شغل في الاكصدام

[A7MED_PHARMA]

السلام عليكم

أنا من الزقازيق ياشباب..
وكنت عاوز أعمل حركتين في الاكصدام بتاعي زي الي في الصورة دي




..
ياترى فيه حد في الزقازيق أو ميت غمر أو المنصورة بيعمل الحركات دي
لو حد يعرف ..ياريت يفيدني
ولو لقيت حد ..يخلص الشغل ده في أد إيه؟؟؟؟؟؟؟
ويكلف كاااااااااام؟؟؟؟؟؟؟
ولو حد يعرف السبويلر ده بيتعمل فين وبكام؟؟؟؟؟

[أبو إياد]

اقولك على فكره اجمد
انت تشترى اكصدامين جداد تايوانى او استيراد بنفس السعر تقريبا
وتنزل بيهم الحرفيين واختار الشكل اللى يعجبك وسيبهم وهاتروح بعد كام يوم تلاقيهم معمولين ومرشوشين وجاهزين على التركيب

ولما تنوى قولى وانا ادلك على حد كويس فى الحرفيين

[XXXMEMOXXX]

المشكله انهم مش هيعيشوا في شوارعنا الجميله دي ,, مع اول مطب هتلاقيهم

[magyver]

مانا قلتلك يادكتور علي واحد في طنطا وانا شفت شغلو علي عربيات كتير
وهو اسمة مصطفي فوزي واسعاارو حلوة

[kasten]

المشكله انهم مش هيعيشوا في شوارعنا الجميله دي ,, مع اول مطب هتلاقيهم

ازاى بس ده فى ناس مسقطه العربيات فى الار وتنفيخ وعتاب وشغل نار

[magyver]

المشكله انهم مش هيعيشوا في شوارعنا الجميله دي ,, مع اول مطب هتلاقيهم

ازاى بس ده فى ناس مسقطه العربيات فى الار وتنفيخ وعتاب وشغل نار

كلو بالمحاافظة بيعيييش

[Eslam.Elrefaey]

فى واحد هنا فى المنصورة شغلة جامد جدا وجارى عنده مكواه عاملها عنده ملهاش حل هوا إسمه قاسم وكل عربيات المنصورة تقريبا عاملة عنده وهوا فى سامية الجمل روح هناك وهوا معروف وأسعاره يعنى حلوه تقريبا ونضيف جدا بالذات فى الاكصدامات الكاملة مش العتب ولو فى أى إستفسار أنا موجود والسبويلر ده تقريبا كان ب300 جنيه مش متأكد

[XXXMEMOXXX]

ازاى بس ده فى ناس مسقطه العربيات فى الار وتنفيخ وعتاب وشغل نار

حضرتك لو قصدك على الشغل اللي بيكون اي حاجه وعتب كده منظره وحش اساسا ,,فده مش مشكله عشان الناس اللي عملاه بيكون مش في دمغها ,, والعربيه كلها متخبطه ,,لكن الناس اللي بتعمل الشغل ده صح وبيكون مظبوط ,, مابتكونش دي العربيه الوحيده اللي في البيت يعني مش بتاعت المشاوير والبهدله ,,وانا شوفت موضوع قبل كده لـ د/احمد بيسافر بالعربيه وبيستخدمها كتير ولو عمل الاكصدام اللي في الصوره,وبارتفاعه ده ,, يعدي ازاي من على مطب من مطباتنا الجميله ,, مش هاقولك ان الدكتور احمد في الزقازيق وميت غمر يعني ممكن تقابل شوارع فيها مفاجئات ,يا رب اكون قدرت اوصل فكرتي
تحياتي

[magyver]

فى واحد هنا فى المنصورة شغلة جامد جدا وجارى عنده مكواه عاملها عنده ملهاش حل هوا إسمه قاسم وكل عربيات المنصورة تقريبا عاملة عنده وهوا فى سامية الجمل روح هناك وهوا معروف وأسعاره يعنى حلوه تقريبا ونضيف جدا بالذات فى الاكصدامات الكاملة مش العتب ولو فى أى إستفسار أنا موجود والسبويلر ده تقريبا كان ب300 جنيه مش متأكد

