ركبت نور تحت العربيه (under light)

[mmffor]

+111111111111111111

عاطف باشا , متشكرين على مشاركاتك معانا قلبا و قالبا انت راجل طيب و بتحب تطيب الخواطر و شكرا ليك.
الاخ اللي بيعمل مع جمعيه الرفق بالمبدعين , انا مش من اعداء المبدعين ولا التجربه و النجاح, بس ممكن برضه رأيي او رأي غيري الناقد يشجعه يحسن من نفسه, و ثم انا منقدتش اساسا انا قلت شكله ضعيف شويه
عموما شكرا
للاخ صاحب الموضوع : ماشاء الله صفح كامله انت بتتكلم و بترد. احترم فيك اهتمامك بمواضيعك

[mrghost]

عندك حق المنتدى هنا معمول علشان نفيد بعض وانت مشكور انك نقلت تجربة لينا كاعضاء مش لازم بقا نعقد نضايق بعض زى واحد بيقول على موضوع السرينة لفيته داخل كاتب مشاركة وبيشتم فيا طالما انت مقتنع خلاص اللى هايمشى ورا كلام الناس مش هايعمل حاجة فى عربيته ولا فى حياته كلها

متشكر ياباشا على ردك وانا عن نفسى مقتنع باللى انا عملته طالما مش بضر حد

[mrghost]

يا باشمهندس محمد هو ده الرد اللى معجبنيش
وانا بعت لك رسالة على الخاص ارجو ان حضرتك تكون قرأتها
............................
محمود عينو

الرساله وصلت يا استاذ محمود ورديت على حضرتك

[mrghost]

حلو
بس ايه اخبار المرور

معتقدش ان المرور يتكلم عليه والله اعلم

[mrghost]

عاطف باشا , متشكرين على مشاركاتك معانا قلبا و قالبا انت راجل طيب و بتحب تطيب الخواطر و شكرا ليك.
الاخ اللي بيعمل مع جمعيه الرفق بالمبدعين , انا مش من اعداء المبدعين ولا التجربه و النجاح, بس ممكن برضه رأيي او رأي غيري الناقد يشجعه يحسن من نفسه, و ثم انا منقدتش اساسا انا قلت شكله ضعيف شويه
عموما شكرا
للاخ صاحب الموضوع : ماشاء الله صفح كامله انت بتتكلم و بترد. احترم فيك اهتمامك بمواضيعك

ياباشا الموضوع مش محتاج انه يبقى فيه ابداع ولا مش ابداع انا مش بخترع حاجه
وانا مش بنشر الموضوع علشان مستنى حاجه انا بنشره لان فى ناس ممكن تكون عاوزه تعمل زيى طالما مش بعمل حاجه هتضر حد
كل اللى بعمله انى مهندس كهرباء اصلا وبنفذ افكار بتيجى فى دماغى وخلاص
وطبعا انا عامل الموضوع علشان لو حد عاوز يسأل على حاجه ارد عليه لو اعرفها حتى لو هرد فى صفحات كتيره والا يبقى الموضوع ملوش لازمه

[mrghost]

وياريت لو الاداره تقوم بغلق الموضوع او حذفه

[mmffor]

صافي يا لبن

[eino666]

صافي يا لبن

وياريت لو الاداره تقوم بغلق الموضوع او حذفه

كده يا باشمهندس ازعل منك علشان الاختلاف فى الرأى لا يفسد للود قضية
........................
محمود عينو

[wasta]

الله ينور

الله ينور يا باشا بس أنا حاسس إن النور أزرق مش أبيض ولا أنا بيتهيئلى
بس فكرة الليدات ديه أنا مش بحبذها بتبقى باينه انها ليدات وشكلها مش بيبقى عاطفى شويه بس ممكن تبقى راكبه بطريقه كويسه ومحدش يعرف إنها ليدات
أنا شوفت عربيه أوبترا عملاه بس مكانش شريط ليدات كان نيون ولونه بينك كان تحفه مووووووووووووووووت والإضاءه متوزعه بطريقة جميله جدا وأنا متوقع اللى مبيحبش الحوار ده وشاف العربيه ديه هيغير رأيه تماما

[midomizo]

ممحدش زعلان يا كبير بالعكس موضوعك جميل وافكارك جميلة اوى ويارب منتحرمش منك ولا من افكارك

[mrghost]

متشكر ياجماعه على الردود بالنسبه لحكاية ان الليدلت باين انها ليبدات فده مش باين خالص لان الشريط ارضيته بيضاء والليدات قريبه من بعض فبيبان انها ضوء واحد

[wasta]

متشكر ياجماعه على الردود بالنسبه لحكاية ان الليدلت باين انها ليبدات فده مش باين خالص لان الشريط ارضيته بيضاء والليدات قريبه من بعض فبيبان انها ضوء واحد

طيب تمام أصل أنا شفت اليدات فى كذا عربيه بس كان شكلها مش قوى إنما الصور اللى محطوته شكلها كويس ومعموله بطريقه نضيفه

[devilishtigers]

هو حضرتك حاطط شريط واحد في كل جنب ولا شريطين ويا ترى طول الشريط اد ايه وبكام وبتتوصل مع كهربت العربية ازاي ؟؟؟؟

[د.محمود صلاح]

م/ محمد ممكن يتسرقوا بكل سهولة !

[mmffor]

م/ محمد ممكن يتسرقوا بكل سهولة !

الحرامي بيسرق اللي قدامه مش بينزل تحت العربيه يدور. الا لو كان واحد جار او معرفه او حرامي منشن على العربيه ساعتها بيسرق اللي جوه العربيه قبل بيفكر في 4 شرايط ليدات الواحد جديد ب 15 جنيه يعني مش حيبيعه مستعمل و متبهدل ب 3 جنيه