يا جماعة محتاج مساعدة في زينون

[evram]

انا معروض عليا زينون جديد ب 290 عالي و 270 شبورة و 290 واطي بيقولي في 6000 k و في 8000 k و في 10000 k و كلة بسعر واحد عايز اعرف بيبقي في فرق في القوة ولا لون بس و عايز اعرف هو جهاز الزينون بيتقاس بالوات يعني عشرين وات كدة ولا بيتقاس باية ولا كلة زي بعضة معلش جاهل لسة ساعدوني لو سمحتم هو hid صيني علية ضمان 6 شهور علي اللمبة و الجهاز ساعدوني نورة هيبقي اقوي من النور الاصلي بتاع اسبرانزا 516 هو h7 دة الي بيركب عندنا ساعدوني و اسف اني طولت

[magyver]

الاسعار دة معاها ضمان ولا لا ونوعو اية
بالنسبة للوات
فية 35 و 55
افضل انك تجيب ال 55 جميل ونورو جااد قوي
انا عندي مركب ال 8000 ونورو تمااام
واي حاجة انا تحت امرك

[evram]

الله يخليك يا باشا 8000 دة الي هو مزرق شوية كدة صح هو 55 دة اعلي حاجة معاة ضمان ست شهور علي الجهاز و الللمكبة و كمان دة صحبي و اصلا هو مركب منة يعني مضمون و هو الي بيستوردة هو صيني بس صيني من الي بيبقي في البلاد مش في مصر بيبقي مثلا في السعودية الصين نفسة كدةهو بيقولي hid كدة السعر دة كويس ولا اية

[magyver]

لو صااحبك والزينون عااجبك توكل علي اللة
بس شو الاول ال 55 وات

[lody4verna]

السعر حلو اوى وكويس ان علية ضمان 6 شهور على المبة والجهاز
انا مركب زينون 6000 كلفن 35 وات h3 لانى مركبوا فى الفوجات

[lody4verna]

Anmelden | Facebook

[evram]

مش شغالة يا باشا بس هو كان اية دة

[nab!l]

هو درجة اللون تقاس بالكلفن ولا ايه ؟
وكمان يعنى ايه h3او h7
معلش جاهل تانى

[N.a.j.d]

الاتش 7 و3 جي قوه الضوء ع ما اظن يا نبيل

[evram]

لا موديل و مقاس اللمبة يا باشادي بقي انا مش جاهل فية

[nab!l]

طب ايه الافضل h3 ولا h7

[evram]

علي حسب الي بركب عندك في عربيتك بتفرق في الموديل بس

[mussolini]

السلام عليكم...

الزينون وحدة القياس بالكالفن وهى درجة سخونة اللمبة عند 8000ك بتدى لون ابيض ثلجى(مزرق),و ال 6000ك ابيض,و ال 4300ك ابيض مصفر(وهى دى الدرجة اللى بتنزل فى العربيات اللى جاية بزينون),
كل ما تقل الدرجة بالكالفن كلما زادت شدة الوضوح

اما المديول لو هاتركب 55 وات لازم كتاوت,
بالنسبة لل h3,h4,h7 دا مقاس اللمبة اللى هاتركب فى الفانوس,

وراى شخصى انا بفضل ال4300ك اضاءة ممتازة و رؤيا واضحة جدا,لكن لو حضرتك بتقارن بين ال6000 و ال8000 انصحك بال6000

اتمنى اكون افدتك و اى مساعدة انا موجود.

[evram]

يعني 6000 اعلي من 8000 يعني كل ما اقلل يقوي

[mussolini]

ان شاء اللة,و غير كدا حضرتك الاضاءة ال 8000 ناس كتير اوى هاتضايق منها,انت الفانوس عندك فية عدسة,العدسة دى هاتظبطلك بمعنى تركيز الاضاءة فا ال6000 هايبقى شكلو شيك اوى و اضاءة ووضوح افضل من ال8000