إعـــــــلان

Collapse

.

,
See more
See less

ركبت انذار ووحدتين رفع ولاكن

Collapse
X
 
  • Filter
  • الوقت
  • Show
Clear All
new posts

  • ركبت انذار ووحدتين رفع ولاكن

    السلام عليكم

    اخواني النهاردة الحمد لله ركبت انذار نوعة (2h) ووحدتين رفع wolf المهم ان الكهربائي خد مني 100 جنية وخد 20 جنية تمن حاجة اسمها خزان بتركب للسنتر قالي عشان تقفل الابواب
    فهل الكلام دة صحيح ؟ وهل السعر دة كويس ولا كتير عشان اعمل حسابي اما اروح لة تاني

    السوال الثاني : مش المفروض اما الشنطة تتفتح والانذار شغال العربية تعمل صوت التنبية ؟ " عندي مش بتعمل كدة الشنطة بتتفتح عادي وكان مفيش اذار اساسا !!

    وكمان لاحظت حاجة غريبة طبعا اما اي باب يكون مفتوح بيعمل اشارة انتذارالغريب اني لو شغلت اي اشارة في الوقت دة بيتجننوا اكن في مشكلة في الاوامر الي رايحة للعربية بمعني اخر مش بيشتغلوا بالترتيب الطبيعي

    وكمان عمل حاجة غريبة . الانذار معاةحاجة عاملة زي الكتاوت ماركيبهاش وقالي مالهاش لازمة والصورة بالمرفقات

    السيارة نوعها هيونداي اكسيل 1500
    الملفات المرفقة
    [CENTER][SIGPIC][/SIGPIC][/CENTER]

  • #2
    اخي الكريم
    مش كل اجهزة الانذار بيركبلها سنسور في الشنطة بمعني ان فيه اجهزة بتكتفي بتأمين الكابينة فقط من السرقة لان لو اي حد هز العربية الانذار حيحس علطول
    و بعدين لو ركب انذار في الشنطة و الكبوت يبقي حيخش في دايرة تدوير العربية و الكلام ده و طبعا لو حدث اي خلل في جهاز الانذار مش حتقدر تدور العربية الا لما تحل المشكلة لذلك بيراعو ان اسنسور يركب في الكابينة فقط منعا للمشاكل و اللي عملوا معاك الكهربائي مش وحش لان الغرض من جهاز الانذار انه ينذرك في حالة وجود حرامي او يفضح الحرامي
    و طبيعي جدا ان الانذار يديلك اشارة لو اي باب مفتوح لان بكده العربية مش متأمنة كويس
    الخلاصة ان الامور اللي حضرتك ذكرتها دي طبيعية جدا و مافيش منها مشاكل و الكهربائي ما نصبش عليك ....انا مركب انذار فيه نفس مواصفات انذارك بالظبط


    محمد فهمي
    (وَلْيَعْفُوا وَلْيَصْفَحُوا أَلاَ تُحِبـُّونَ أَنْ يَغْفِرَ اللَّهُ لَكُمْ):satelite:

    [SIZE=4][COLOR=navy]محمد فهمي[/COLOR][/SIZE]

    Comment


    • #3
      جزاك الله خير علي الرد
      انا مش قصدي انة نصب عليا بس حاسس ان السعر غالي شوية ولو هو غالي فعلا انا هاطلع عينة

      بالنسبة للكبوت جاي مع الانذار زرار لة وهو ركبة ولو الكبوت مفتوح بيديني اشارة انتظار وبيخلي نور الصالون مفتوح
      وكمان بالنسبالي الشنطة مهمة جدا جدا جدا جدا جدا لاني لسة من يومين مسروق مني جهازين كومبيوتر جداد من الشنطة ومش عارف ازاي !!!
      عشان كدة ركبت الانذار
      [CENTER][SIGPIC][/SIGPIC][/CENTER]

      Comment


      • #4
        دي صورة الخزان الي ركيبهولي وانا دورت علي النت ولقيت ان كدة صح
        ودول شوية صور من الكتالوج وياريت حد يفهمني الصفحة دي منة عشان مش فاهمها
        وجزاكم الله خير
        الملفات المرفقة
        [CENTER][SIGPIC][/SIGPIC][/CENTER]

