تلميع التابلوة بسعر بسيط

[Hitham2010]

مساء الفل يا جماعة
أنا كنت عايز ألمع طابلوة العربيه وواحد قاللى على الطريقة دى ولما جربتها لقيت النتيجة مية مية وبتلمع تمام وكمان بتخلى جلد التابلوة والجلد أللى على الأبواب يطرى
هنجيب زيت برافين ودة بيتباع فى أى أجزخانة بحواى 2.5 جنيه وكيس قطن طبى ب3 جنيه
الأول :هنلمع التابلوة والجلد اللى فى الصالون بقماشة ناشفة علشان نشيل التراب.
ثانياً: هناخد على حته قطن حبه زيت وعيش يا باشا ......وشوفوا النتيجة اخبارها أيه.
ملحوظة بعد ما تلمع التابلوة ما تحطش عليه حاجة لحد ما الجلد يشرب الزيت.
يا رب أكون قدرت أفيدكم بالحاجة البسيطة دى.

[Hitham2010]

أيه يا جماعة للدرجة دى الموضوع بايخ 11 مشاهدة وما حدش كلف نفسه برد
هى المشاركة تافهه للدرجة دى!!!!!!!

[ahmed_khalil]

مشكور يا باشا
هابقى اجربها كدا و اقولك النتيجه

[D.Tarek]

الموضوع ده له بعض العيوب ان التابلوه بيلم تراب كتير جدا نتيجة وجود الزيت وبيحتاج التنظيف المستمر غي ملمسه الدهني انا بفضل استخدام المستحضرات الجاهزه بتكون عملية اكثر
وعلى العموم شكرا على مجهودك الجميل

[ecybrarian]

فكرة كويسة..بس انا عندي فكرة تانية ماتلمش تراب..من عند اي عطار نضيف هات علبة فازلين اخضر..(اولا) نضف التابلو من الغبار (ثانيا) لمع التابلو بالفازلين مستخدما قطنة..ممكن تجرب في حتة صغير من التابلو الأول للتجربة مع التراب والشمس، ولما تتأكد من إن كله تمام اعمل الموضوع على التابلو كله

[M.Elsheikh]

شكرا يا باشا

[magyver]

انا عن نفسي باستعمل الفازلين وعامل معايا شغل حلو

[migo9898]

شكرا جزيلا

[islam_taha]

شكراااااااااااااااااااا بس انا عندة طريقة اجمد وارخص كيس فازلين من الصدلية بردوة بس ب 50 قرش وبصبعك وعيش الفرق

[Hitham2010]

شكرا على الردود وبالنسبة لفكرة الفازلين أنا هجربها وشكلها كدة طريقة أحسن من كلامكم
بكرر شكرى وأنا كنت عايز أشارككم فى الفكرة دى
ألف شكر يا باشوات

[I.S.L.A.M]

الف شكر على موضوعك ياباشا :b4_388: وهبقى اجربو واجرب برضو موضع الفازلين ده وهقولك على النتائج

[m_mekkawy]

شكرا يا حج

[dramr40]

جربت جلسرين كان واحد قريبى قالى عليه وتمام التمام وزى الفل بس فعلا بيلم تراب بس بنضف بسرعه بردو

[abogogo]

زيت برافين... فازلين... جلسرين الفكرة وحدة وتقريبا النتيجة وحده والعيب واحد بيلموا تراب

[devilishtigers]

زيت برافين... فازلين... جلسرين الفكرة وحدة وتقريبا النتيجة وحده والعيب واحد بيلموا تراب

+11111111111111111111