عايزة معطر للسيارة

[AAAH]

انا عن نفسى جربت حاجات كتير قوى
اول حاجه الفواحات العاديه زى الشجرة واكس غاليه وريحتها بتروح بعد كام يوم
تانى حاجه معسل التفاح وده بقى فكرة فاشله تماما
الحاجه اللى جربتها وذهلت من نتيجتها بصراحه هى كيس الاسانس ابو اتنين جنيه ده هو مشكلته انه شكله بايخ فى العربيه فانا جبته وعلقته فى النجفة اللى فى حجرة الصالون فى البيت ووالله العظيم ريحة الاوده بقت كلها نفس ريحه الاسانس حتى مع ريحة دخان السجاير ومع فتح الشبابيك ورش البيروسول برده الريحه لازقه وكل ما اخش اشمها ريحه عنيفه وجامده جدا بس لحد الان انا برده مستبوخ شكل الكيس فى العربيه بس لو لقيتله مكان مستخبى ممكن احط واحد

[أشرف العدوي]

انا عن نفسى جربت حاجات كتير قوى
اول حاجه الفواحات العاديه زى الشجرة واكس غاليه وريحتها بتروح بعد كام يوم
تانى حاجه معسل التفاح وده بقى فكرة فاشله تماما
الحاجه اللى جربتها وذهلت من نتيجتها بصراحه هى كيس الاسانس ابو اتنين جنيه ده هو مشكلته انه شكله بايخ فى العربيه فانا جبته وعلقته فى النجفة اللى فى حجرة الصالون فى البيت ووالله العظيم ريحة الاوده بقت كلها نفس ريحه الاسانس حتى مع ريحة دخان السجاير ومع فتح الشبابيك ورش البيروسول برده الريحه لازقه وكل ما اخش اشمها ريحه عنيفه وجامده جدا بس لحد الان انا برده مستبوخ شكل الكيس فى العربيه بس لو لقيتله مكان مستخبى ممكن احط واحد

حضرتك ممكن تجيب المعطر الي انا قولت عليه
هو فيه أسانس تفاح و اللأزازة شكلها شيك جداً بتتعلق في مراية العربية وريحته حلوة جداً
هو كان بـ 18 جنيه من بنزينه التعاون الي تحت كوبري الدقي
و لما تفضى ممكن تتملي تاني بأي اسانس او برفان

[w_abedelhakim]

انا عن نفسى جربت حاجات كتير قوى
اول حاجه الفواحات العاديه زى الشجرة واكس غاليه وريحتها بتروح بعد كام يوم
تانى حاجه معسل التفاح وده بقى فكرة فاشله تماما
الحاجه اللى جربتها وذهلت من نتيجتها بصراحه هى كيس الاسانس ابو اتنين جنيه ده هو مشكلته انه شكله بايخ فى العربيه فانا جبته وعلقته فى النجفة اللى فى حجرة الصالون فى البيت ووالله العظيم ريحة الاوده بقت كلها نفس ريحه الاسانس حتى مع ريحة دخان السجاير ومع فتح الشبابيك ورش البيروسول برده الريحه لازقه وكل ما اخش اشمها ريحه عنيفه وجامده جدا بس لحد الان انا برده مستبوخ شكل الكيس فى العربيه بس لو لقيتله مكان مستخبى ممكن احط واحد

انت جبت الكيس ده منين بقه وبالسعر ده
انت روحت لبتاع عطور وعملي حوالي 200 مللي ب 15 جنية ومش عارفة الاسعار ديه فين
عموما انا اخدت شوية وحطيتهم في كيس بلاستيك وبعد كده كان عندي كيس لونه فضي كان بتاع هدايا شكلة شيك اوي حطيت فيه الكيس البلاستيك وجاري التجربة

[w_abedelhakim]

انا جربت حاجه كده و طلعت حلوه

رحت لفيت فى العتبه و لقيت محل للعطور ببيع العطور المركزه و لقيت عنده روائح الفواكه و حاجات كتير و سالت عن سعر ريحه الفواكه لقيت سعر الكيلو الخام المصرى 30 جنيه فقط تخيلوا
و لقيت هناك برده ريحه اللفندر بنفس السعر رحت مشترى كيلو لفندرو قلت نجرب برده مش هنخصر حاجه و اشتريت منه زجاجه فضيه من عنده و حطيت فيها الريحه المركزه على طول من غير تخفيف و رشيت فى العربيه و حطيت شويه فى كيس و ربطه فى شنطه العربيه ( انا عندى 307) و كانت النتيحه مزهله و دامت كتيير و لسه عندى ما يقرب من تلتين الكميه:ta_clap[1]:

و يوجد فى المحل العطور الى اشتريت منه روايح كتير من فواكه الى ريحه الصابون و دوف و برسيل و اريل

انا قولت اعمل زيك وروحت لمحل عطور عادي كده وتخيل
عملي حوالي 200 مللي منهم حوالي 80 مللي بس اسانس والباقي سبرتو قاللي علشان يطير وجبت ريحة الخوخ مع التفاح تخيل ب 15 جنية وجاري التجربة ويارب تنفع

[mohmmedzohier]

