الزجاج الفاميه واليفط السوداء

[beroo_lovers]

مساء الخير عليكم اولا ثانيا انا معايا كيا سيراتو زرقاء 2010 وكنت عاوز اركب زجاج فاميه بس خايف من تلكيكات المرور والمخالفات ومره كنت بتكلم قدام واح صاحبي فاقالي هما لما بيشوفوا اليفط السوداء مش بيوقفوك فكنت عاوز استفسر عن الكلام ده هل هو صح ولا لا ولو صح اليفط السوداء بتطلع ازاي . مع العلم انني في كلية طب بشري. وشكرا جزيلا

[midomizo]

معلش بس يعنى اية يفطة سودا طب الارقام باينة ازاى

[shaddadfalcon1]

الأرقام بتبقي باللون الأبيض

[mohamed_karioka]

مع احترامى يا دكتور لصاحب الرأى لكن هيوقفوك والله طلعت رتبة او قضاء و نيابه هتاخد التحيه اولا ثم الاحترام و الاعتذار ثانيا على وقتك الثمين اللى ضاع فى اللجنه . غير كدة نظره بأرف و تحول الوقفه الى حصه فى الاحترام مع تعويض لكل عقد النقص اللى عنده فى مواجهة دكتور مستقبلى اللى هو حضرتك ثم سحب الدفتر لعمل اللازم .

[beroo_lovers]

اليفط السوداء بتبقي كلها سودا بس الارقام بالابيض

[beroo_lovers]

طيب ولو وقفني المخالفه هتبقي في حدود كام

[beroo_lovers]

والمرور اللي بيتكلم علي الزجاج والستاير والكلام ده بيبقي علي الخط السريع ولا داخل المدينه وشكرا

[mohamed_karioka]

على فكرة نسيت اقولك ان اى حاجه ممكن تخلينى اقف وقفه مالهاش لازمه فى لجنه مش حاططها فى العربيه لان مفيش واحد منهم يستاهل . ولو حصلت رادار كل فييييييييييييييين و فين بانزل بالرخصتين و ال150 جنيه

[mohamed_karioka]

سواء فاميه او لوح سوداء الاتنين يدخلوك فحص

[m7mda7md]

مع احترامى يا دكتور لصاحب الرأى لكن هيوقفوك والله طلعت رتبة او قضاء و نيابه هتاخد التحيه اولا ثم الاحترام و الاعتذار ثانيا على وقتك الثمين اللى ضاع فى اللجنه . غير كدة نظره بأرف و تحول الوقفه الى حصه فى الاحترام مع تعويض لكل عقد النقص اللى عنده فى مواجهة دكتور مستقبلى اللى هو حضرتك ثم سحب الدفتر لعمل اللازم .

100 ميه

[n_nabil76]

لا لوح سوداءولا ارقام مميزة بعد النمر الجديدة انسى كلو بعد كدة هيقف او ياخذ مخلفة ولي هيعرف يسلك نفسة يسلك بالجنة او بالكرنية

[Elvis1935]

و الله احنا عندنا فى بورسعيد عربيات رشا النمر كلها سودا حتى مفيش ارقام ابيض

[sherifahmed]

سؤال معلش
سعادتك دكتور يعنى واحد متعلم و مثقف
و مفروض تكون مثل و قدوة
ليه مصر تخالف القانون؟
حضرتك ممكن متجاوبنيش بس ليه احنا فى مصر عايزين نخالف و بس؟

[beroo_lovers]

وايه حكاية الكارنيه اللي تسلك بيه نفسك ده؟

[m_waheed]

في النهاية اليفط دي الوقتي اتلغت وبقت في يفط جديدة واوعي تلعب فيها