استفسار بخصوص الأنذار

[kirolloskamal]

السلام عليكم
انا مركب انذار ولف في التوكيل و الانذار كان جي معاه ريموتين و واحد ضاع مني و مش لاقيه خالص قلبت عليه الدنيا و مش لاقيه و معايا التاني شغال الحمد لله مفيش مشاكل بس المشكله اني خايف يبوظ او يضيع او اي حاجة ف عايز اسأل هو ينفع اعمل ريموت علي الانذار بتاعي ؟؟؟؟
علشان انا امبارح سألت في ادريان قالي لا مينفعش و الحل انك تجيب انذار جديد بريموتين جوداد !!!!!!!!!!!!!!!
طبعا استهبال رسمي لان مش معقول هغير الانذار بالكامل و هو جديد و شغال كويس علشان يكون معايا ريموتين
انا حاسس انو بيشتغلني علشان مش مركبه من عنده
ياريت تقولولي هو فعلا مينفعش ولا ايه ؟؟؟
و لو ينفع اعمله فين و بكام
و شكراااا

[boody504]

ينفع طبعا تعمل رموت تاني انا بردوا واجهتني نفس المشكله وسئلت واحد قالي في رمسيس في ناس هناك بتعمل الريموتات دي وكان في واحد عامل موضوع بيقول في واحد في شارع دمشق بيعملك ريموت بموديل العربيه هشوفه واقولك ولو عرفت حاجه قولي علشان اعمله انا كمان

[alynubira]

متابع باهتمام

[kasten]

متاااااااابع

[kirolloskamal]

هو كلنا متابعين و مفيش رد ولا ايه ؟؟؟؟؟

[A.Saad]

اسال فى التوكيل
شركة عبر البلاد للتجارة
وشوف الكتالوج لو تعمل اعادة برمجة علشان محدش يلاقى الريموت الضايع ويستعمله

[kirolloskamal]

اسال فى التوكيل
شركة عبر البلاد للتجارة
وشوف الكتالوج لو تعمل اعادة برمجة علشان محدش يلاقى الريموت الضايع ويستعمله

يا باشا انا بسأل لو ينفع اعمل ريموت علي الأنذار و هو كده هو الريموت الضايع ده غالبا هيكون في البيت بس انا مش لاقيه خالص و قلبت عليه الشقة كلها كأ،ه فص ملح و ذاب ف انا مش خايف من حكاية حد يلاقية لان انا متاكد انه في مكان ما او ممكن اكون شلته في حتة مستخبية و نسيت مكانة
بس انا بسأل لو ينفع اعمل ريموت جديد بدل اللي ضاع ده
و هو لو إعادة برمجة هيبقي ريموتين جداد خالص و الريموت اللي معايا ده ميبقلوش لزمة ؟؟؟صح ولا اية؟؟؟؟

[boody504]

لا اعاده البرمجه دي علي الريموت الجديد بس علشان يشتغل معا الانزار والقديم هيفضل شغال زي ما هو واعاده البرمجه دي حاجه سهله خالص بيعمل افله في الانزار وبيظغط علي الريموت فتره لغايه ما العربيه تزمر

[kirolloskamal]

لا اعاده البرمجه دي علي الريموت الجديد بس علشان يشتغل معا الانزار والقديم هيفضل شغال زي ما هو واعاده البرمجه دي حاجه سهله خالص بيعمل افله في الانزار وبيظغط علي الريموت فتره لغايه ما العربيه تزمر

شكراا يا باشا علي اهتمامك بس انت متعرفش اعمل الحوار ده فين؟؟؟؟

[misoalex]

انا اتصلت بالتوكيل قبل كده بس سيمفونى
وقالو ينفع وينفع اغير شكل الريموت كمان بس مرضوش يقلولى التكلفه غير لما اروح

[solo9]

[]متابع باهتمام

[alynubira]

انا سالتلك الراجل اللى جبت من عنده الانذار وقاللى روح التوكيل هايملهولك بحوالى 40:30 جنيه

[kirolloskamal]

انا اتصلت بالتوكيل قبل كده بس سيمفونى
وقالو ينفع وينفع اغير شكل الريموت كمان بس مرضوش يقلولى التكلفه غير لما اروح

شكرا يا باشا علي اهتمامك

انا سالتلك الراجل اللى جبت من عنده الانذار وقاللى روح التوكيل هايملهولك بحوالى 40:30 جنيه

شكرا يا باشا علي اهتمامك و هو شكله كده ينفع و الراجل بتاع ادريان كان بيشتغلني و انا هدور علي مكان اعمله عنده و هتصل بشركة عبر البلاد للتجارة الي واخده توكيل ولف و هسأل و هجبلكوا المفيد

[aymanmaly]

انا عملت اللموضوع دة قبل كدة
اشتريت ريموت من محل فى التوفيقية و هو برمجهولى من غير قفلة ولا حاجة داس على زرار تقريبا غلق الباب وهو حاطط المفتاح فى الكونتاكت
ودة كان فعلا بحوالى 40 ج و الشكل الى انت عايزة

[misoalex]

على فكره محلات الاكسسوار والكهربائيه حبقولولك لا مينفعش
طبعا عشان ياكلو عيش ويبيعو ويركبو
لانى جربت وسألت وطبعا لاما اتصلت بالتوكيل قالى عادى ينفع