تركيب سرينة .. بمعلومية الادارة و الوزارة !

[Hegazio]

في احد الحوارات العائلية و كان يحضرها خالي ( لـواء شرطـة ) و جائت سيرة تركيب السرينة في السيارة و بعد ان اختلف الحاضرين هل هي غير مناسبة لأنها حرام - مخالفة للقانون - تؤذي بالغاء وظيفتها الحقيقية للاسعاف - تؤذي الأذن و المشاعر - اسلوب منحط و غير راقي - لا فائدة منها للسيارات لمن يتوهم ذلك
الا ان الجميع اتفقوا علي انه لا يجب تركيبها
و عندما قال خالي ان تركيبها ليس سهلا و الحصول عليها كذلك
أكدت أنه هناك الكثيرين ممن يساعدون الناس في الحصول عليها مثل بعض الأعضاء في المنتدي
و هنـــا .. أصر علي معرفة اسم المنتدي و أقسم أنه سيستصدر أمر من مساعد وزير الداخلية بايقاف المنتدي و التحقيق مع مالكيه
و عندما قلت له .. ان هناك أقسام مفيده كثيره
اصر علي معرفة اسم المنتدي و انه سيتصرف
بصراحة توهت الموضوع .. و اتمني ان يكون نسي الموضوع
أرجو من ادارة المنتدي .. ان تحرص جيدا علي الا يكون أي من اقسامه أو أعضائه مروجون بما يخالف عليه القانون أو الدين .. لأنه منتدي محترم فعلا .. و أخشي ان تفسد نقطة الحبر .. نقاء المـاء
و وفقنا الله و إياكم

[MohamedGafar]

ياسيدي الفاضل السارينة دي بتتباع فى المحلات كلها وعادي جدا ان اي حد يشتريها.

تحياتي.

[Ahmed Sharaf]

عفواً على التعليق ,
حضرتك كنت تقول لخالك , ينزل يتمشى فى التوفيقية وهو يلاقى كل الاشكال عند كل المحلات.
أو وهو ماشي فى اي شارع هيلاقي الناس كلها مركباها " على راي عضو كان قال في موضوع قبل كدة دلوقت بنمشي في الشارع ومن كتر السارينات كأننا ماشيين داخل كلية الشرطة "
أعتقد الأولى يستصدروا قرار بمنع استيرادها أو منع بيعها أو محاسبة اللي مركبها
( على فكرة أنا مش من أنصار تركيب السارينة )

[Hegazio]

السرينة فعلا ممنوعة من البيع .. و الجهة المسئولة عن مخالفة المحال البائعة له هي البلدية و المحافظة
و الداخلية تقوم فعلا بمخالفة و محاسبة من يقوم بتركيبها في اي لجنة أو فحص لكن اغلب المخالفين يدركون انها مخالفة فيقومون باخفاء الجريمة
و هناك ما هو لا يمكن تحديد اذا كان ممنوع ام لا علي حسب نوع السيارة مثل الديفندر .. لا سلطة للداخلية علي بيعه .. و لكن سلطة مخالفة من يقوم بتركيبه

[shady_hamdy]

دة على اساس انك صعب تشترى سرينة دة بتتباع فى التوفقية على الارض و صوتها جبار انا شاريها لواحد صحبى ب 100 ج بعد ما الراجل قلى 250 ج و ركبت و صوتها فعلا عالى جدا جدا و خمس اصوات

[zaza_lanos]

عفواً على التعليق ,
حضرتك كنت تقول لخالك , ينزل يتمشى فى التوفيقية وهو يلاقى كل الاشكال عند كل المحلات.
أو وهو ماشي فى اي شارع هيلاقي الناس كلها مركباها " على راي عضو كان قال في موضوع قبل كدة دلوقت بنمشي في الشارع ومن كتر السارينات كأننا ماشيين داخل كلية الشرطة "
أعتقد الأولى يستصدروا قرار بمنع استيرادها أو منع بيعها أو محاسبة اللي مركبها
( على فكرة أنا مش من أنصار تركيب السارينة )

كلام الناس العقلين
بس هتقول ايه فى مدينة الملاهى اللى بنعبش فيها

[Ahmed Sharaf]

كلام الناس العقلين


بس هتقول ايه فى مدينة الملاهى اللى بنعبش فيها

أشكرك جداً , دة من ذوق حضرتك.
الصورة الرمزية بتاعه حضرتك جميلو جداً وجديدة

[Ahmed Sharaf]

السرينة فعلا ممنوعة من البيع .. و الجهة المسئولة عن مخالفة المحال البائعة له هي البلدية و المحافظة
و الداخلية تقوم فعلا بمخالفة و محاسبة من يقوم بتركيبها في اي لجنة أو فحص لكن اغلب المخالفين يدركون انها مخالفة فيقومون باخفاء الجريمة
و هناك ما هو لا يمكن تحديد اذا كان ممنوع ام لا علي حسب نوع السيارة مثل الديفندر .. لا سلطة للداخلية علي بيعه .. و لكن سلطة مخالفة من يقوم بتركيبه

