني لحد ما العضو misoalex لقاهم في الموضوع ده
http://www.nilemotors.net/Nile/122024-a.html

بعد كده نزلت عملت المشاوير التالية :
نزلت على فرع الشركة اللي في عابدين و إشتريت 3 أعواد تخانة 8 مللي ب 24 جنيه .
رحت باب اللوق جبت 15 لمبة ليد ب 15 جنيه + 15 مقاومة ب7.5 جنيه.
عديت على بوتيك جبت من عنده مونوكير شفاف ب 2 جنيه
نزلت التوفيقية إشتريت 1 متر شريط عاكس من الناس اللي بيبقو فارشين بضاعتهم في الشارع ( 1 متر ب 3 جنيه) هما عندهم كل الألوان و المقاسات زي دي


أنا جبت من الفضي زي ده



روحت البيت و بدأت العمل .....نفس الخطوات في التجربة الأولى .لحد ما فكيت العاكس و غماز الإشارة وقطعت الأكريليك على قدهم و حطيت الأكريليك في الفرن زي الفيديو بالضبط لمدة عشر دقائق وبدأت اخرجهم من الفرن واحد واحد يعني أخرج بتاع العاكس و أشكله على شكل العاكس بتاع الفانوس الأول و بعدين أخرج بتاع الغماز و أشكله و بعدين بتاع الفانوس التاني وهكذا ......
بعد كده بواسطة الشنيور العادي و بنطتين حدادي3مم و 5مم بدأت أفرغ مكان الليدات .... أخرم الأول بالبنطة ال3مم وبعدين أوسع الخرم بالبنطة ال5مم وبعدين دهنتهم بالمونوكير.
بما أني مش عندي دريميل علشان أعمل بيه الشرط ... إستعملت البنطة الحدادي ال3مم بحيث إني أحزز البلاستيك بجنب البنطة مش بسنها.
بعد كده ركبت اللمبات على التوالي ولزقتهم كويس بمسدس الشمع ووصلتهم ببعض زي الفيديو يعني سالب الليد الأول بموجب الليد التاني يتبقى عندك طرفين السالب بتاع الليد التاني توصل بالسالب بتاع العربية و الموجب بتاع الليد الأول يتوصل بأحد طرفي المقاومة و الطرف الآخر للمقاومة يتوصل بموجب العربية.
طبعا انتم بتسألوا نفسكم دلوقتي أنا كنت بأجرب بأيه ... ب Power Supply بتاع كمبيوتر قديم عندي ... كلنا عارفين الفيشة اللي بتدخل في الهارد أو السي دي ...
فيها 4 أسلاك ... سلك أحمر بجانبه سلك إسود مالناش دعوة بيهم ... يتبقى عندك سلك أصفر ( هو ده الموجب اللي بيطلع 12 فولت ) بجانبه سلك إسود ( هو ده السالب ).

بعد كده ركبت الرينجات واحد جوه الغماز وواحد على حافة العاكس وثبتهم بمسدس الشمع وركبت كل حاجة تاني زي ما فكيتها و وصلت الأسلاك بالنور الصغير وجربتهم وكانت النتيجة كالتالييييييييي



أثناء التجربة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــ
وده بعد التركييييييييييييييييييييييييييب

[A7MED_PHARMA]

هايله جداااااااااااااااااااااا

[A7MED_PHARMA]

والرقم بتاعك كمااااااااااااان هايل
إنت ( دفعت فيه فلوس )
ولا الرقم كان نصيبك كده

[n8os]

مقدرش اقول غير الله ينور عليك

[FunnyMickey]

الله ينور عليك يانجم
بجد شغل حلو اوي اوي
بس ليه
الاضاءه في الصغير احسن من الكبير

[Abdelrahman.H]

والرقم بتاعك كمااااااااااااان هايل
إنت ( دفعت فيه فلوس )
ولا الرقم كان نصيبك كده

ياااااااااااااه ... متفكرنيش ... ده انا دفعت فيه دم قلبي .... 5 صاغ تمن الكهرباء اللي إستهلكها اللابتوب و أنا قاعد أمسح أرقام العربية على ال Paint .... الفكرة دي حد عملها هنا في المنتدى و شكلها عجبني فعملتها

[MOSHAKS]

ماشاء الله جميلة جدا

[Abdelrahman.H]

الله ينور عليك يانجم
بجد شغل حلو اوي اوي
بس ليه
الاضاءه في الصغير احسن من الكبير

تسلم يا ريس ...
الإضاءة في الصغير أحسن لسببين ...
1- إن الرينج الصغير انا مركبله 2 ليد و هو محيطه 20 سم بينما العاكس مركبله 2 ليد برضه وهو طوله 36 سم وبالتالي كثافة الضوء في الصغير أعلى من الكبير .
2- إن الباغة البلاستيك بتاعة الغماز الضوء ماشي فيها زي ماهو ماشي في الرينج بالضبط لأن أنا مركب الرينج من داخل الغماز مش من الخارج

[ecybrarian]

انا في الحقيقة بقيت ما بحبش الرينجات من كتر انتشارها بدون ذوق ولا شكل جمالي...بس الصراحة شغل حضرتك كله ذوق وفن وحرفنة..ما شاء الله شكلهم على عربيتك تحفة.

[Abdelrahman.H]

انا في الحقيقة بقيت ما بحبش الرينجات من كتر انتشارها بدون ذوق ولا شكل جمالي...بس الصراحة شغل حضرتك كله ذوق وفن وحرفنة..ما شاء الله شكلهم على عربيتك تحفة.

ده بالظبط الفرق بين تجربتي الأولى مع الرينجات والتجربة دي ... في التجربة الولى المقاسات ما كانتش متظبطة كويس ... يعني تحس إنك رامي لمبتين نيون جوه الفانوس وخلاص لكن في التجربة التانية انت بتفصل رينج مخصوص لعربيتك يعني ماينفعش لأي عربية تانية غير عربيتك

[magyver]

الله ينور عليك يانجم
بجد شغل حلو اوي اوي
بس ليه
الاضاءه في الصغير احسن من الكبير

فعلا كدة
بس فكرلها في حل
وهانفكر معاك برضو

[Most_H]

بسم الله ما شاء الله

هو دة الكلام

وان شاء الله تقعد معاك اكتر من تلات تيام

وربنا يسهل لنا ونعملها

[shiko85]

بجد تحفه

[powerofhelll]

بسم الله مشاء الله
شكلهم تحفه ربنا يباركلك فيها

[migo9898]

جميلة جدا الله ينور