        Comment


        • #5
          بس يا باشا
          كل إللى موجود طبيعى تماما والأخ borgelharm قال كل حاجة وزيادة كمان وكمان الخزان دة عبارة عن فردة سنتر ودية تمنها 25 جنية وبتركب لما يكون السنتر فى باب السواق كهربا وبيتحط علشان يحكم غلق الأبواب الأخرى مع باب السواق ومش كل العربيات بيركب الخزان دة - فمثلا اللانوس بيركبلها ولكن الكورولا مش بيركبلها
          وعلشان تخلى محدش يقدر يفتح الشنطة ممكن تخلى الحساسية بتاعت الأنذار عالية قوى وبكدة أول ما يلمس الشنطة هتصفر عالطول
          وبالنسبة لموضوع الأنتظار دة ممكن تلغية أنا عامل كدة فى عربيتى وطريقة اللغى سهلة جدا وهتلاقيها فى الكتالوج انا عندى فى الوولف بدوس على زرار التامين مدة طويلة عالطول هيفصل لوحدة
          [CENTER][sor2]http://www2.0zz0.com/2012/03/20/06/448963560.jpg[/sor2]
          [FONT=Book Antiqua]TAHOE THE LEGEND[/FONT]
          [/CENTER]

          Comment


          • #6
            كل ده طبيعي جدا جدا جدا وكل الصنيعية بيعملوه في مصر....بس.....ده غلط
            بص يا سيدي..إنذار الشنطة بيركب على نور الشنطة..يعين لما الشنطة تنور والإنذار ON يعمل سرينة..ايه بقى المشكلة إللي تخليهم ما يعرفوش يركبوها؟؟؟؟ ولو الشنطة بتفتح بـRelay كهربا يمكن للإنذار (في الغالب) فتح الشنطة عن طريق دوسة طويلة على UNLOCK...ده طبعا لو راكب صح من الأول.

            أما الخزان ده (أو القربة) فده بجد فضيحة التركيب في مصر..لأنهم بدل ما يركبوا الإنذار على دايرة السنتر لوك الكهربائية الأصلية للعربية..بيركبوا القربة دي ويشتغلوا عليها..يا دوبك على قد فهمهم..طبعا الكلام ده على صنيعية تركيب الاكسسوارات مش الكهربائية الفاهمين

            أما الكتاوت دي فهي بالظبط زي ما قالوا لك الأخوة من قبل..ولكن لمعلوماتك يوجد منها أنواع تسمح للحرامي بتدوير العربية لمدة 3 قائق ثم تقف العربية..كأنها عطلت مرة واحدة فيسبها مكانها...حركات يعني..بس عدم تركيب الوحدة دي هي الحسنة الوحيدة لصناعية التركيب دول...أصل أجهزة الإنذار في مصر مش مضمونة..أما لو جبت الجهاز من أمريكا مثلا يبقى ركبه ولا يهمك
            لا حول ولا قوة إلا بالله..متى سيموت الإهمال في مصر

            Comment


            • #7
              جزاكم الله كل خير لي الردود الوافية
              وبالنسبة لرد الاخ ecybrarian فعلا لقيت في الكتالوج ان الانذار ممكن يفتح الشنطة بدوسة طويلة علي unlock

              وتسلم ايديكم كلكم
              [CENTER][SIGPIC][/SIGPIC][/CENTER]

              Comment


              • #8
                اخواني ليا سوال كمان بعد اذنكم

                دلوقتي انا طفيت العربية ونزلت وقفلت الباب بعد 10 ثواني تقريبا العربية بتعمل صوت تنبية لوحدها 3 مرات مع الاشارة

                هو المفروض وقتها انها تقفل لواحدها ؟
                [CENTER][SIGPIC][/SIGPIC][/CENTER]

