عملت العربية كلها فيميه !!!!

[AMA]

والله مع اني مابحبش البلطجة والتنطيط على حد ، بس كل أصحابي إلي معايا هنا في أمريكا لما بينزلو مصر بيطلعو إلدولية مع البسبور الامريكاني و أجداع رتبة بيضربلهم سلام. أنا ناوي أعمل كدة ، د غير انهم بيخافوا يبقوا مع الباسبور الأزرق . صحيح لو ملكش ضهر اشتري ضهر .
واحد صاحبي وقفوه وطالبو منه الرخص ، قلهم لو ورتهلكم ومسحبتوهاس تبئو مش رجالة. شفها عميد ورجعهلو تاني ذي الباشا ، وقالوا اسفين كمان

يا باشا ربنا يكرمك و يبعد عنك الظلم دايما أنت و كل إلى تعرفهم لكن أنت بتتكلم عن فئة معينه لا تمثل 5% من المصريين أصولهم طيب الـ95 يعملوا أية ؟ و يا ترى نشترى الضهر دة بكام ؟

[tarekmomo]

يا عمى بتوع المرور دول بيدورو على اى حاجة عشان يسحبو الرخص يعنى لو لقى العربية مافيهاش حاجة يبتدى يبص على الفوانيس ولو لقى فانوس مكسور تدفع مخالفة امن ومتانة 50 جنية

[د.محمود صلاح]

شيلهم افضل لك من بهدلة المرور

[magyver]

انا مفيم العربية لايت
ومافيش حد بيكلمني علية وحاااطط ستاير كماااااان لبابين اللي ورة
والازاااز الخلفي
طاالما عملت حلل ال 50 جنية بقي وامشي بيهم غاية ماتشوف هايحصل اية ممكن ربنا يسترها معاااك زمحدش يكلمك
انت وظرووفك

[Ahmed Galal]

انت جاى عند عش الدبابير و بتدخل ايدك ابعد عن المرور و غني له كمان عشان فعلا اليومين دول التلاكيك شغاله على ودنه و فى كل حتة
بس كل حاجة فى الاخر قسمة و نصيب و انت ركبتهم و غرمت فيهم
انا نفسى صعبان عليا اقولك شيلهم يبقا انت كده رميت فلوسك فى الارض فتوكل على الله و اقرا دعاء الركوب و يا سلام لو الوالدة تدعيلك قبل ما تنزل و ربنا يستر طريقك من بتوع المرور و يفتكروك ظابط و يعدوك

[ramyworm]

اقرا دعاء الركوب و يا سلام لو الوالدة تدعيلك قبل ما تنزل و ربنا يستر طريقك من بتوع المرور و يفتكروك ظابط و يعدوك

احلى كلام حبقى اقولها تدعيلي ربنا يكفيني شر طريقي ويبعد عني رجال المرور .

[kasten]

احلى كلام حبقى اقولها تدعيلي ربنا يكفيني شر طريقي ويبعد عني رجال المرور .

انت من اسكندريه .. احنا عندنا القاهره هنا مقلوبه لجان
وفكل إشاره تلاقى امناء بيتجولو على العربيات ونقيب قاعد مستنى الفريسه
هما يسحبو الرخص .. وتروح للنقيب
ويبقى قدامك حل من 2 .. يا تدفع المخالفه .. ياتاخد الوصل وتمشى ومفيش حل تانى
وحصلت معايا اكتر من مره
واكتر الاماكن اللى حصل معايا فيها الكلام ده
الاشاره اللى عند كوبرى الجامعه .. والاشاره اللى قبل شارع طلعت حرب اللى هى بعد ال auc

[migo9898]

واضح ان مفيش حل لموضوع التفييم دة والصيف داخل بتقله حتى الستاير مش نافعة

[ramyworm]

والله انا عامل الفيميه عشان الشمس مش اكتر . وربنا يستر