أستاذي الفاضل,
إزاي ممنوعة من البيع وهي موجودة وبتتباع على الرصيف في التوفيقية.
المفروض يتمنع أستيرادها من الاساس , يعني معالجة المشكلة من الاساس
على سبيا المثال , الخنفسة السوداء المسماة بالـ توك توك , ملت البلد ومش عايزين يدوهم تراخيص - مؤخراً تم للبعض - طب متمنعتش من الاستيراد لية من الاول بدل المهرجانات دي ولا التوك توك دة دخل البلد مع سرب عصافير.
يجب التفكير قبل العقاب اللي مبيتطبقش على الكل.
تقبل تحياتى

[a_tharwat]

طب احنا نمسك العصاية من النص, ونخلينا اجابيين اكتر. كلنا متفقين على ان البلد بيحصل فيها حاجات غريبة, بس ماهو برضه "لا يغير الله مابقوم حتى يغيروا ما بانفسهم".

مادام ملناش سلطة نغير الغلط من جذره, يبقى اضعف الايمان ان احنا نمنع الكلام فيه ومنشجعش عليه, سواء بشكل مباشر او عن طريق الصمت وعدم اللوم.

[zaza_lanos]

أستاذي الفاضل,
إزاي ممنوعة من البيع وهي موجودة وبتتباع على الرصيف في التوفيقية.
المفروض يتمنع أستيرادها من الاساس , يعني معالجة المشكلة من الاساس
على سبيا المثال , الخنفسة السوداء المسماة بالـ توك توك , ملت البلد ومش عايزين يدوهم تراخيص - مؤخراً تم للبعض - طب متمنعتش من الاستيراد لية من الاول بدل المهرجانات دي ولا التوك توك دة دخل البلد مع سرب عصافير.
يجب التفكير قبل العقاب اللي مبيتطبقش على الكل.
تقبل تحياتى

خالى بالك علشان المناقشة هتشدنا
فى
والادارة مصحصحا اليومين دول
والايقاف بالجملة

[M_Nabil]

ده أنا كل كام يوم أشوف واحد مركبها وماشى أزعاج في الشارع عشان الناس توسع بس لما بيكون ورايا مش بعديه، لدرجة من أسبوع برضه رايح للسمكرى وكان عارض عربيته للبيع بفتح الكبوت لقيته مركب واحدة من اللى بتتباع على الرصيف في التوفيقية

[د.محمود صلاح]

عادي اديله اسم نايل موتورز مش هيلاقي فيه حاجة خارجة

[KoDaK_Gti]

انا معاك انها السرينة حاجة مقززة جدا
بس مع احترامى ليك ؟

انا مش هدخل فى تفاصيل علشان هو خالك زى ما بتقول
بس ايه علاقة السرينة بالمنتدى ؟؟؟

وبتقول هيوقف المنتدى ..ده على اى اساس ؟؟

لو عاوز يعمل الصح يبقة جولة على محلات الاكسسوارات
وشارع التوفيقية ملياااااااااااااااااااانة على الرصيف

[marshello]

انا معاك انها السرينة حاجة مقززة جدا
بس مع احترامى ليك ؟

انا مش هدخل فى تفاصيل علشان هو خالك زى ما بتقول
بس ايه علاقة السرينة بالمنتدى ؟؟؟

وبتقول هيوقف المنتدى ..ده على اى اساس ؟؟

لو عاوز يعمل الصح يبقة جولة على محلات الاكسسوارات
وشارع التوفيقية ملياااااااااااااااااااانة على الرصيف

+111

وكمان ما تقريبا كل الشبابا دلوقتى مركبها وفرحان بيها وطول ماهو ماشى مشغلها لية مش بيحصلهم حاجة بس ازعاج عالفاضى ودولقتى الواحد مبقاش يبص اصلا فى المراية لو شغلها واحد وراة من كترهم لدرجة ان الواحد بقى يخاف يكون فى اسعاف ولا اى حاجة لازم تعدى بسرعة لكن مع الاسف الناس بقت السرينة عادية بالنسبلهم شىء مألوف يعنى

[misoalex]

عفوا بعد كل الى اتقال
ده يعتبر تهديد
يقفل المنتدى هو كشك سجائر
مع كامل احترامى لخال حضرتك بس مفيش قانون يمنع الكلام عن السارينه فى المنتديات
ومفيش واحد شجع حد عندنا فى المنتدى انه يركبها بالعكس الناس بتزعل من بعض لما بنقول بلاش تركبها
هو لو المفروض يعنى يقفلو المحلات الى بتبيعها عينى عينك ويقولك دى فيدرالى وهو فرحان