مشكله فى الجى ام لعربيه فيات 128

[mohamed9999]

عندى مشكله فىالعربيه فيات 128
ركبت جى ام بدل الكاسيت على السمعات اللى عندى المهم الجى ام شغال زى الفل و العربيه واقفه اول اما ادور العربيه يبتدى يهيس الفى الفلاشه فصلت لوحدها و نقل على الاف ام لوحده و ميشتغلش لكن البور شغال ايه الحل ناس قلتلى وصله مباشر للبطاريه .بصراحه محتار ايه الحل

[misoalex]

ده صينى ابو 60 جنيه
توقع منه اى حاجه
ومسمهوش gm ولا ليه علاقه بيهم ده بديل mp3 الولاعه ومعاه مكبر صوت
وحتى حتلاقى ريموته نفس ريموت ال mp3 الولاعه

المهم الحل انك حتاخد من البطاريه على طول
لو مظبطش يبقى عنك مشكله فى الدنامو او كابلات البوجيهات
لان الحاجات الصينى دى مفيهاش دوائر تنظيم او تنعيم فأى خلل فى كهربه السياره بتهيس
ولو يأست خالص هات دائره كابت شوشره ب 10 او 15 جنيه ووصلها قبل الجهاز ده على كهرباء الدخل
ولو فيه اى استفسار قول

[mohamed9999]

متشكر يا ريس انا غيرت كابلات البوجيهات بكابلات كربون و الجى ام اشتغل و زى الفل وعلى فكره هو من ابو 150ج (على قدنا بقى

[magyver]

متشكر يا ريس انا غيرت كابلات البوجيهات بكابلات كربون و الجى ام اشتغل و زى الفل وعلى فكره هو من ابو 150ج (على قدنا بقى

طيب الحمد لله

[wael6]

انا محتار اعمل ايه كله صيني والميزانية لا تسمح اجيب ماركه
اجيب راديو mp3 من ابو 70 ولا اللى 150 وياريت حد يقولى انواع معينه ادور عليها علما انى من المنصورة
وشكرا

[misoalex]

متشكر يا ريس انا غيرت كابلات البوجيهات بكابلات كربون و الجى ام اشتغل و زى الفل وعلى فكره هو من ابو 150ج (على قدنا بقى

ههههههههه
انت اضحك عليك ولا ايه هو لسه بيتباع ب 150 ولا ده نوع جديد
الف مبروك يا معلم
وقولنا جبت السلك بكام

[mohamed9999]

جبت السلك ب35جنيه و الجى ام دا من اللى هو فى مكان فلاشه و كارت موبيل و اف ام و زرار بيغير ما بينهم و فى شاشه بيان ب120ج فى العتبه 150 فى مناطق اخرى

[mohamed9999]

دا صوره الجى ام اللى عندى يا عم هو دا ابو 120ج

http://img.alibaba.com/img/product/21/76/68/73/217668736_3.jpg

[محمد فريد]

والله شكله حلو بس اخبار الصوت ايه فيه لما توصل 4 سماعات؟

[wasta]

سؤال يا باشا إنت مركبه فين ؟؟ فى أى مكان فى العربيه وبعد الريموت أد إيه ؟؟ هل زى ريموت موديليتور الولاعه لازم يبقى الريموت لازق فى الموديليتور كده ولا لاء وأخبار صوته إيه ؟؟

[misoalex]

سؤال يا باشا إنت مركبه فين ؟؟ فى أى مكان فى العربيه وبعد الريموت أد إيه ؟؟ هل زى ريموت موديليتور الولاعه لازم يبقى الريموت لازق فى الموديليتور كده ولا لاء وأخبار صوته إيه ؟؟

هو هو الريموت يا باشا

[ابوهاشم]

هو شكله عامل زى الجى ام فعلا
لكن اكيد طبعا مش نفس الامكانيات
مبروك عليك
بس انا عاوز اعرف انت مشغل عليه فلاشه ولا كارت ميمورى
على العموم سواء ده ولا ده
المفروض تسيب مساحه فاضيه فى الذاكره علشان مايهنجش

[wael6]

انا محتار اعمل ايه كله صيني والميزانية لا تسمح اجيب ماركه
اجيب راديو mp3 من ابو 70 ولا اللى 150 وياريت حد يقولى انواع معينه ادور عليها علما انى من المنصورة
وشكرا

مش عارف اقولك ايه بس اقولك ربنا يحلها من عنده باذنه تعالى وربنا يوفق الجميع

[mohamed9999]

انا مركبه مكان الكاسيت هو انا اصلا كنت جايبه عشان يرفع صوت الكاسيت لكن الكهربائى وهو بيركبه قالى مش هو دا اللى انت قصدك عليه دا بياخد من الفلاشه او كارت ميمورى بس ويضخم الصوت هو صوته جامد عشان انا عندى سمعتين صينى بس والريموت بتاعه فعلا نفس ريموت mp3 الولاعه بس يا عم شغال احسن من الكاسيت الصينى ابو 130ج ولما غيرت كابلات البوجيهات الى كابلات حراريه شغااااااااال زى الفل .وعموما الى بيسال على بعد الريموت (العربيه 128 تفتكر هحتاج كام متر 20سم)ههههههههههههه

[mohamed9999]

والله شكله حلو بس اخبار الصوت ايه فيه لما توصل 4 سماعات؟

و اللهى لسه مجربتوش على 4سماعات انا مشغله على سمعاتين بيضاوى صينى تعبانين و مشغلهم كويس انا بشوف تكاتك مشغلاه على اربع سماعات نضاف بيبقى الصوت جامد