خلى ريحت العربيه حلوه باستمرار

بعد ما تغسل عربتك وترؤها هات عود بخور بس نوع يكون محترم وولعه جوه العربيه واقفل الزجاج كله والابواب وسيبه لحد مايخلص بعد كده ارمي البواقى بتحته واقفل العربيه ساعتين او اكتر كده هتلاقى ريحه البخور مسكت فى العربيه وادعيلى مجربها وارخص

[ahmedaliaeg]

انا عن نفسي بجيب ملمع طبلو ب5 جنيه حسب الريحه الي بتعجبني و برش منه كل اسبوع ولا حاجه حسب استخدامي للعربيه اهو منه بيلمع الطبلو جامد و منه ريحه بس الكشله لو الجو تراب اوي في وساخه و دخلت بتلزق علي الطبلو علطو ل و بتبان عليه بس بمشحه يرجع كويس تاني
بس بردو انا بركب عربيات بتبقا مملكه من جوه و رحتها جامده و اغلبهم عربيات معدله بيحطو ايه نفسي اعرف!!!!!

خلى بالك النوع الرخيص لملمع التبلوه بينشف جلد التبلوه ويخليه يشقق
لو عندك التبلوه جلد خليك فى الفزلين احسن بكتيير والله اعلم

[AAAH]

حضرتك ممكن تجيب المعطر الي انا قولت عليه
هو فيه أسانس تفاح و اللأزازة شكلها شيك جداً بتتعلق في مراية العربية وريحته حلوة جداً
هو كان بـ 18 جنيه من بنزينه التعاون الي تحت كوبري الدقي
و لما تفضى ممكن تتملي تاني بأي اسانس او برفان

ان شاء الله اجربه
شكرا جزيلا

[AAAH]

انت جبت الكيس ده منين بقه وبالسعر ده
انت روحت لبتاع عطور وعملي حوالي 200 مللي ب 15 جنية ومش عارفة الاسعار ديه فين
عموما انا اخدت شوية وحطيتهم في كيس بلاستيك وبعد كده كان عندي كيس لونه فضي كان بتاع هدايا شكلة شيك اوي حطيت فيه الكيس البلاستيك وجاري التجربة

انا جبته من بتاع المنظفات اللى تحت البيت عندى
وموجود عند كل بتوع المنظفات
وفى ناس كتير ابتدت تبيعه فى الاشارات وخصوصا الحته الزحمة وانتى معديه من موقف العاشر بس بيبيعوه غالى شويه ب 2 جنيه ونص (:
عموما الاسانس اللى حضرتك جبتيه بالسعر ده زيت انما اللى انا باتكلم عليه اسمه عطر مائى وده رخيص جدا وبيتخفف بماء وليس كحول زى الزيت ممكن حضرتك توضحى لبتاع العطور انتى عايزه ايه بالظبط قوليله عطر مائى من اللى بيتحط فى الفواحات

[am79]

عليك وعلي كامينا زي ما قال الخبراء بالمنتدي
وبيتباع عند العطارين بالجرام يعني مش لازم تشتري الزجاجه ام 45 جنيه وكل ريحه بسعر

[w_abedelhakim]

عليك وعلي كامينا زي ما قال الخبراء بالمنتدي
وبيتباع عند العطارين بالجرام يعني مش لازم تشتري الزجاجه ام 45 جنيه وكل ريحه بسعر

ممكن توضح اكتر ايه كامينا ده

[am79]

ممكن توضح اكتر ايه كامينا ده

هو كان فيه احد الاعضاء عامل موضوع عن كامينا ده بس للاسف معرفتش اوصل للرابط لانه كان من زمان
بس هو عباره عن مكسبات طعم معروفه عند بتوع المنظفات وعند العطارين وبروائح كتير لانها كلها مكسبات طعم بتتحط علي العصائر والاكل وكده
انت بتشتري عبوه او لو العطار بيبيعه فرط هيديك زجاجه انا اشتريت من عند العطار فرط 50 مل من نوع التفاح ب 10 جنيه وطبعا بتأخد منه شويه وتخففهم في بخاخه بالماء وترش بقي زي ما انت عاوز وممكن تحقنه برضه انا كنت بعمل كده بحقنه خام في الكراسي والفتحات التهويه بيعمل جو حلو

وده موضوع تاني برضه احد الاعضاء عامله عن المعسل وبيستخدمه معطر وحلو برضه الموضوع ده
الرابط بتاع الموضوع المعسل اهو

http://www.nilemotors.net/Nile/97958-a.html

[misoalex]

أنا بستعمل عطر العرسه

أصل انا عربيتي 128 واللي عنده 128 فاهمني كويس

انا جبتلها قطه فى العربيه ههههههه
وعلى فكره هيا بتدخل من المروحه بتاعه الهوايه

[w_abedelhakim]

انا جربت موضوع الاسانس ده في ريحة بس ضعيفة مش قوية مش عارفة هي بيتبقي كده ولا علشان الاسانس طلع زيت
هحاول اوصل للعطر المائي ده واقولكم الاخبار

[ابوهاشم]

أنا بستعمل عطر العرسه

أصل انا عربيتي 128 واللي عنده 128 فاهمني كويس

كنت بستعمله ايام العربيه البيتل

[zikoziko]

افضل انواع المعطر هى الشجره الامريكى الاصلى علشان فى تقليد انا بستخدمها بقالى سنتين وشغاله معايا كويس جدا واحسن الالوان الاسود والبرتقالى .