                Comment


                • #9
                  المشاركة الأصلية كتبت بواسطة ecybrarian مشاهدة المشاركة
                  كل ده طبيعي جدا جدا جدا وكل الصنيعية بيعملوه في مصر....بس.....ده غلط
                  بص يا سيدي..إنذار الشنطة بيركب على نور الشنطة..يعين لما الشنطة تنور والإنذار ON يعمل سرينة..ايه بقى المشكلة إللي تخليهم ما يعرفوش يركبوها؟؟؟؟ ولو الشنطة بتفتح بـRelay كهربا يمكن للإنذار (في الغالب) فتح الشنطة عن طريق دوسة طويلة على UNLOCK...ده طبعا لو راكب صح من الأول.
                  هو بيقولي انة ممكن يعمل الانذار يشتغل اما الشنطة تتفتح لاكن لازم يوصل لها سلك هل الكلام دة صح ؟
                  وسالتة علي ان افتحها من الريموت ماردش عليا
                  [CENTER][SIGPIC][/SIGPIC][/CENTER]

                  Comment


                  • #10
                    موضوع السلك د سليم تماما زاي ما تفضل الأستاذ ecybrarian و قال ، لأنه بياخد وصلة من مفتاح النور بتاع الشنطة لحد علبة جهاز الإنذار ٫

                    أما إن الشنطة تفتح من الرموت مش هتنفع في ال-excel عشان مفيهاش كتوت فتح مخصوص ، يا إما هيوصل على الشداد الكهربة بتاع فتح الشنطة من الصالون بس لازم يكون كهربائي فاهم عشان يعملها .

                    Comment


                    • #11
                      و وصلت الشنطة مع الانذار هتلاقى نور الصالون هينور لما تفتح الشنطة والعكس لان الانذار ما فيهوش inputs منفصلة (صالون وشنطة و كبوت)
                      [hr]#0033ff[/hr]
                      تحياتى
                      أحمد عزت

                      Comment


                      • #12
                        كمان فيه عربيات فيها دائرة نور الصالون لباب السواق مستقله عن دائرة الأبواي الثلاثه الأخرى لأنك لما بتفتح باب السواق فيه لمبه بتنور فوق الكونتاكت علشان تشوف تحط المفتاح وفى الحاله دى الكهربائى لازم يخليهم دائره واحده لنفس السبب (عدم وجود inputs زياده)
                        [hr]#0033ff[/hr]
                        تحياتى
                        أحمد عزت

                        Comment


                        • #13
                          المشاركة الأصلية كتبت بواسطة ahmedezzat78 مشاهدة المشاركة
                          و وصلت الشنطة مع الانذار هتلاقى نور الصالون هينور لما تفتح الشنطة والعكس لان الانذار ما فيهوش inputs منفصلة (صالون وشنطة و كبوت)
                          +100000000000000000
                          [CENTER][sor2]http://www2.0zz0.com/2012/03/20/06/448963560.jpg[/sor2]
                          [FONT=Book Antiqua]TAHOE THE LEGEND[/FONT]
                          [/CENTER]

                          Comment


                          • #14
                            تسلم ايديكم علي الرد
                            ومستني ردكم علي
                            دلوقتي انا طفيت العربية ونزلت وقفلت الباب بعد 10 ثواني تقريبا العربية بتعمل صوت تنبية لوحدها 3 مرات مع الاشارة

                            هو المفروض وقتها انها تقفل لواحدها ؟
                            [CENTER][SIGPIC][/SIGPIC][/CENTER]

                            Comment


                            • #15
                              اولا موضوع الصوت ده انها بتكون شغلت الانذار بس السنتر لا مش بيقفل
                              الانذار بيشتغل لوحده كنوع من انواع التأمين بعد ما تشيل المفتاح من الكونتاكت بس السنتر لا علشان العربيه ماتقفلش و انت سايب المفتاح جواها على الكرسى مثلا

                              ثانيا علشان تأمن الشنطه فده بيتعمل عن طريق توصيله سلك صغيره من نور الشنطه الى زرار الباب الخلفى بس فعلا لما تتفتح الشنطه الصالون هينور و لمبه الشنطه هتنور فى التابلوه (بس لمبه التابلوه دى مش موجوده اصلا عند حضرتك)

                              ثالثا بخصوص فتح الشنطه بالريموت فا ممكن بشرط ان مفتاح الشنطه اصلا يكون كهربائى مش سلك يعنى مش هينفع فى عربيه حضرتك علشان هى شداد سلك
                              Hisham

                              [SIGPIC][/SIGPIC]

                              Comment

                              Working...
                              X