ينفع افيم كدا ولا فيها مشكلة

[devilishtigers]

يا جماعة انا عايز افيم العربية انا فكرت وقولت لو انا عرفت اجيب حد في المرور ممكن يثبتلي الفاميه في الرخصة وفي نفس الوقت افيمها تفييم عادي بس
اخلي التفييم على الزجاج من الداخل مش من الخارج هل كدا ينفع ولا فيها مشاكل بردوا

[BoOoOoS]

هي نفس المشكله
من جوه او من بره مش فارقه
و كمان لو جبت واسطه جامده و طلعت تصريح الفاميه
كل كمين او لجنه هتعدي عليه هيرخمو علييك بردو عشان انت ملكش الحق يطلعلك التصريح دا و ممكن كل واحد يسأل عن التصريح و يستفسر في اللاسلكي عنه .. هتكون كلام كتيير اصلا .. انا عندي صاحبي ابوه عميد في الجيش و كان عاملو التصريح و مفيم سوبر دارك كلو و كان كل كمين او لجنه يرخمو عليييه اوي و اتسحبت منه قبل كده الرخص بردو عشان قلو ازاي يطلع التصريح و العربيه مش باسم ظابط

[devilishtigers]

هي نفس المشكله
من جوه او من بره مش فارقه
و كمان لو جبت واسطه جامده و طلعت تصريح الفاميه
كل كمين او لجنه هتعدي عليه هيرخمو علييك بردو عشان انت ملكش الحق يطلعلك التصريح دا و ممكن كل واحد يسأل عن التصريح و يستفسر في اللاسلكي عنه .. هتكون كلام كتيير اصلا .. انا عندي صاحبي ابوه عميد في الجيش و كان عاملو التصريح و مفيم سوبر دارك كلو و كان كل كمين او لجنه يرخمو عليييه اوي و اتسحبت منه قبل كده الرخص بردو عشان قلو ازاي يطلع التصريح و العربيه مش باسم ظابط

جديدة دي هو لازم العربية تكون بتاعت ظابط علشان يفيم اه اه نسيت احنا في مصر
وبعدين هو ايه حقوا انوا يرخم عليا مادام الرخصة مثبوت فيها الفاميه ومادام الرخصة مكتوب فيها دا معناه ان الدولة موافقة على كدا ولا كلامي غلط

[3ateef]

انت كده قفلتها تماما يا بوبوس...
يعنى حتى اللى حيعرف يثبته فى الرخصه مش حيسلم....

[BoOoOoS]

انا بردو بفكر اثبتها و الله و افيم و اسبها بظروفها يووم ميرخم قوي يسحبها بقى ولا ياخد غرامتها
بس اصل المشكله ان اللي بيتثبت للمدنين هو الفاميه الفابريقه بس اللي نازل في العربيات الجديده اللي نازله قزازها فاميه اصلا
اما الفاميه الستيكر دا اللي المفروض انه بتصريح تلاقي اللي عاملينه ظباط او مستشارين و الحجات دي
و بيكون ليهم تصريح لوحده فاميه و تصريح سارينه و زينون كمان
و يوم ما هيكون معاك التصريح يومها عافر معااه براحتك ..بس بردو مش هتسلم من الرخمين
في منهم ناس ممكن تخترعلك مخالفات ولا تفهم معناها كل دا عشان انت عافرت معاه و رغييت معاه كتيير و ملكش حد تكلمه يخلصهالك في سعتها
....
انا مقصدش احبطكو و لا حاجه .. انا زيكو و الله بدور على التصريح دا .. حتى وقتها اكون ماشي مطمن مش مقلق من حاجه .. و بعدين الفاميه دلوقتي مبقاش في اكتر منه في الشوارع

[devilishtigers]

انت كده قفلتها تماما يا بوبوس...
يعنى حتى اللى حيعرف يثبته فى الرخصه مش حيسلم....