ايوة انا عارف قااسم بس مشفتش شغلو بصرااحة

[MohaMed_Refaat]

بالنسبة للاسبويلر شوف اللينك دة :::
Fotos von GO car accessories آ® | Facebook

[AMA]

دا أحنا طلعنا قرايب برضة يا فارما باشا أنا ليا قرايب كتير جدا فى ميت غمر
بص يا دكتور فارما أنا عن نفسى معرفش أماكن ولا فى طنطا ولا المنصورة ولا ميت غمر لأنى أخر مرة كنت هناك من سنين طويله أوى بس بالنسبه للأسعار لو فايبر هيبقى أغلى من الصاج بس الفايبر أى صنايعى متوسط يعرف يعمله على الشكل إلى أنت عايزة بالنسبه للصاج لازم محترف عشان يعمله بالشكل إلى أنت عايزة دى أول نقطة
الأكصدامين الصاج بيتكلفوا حوالى 400 أو 500 جنيه
الفايبر بيبقى أغلى معرفش ليه
بالنسبه للباشمهندس إلى بيقول أنه مع المطبات هيبوظ بالعكس فيه ناس كتيرة جدا فى أسكندرية هنا عاملين بلاوى سودا و مسقطين + أكصدامات أماميه و خلفية لدرجة أنى بخاف لحسن نخبط فى طوبة تدغدغ الأكصدام و العربية بتمشى زى الفل و قليل جدا لما يكون فيه حكه فى مطب و دا نادرا كمان
بالنسبه للأسبويلر لو بالمنظر دة بالظبط لا يتعدى الـ300 جنيه

[Eslam.Elrefaey]

ايوة انا عارف قااسم بس مشفتش شغلو بصرااحة

تلت تربع عربيات المنصورة عنده عارف كريستاة الشربينى الكحلى طبعا معموله عنده وناس كتير بس مش عايز أقول أسماءهم هوا أنا عارفهم كلهم وكلهم تقريبا عاملين عنده

[BoOoOoS]

ياباشا لو مفيش حد ضامنه عندك ممكن تجيب الأكصدامين و تسيبهم عند حد في حرفين القاهره و هو يظبطهولك و هيكون احسن
و بالنسبه لحكايه التكسير دي .. انا عندي الاكصدام عامله بينه و بين الارض حوالي 7 سم بظبط و باخد كل حاجه مستريح مطبات حتى لو عاليه بس خليه في كله براحه عشان لو حسيت بحكه تقدر تظبط نفسك .. و انا انشاء الله اخر الاسبوع ههييط العربيه اكتر هخلي الفرق بين الاكصدام و الأرض في حدود 4 او 3 سم و ربنا يستر بس اعمل ياباشا عادي ولا يهمك بس خلي بالك من طريقك و متمشيش في طرق مكسره او عارف ان فيها حاجه هترجعك .. و كلو فدااك في الآخر بالتوفيق

[BoOoOoS]

و بالنسبه للسبويلر الفايبر بيتعمل كمان في الحرفين و سعره في حدود من 250 لل500 حسب الحجم و الخامات

[eng.octooo]

خالووو
الاكصدامات دى واحد صاحبى كان عامل زيهم فى فيرنا (تقريبا نفس الحجم والشكل) الى ورا والى قدام ب 600 بكل حاجة

والسبويلر ( تقريبا دة شبة بتاع الايفو)
شفتة فى التوفيفية كان معروض ب 270 بس خامتة كانت فايبر وتحفة وفية منة بلمبة ستوب خفيفة ب 350 بس شكلها رقيق اوىىى

ووقفنا مع الراجل وقعدنا نفاصل ووصلنا الاول ل 220 والتانى ل 300 بس احنا ماكناش هانشترى ههههههه

الكلام دة من حوالى 6 شهور ...بس اكيد الاسعار مااختلفتش