عايز اعمل ارضيه جلد

[mahmoudysf]

السلام عليكم
انا عايز اعمل ارضية جلد للنوبيرا وعندي شوية اسئله
1- افضل نوع جلد للارضية اجيبه منين وفي حدود كام المتر
2- لو حبيت اركبة عند حد من بتوع الكماليات هيبقى احسن من السروجي لان كنت شوفت موضوع لعضو بيقول انو ركبة عند اسبير كار
3- طبعا هيطر يفك الفر بتاع العتب عشان يركبة هل بيرجع زي طبيعتة ولا لا
4- هل اويل سيل الاسكترة لو ضرب مش هعرف عشان الزيت اللي بييجي فى الدواسة هيكون متغطي بالفرش الجلد
عايز رايكو معاى ويا ريت اللي عمل ارضية جلد يفدنا

[bshndi]

السلام عليكم
بص يا محترم أنا ممكن أفيدك في جميع النقاط ما عدا رقم 4 إرجع للخبراء لإني ما عرفش حاجة عن الموضوع ده .
1- أفضل جلد للأرضية إسمه سكاي (ضفادع أو سمبوكسات وبلاش ملالي-وده الشكل المطبوع علي وجه الجلد -)خلي بالك إن بطنه تكون زي الفرو علشان تمسك مع الموكيت وما تزحلقش وتكلكع تحت رجلين إلي راكبين وتكون تقيله ومحملة المتر في حدود 25:30 جندي مش أكثر المكان الدرب الأحمر عند باب الشعرية ، علشان بتوع التوفيقية هايقوللولك 45 جنيه
2- السروجي أو بتاع الكماليات مش فارقه المهم الصنايعي شكله إيه ؟ لو عندك يوم أضبط في واحد في الإسماعيلية بنص الثمن بس هايشتغل في العربية اليوم بحاله .
3- في طرقتين للشغل كلهم بيشيلو الفبر ، في ناس بتقطع الجلد تحت كل كرسي وتسرفل وبعدين تلحم الجلد في بعضه وفي ناس بتعمل سجادة وتثبت في الأرض ، بالنسبة لموضوع الفبر أقعد علي إيديهم وهما شغالين علشان في كليبسات بتتكسر وهما المواضيع دي مش فارقه معاهم وممكن تسبببك إنت صداع بعد كده وخليهم يربطوا الكراسي كويس بعد ما يخلصوا .
إحتراماتي

[mahmoudysf]

شكرا ليك على الافادة
بس للاسف انا في القاهرة ومش هينفع اجي الاسماعلية عشان اعملهم
وشكرا ليك مرة تانية

[dr.hany]

4- هل اويل سيل الاسكترة لو ضرب مش هعرف عشان الزيت اللي بييجي فى الدواسة هيكون متغطي بالفرش الجلد

المووضوع ده فعلا حصل عندى .فيه زيت مكبوب تحت الارضية الجلد تحت رجلى

والموكيت شربه بس لسسه فيه برضه زيت كتير

انا سيبته عشان الزيت مالهوش ضرر.


هل فيه خطورة؟؟؟؟؟؟؟؟؟؟

[samirayad]

بالنسبة لموضوع الفبر أقعد علي إيديهم وهما شغالين علشان في كليبسات بتتكسر وهما المواضيع دي مش فارقه معاهم وممكن تسبببك إنت صداع بعد كده

جيت على الجرح
وهذا ما أخشاه
ولسه معملتش الموضوع ده عندى

وعامل شغل بلدى بنفسى على ماقسم

بس نفسى أعمل فرشه جلد ومتردد من الجرح المشار أليه

[hse920]

انا ركبت فرش فى الارضيه عند (على رضا ) من حوالى سنه
هوه كان غالى لانه كلفنى حوالى 400 جنيه
بس الصنايعيه اللى عنده بجد سبلهم العربيه وانت متطمن انا كنت واقف بتفرج عليهم بجد ناس شغاله وعارفه هيه بتفك ازاى وبتركب ازاى
كمان هوه عملى الارضيه كلها حتى من تحت الكراسى اللفرش عمله على مقاس فرش الارضيه الاصلى بالظبط
بالنسبه لموضوع الزيت ده انا مش اعرفه

[mahmoudysf]

المووضوع ده فعلا حصل عندى .فيه زيت مكبوب تحت الارضية الجلد تحت رجلى

والموكيت شربه بس لسسه فيه برضه زيت كتير

انا سيبته عشان الزيت مالهوش ضرر.


هل فيه خطورة؟؟؟؟؟؟؟؟؟؟

مش مهم الضرر بتاع الزيت
الاهم هل عالجت السبب بتاعه يعنى عرفت نين وحليت المشكلة اللي هي غالبا اويل سيل علبة الدركسيون

[mahmoudysf]

جيت على الجرح
وهذا ما أخشاه
ولسه معملتش الموضوع ده عندى

وعامل شغل بلدى بنفسى على ماقسم

بس نفسى أعمل فرشه جلد ومتردد من الجرح المشار أليه

ودي اهم نقطة مخوفاني كسر الكليبسات وعدم تركيب الفبر مثل الاول

[hosar]

انا ركبتة و الحمد لله زى الفل

[mahmoudysf]

انا ركبتة و الحمد لله زى الفل

اولا مبروك عليك
بس هل بيفك الفبر اللي فى العتب ويا ترى لو فكة رجعة زي الاول

[ahmed31031]

السلام عليكم
انا ركبت فرش ارضية جلد اسود وبصراحة جميل وسهل تنظيفه وهو بيركب تحت الفيبربتاع عتب الابواب وكلفني تقريبا 400 ج

[adhamhossam]

خش علي الموضوع دة و ريح نفسك و هتلاقي تفاصيل كل حاجة عن الأرضية الجلد

http://www.nilemotors.net/Nile/210607-a.html

و ادعيلي

[adhamhossam]

دة لينك برده لموضوع الأرضية الجلد و في تفاصيل بالصور

http://www.nilemotors.net/Nile/210607-a.html

أتمني ان يعجبكم