تصدق صح يا شماتت ابلة ظاظا فيا
بس هو ينفع حتى لو اغير زجاج العربية كله بزجاج غامق شوية مش دارك خالص

[BoOoOoS]

تصدق صح يا شماتت ابلة ظاظا فيا
بس هو ينفع حتى لو اغير زجاج العربية كله بزجاج غامق شوية مش دارك خالص

هتغيره بزجاج غامق و لو ليك حد في المرور بتاعك يخلصلك الحوار دا مع المهندس بتاع الفحص
عشان لو من غير كدا هيقولك انت جي تستهبل عليه فبريقه ازاي و انت فاحص قبل كده و رخصتك لافيها زجاج ملون ولا حاجه
و اهم حاجه تعرفها بعد كل دا ---------------> كلو بالفلووس بيعدي

[devilishtigers]

طيب يخش بكام الزجاج الغامق للعربية كلها لانسر بومة

[devilishtigers]

هتغيره بزجاج غامق و لو ليك حد في المرور بتاعك يخلصلك الحوار دا مع المهندس بتاع الفحص
عشان لو من غير كدا هيقولك انت جي تستهبل عليه فبريقه ازاي و انت فاحص قبل كده و رخصتك لافيها زجاج ملون ولا حاجه
و اهم حاجه تعرفها بعد كل دا ---------------> كلو بالفلووس بيعدي

طيب ما كده بردو هيقولي انت فحصت قبل كدا والغابريكة ما كنش غامق ولا ما دام غيرتوا بغامق مع ميعاد الفحص الجديد الموضوع يخلص بواسطة وزقة

[BoOoOoS]

طيب ما كده بردو هيقولي انت فحصت قبل كدا والغابريكة ما كنش غامق ولا ما دام غيرتوا بغامق مع ميعاد الفحص الجديد الموضوع يخلص بواسطة وزقة

اه ما هي عايزلها واسطه و زقه و تخلص
و بالنسبه ليعمله كاام و الله انا معرفش بيتباع فييين اصلا الازاز دا ولا اعرف سعره بصراحه..

[magyver]

بص يبااشا
لو طاالبة معااك تفيييم قوي يعني
فيم بقي وامشي بالقدرة وانت وحظك

[devilishtigers]

انا مش بحب حد يمسك عليا غلطة انا بحب كل حاجة تبقى تمام وبصراحة الصيف السنه دي شكلوا جي رخم فحرام والله اللي هيحصل لأيدينا الشمال.
هو ده سبب التفييم ومش عايزو غامق خالصز انا بس عايز درجة خفيفة

[devilishtigers]

محدش يقدر يقولي التفييم عن طريق تغيير الزجاج للون الغامق يتكلف كام وعند مين

[FunnyMickey]

طب لما انتا حتكلف كده وتدفع تمن تغيير الزجاج كله
متعمل فاميه حراري من الغالي
ب2000 جنيه
وشفاف
ومش بيبان اصلا
وحيعزلك الحراره ومش حيضايقك في الصيف

http://www.nilemotors.net/Nile/77397-v-kool.html

اهو الموضوع
ولا تتعب نفسك

[devilishtigers]

طب لما انتا حتكلف كده وتدفع تمن تغيير الزجاج كله
متعمل فاميه حراري من الغالي
ب2000 جنيه
وشفاف
ومش بيبان اصلا
وحيعزلك الحراره ومش حيضايقك في الصيف

http://www.nilemotors.net/Nile/77397-v-kool.html

اهو الموضوع
ولا تتعب نفسك

صباح الفل عليك يا باشا ومتشكر على مرورك انا عيز اعمله فاميه اسود معقول وقولت لو هيتكلف من 800 الى 1200 يبفى كويس.
انا الفاميه عايز اعمله علشان:ـ
1- الشمس اللي كلنا عرفنها
2- انا عايز اثبت الفاميه في الرخصة واريح دماغي.
3- بدل ما تلاقي الناس كلها معاك في عربيتك لو معاك خطبتك او اختك وياسلام لو حلوين شوية حتلاقيهم خلاص هيفتحوا الباب ويقعدوا معاك
وبعدين انا فكرت في الفكرة دي لما الفاميه الكهربا كان حلم وقعدنا كلنا نعيط