محتاج مساعدة من الخبراء (جنوط فيرنا 14)

[mangaa]

سلام عليكم يا جماعة,
انا معايا فيرنا 2009 و ناوي اشتري جنط وقررت ان شاء الله انه يكون مقاس 14.

بس انا محتار في النوع اللي ممكن اجيبه يكون ايه؟
انا سامع ان في صيني وماليزي و كوري وانا مش عارف ايه احسن حاجه ممكن تيجي؟

طبعا انا عارف ان الايطالي احسن حاجه بس برده اسمع انه سعرة عالي جدا. ايه اللي يجي بعدة في المرتبة التانية ويكون كويس؟؟؟

على فكرة انا قاعد في الامارات وممكن اجيبة من هنا برده معلومة ممكن تساعدكم في الاختيار,,,
برجاء الرد لاني محتار ومعنديش خبرة خالص في موضوع الجنوط ده ,,,,,

وشكرا لاحلى منتدي و اجدع شباب

[mangaa]

ايه يا جماعة انتو فين محدش بيرد عليا ليييييييييييييه

[Hosam_Optrawy]

الايطالى واليابانى والكورى غاليين

الجنوط الكويسه واللى اسعارها معقوله هى التايلاندى

الصينى ارخص حاجه

انا رأيى تجيب طقم تايلاندى سعره هايكون فى حدود 1500 - 2000 جنيه بالكتير

[Ahmed Anwer]

زي ما قال حسام باشا كده

بس التايلندي الاربعتاشر ب 1300 جنية كمان

من عند اشرفكو و بيكون محفور عليه تايلند

و ده موقع الشركة المنتجة

Stamford Sport Wheels

[Hosam_Optrawy]

معاك حق ياباشا اللى ب 1500 - 2000 دا مقاس 15 واكيد ال 14 ارخص

[mangaa]

طيب تمام اوي وشكرا ليكو بجد ,,,
بس انا لما رحت المحل وسالت قالولي لازم نعرف مقاس المسافة اللي بين المسمارين في الجنط؟؟

حد عنده خبرة في الموضوع دة يقدر يفيدني؟؟؟
والف شكر مرة تانية

[Ahmed Anwer]

يا باشا قولهم فيرنا !!!

مش محتاجة ،، الكل عارفها و عارف جنوطها

بس عموما 10 سم المسافات بين المسامير

[M.Osman]

باشا... سعادتك من المنصورة ... ممكن تقولي من احسن واحد بتاع جنوط هنا ؟
انا ابيض في الموضوع دا
و شكراً

[mangaa]

باشا... سعادتك من المنصورة ... ممكن تقولي من احسن واحد بتاع جنوط هنا ؟
انا ابيض في الموضوع دا
و شكراً

في واحد في ميدان مشعل محل كبير ومشهور اوي بس بردة اسمع انه غالي شوية بس هتلاقي عندة موديلات كتير جدا ,,,

عاما الحاجات دي مافيهاش محل حلو ومحل وحش ,, البضاعة كلها واحدة والصلي معروف و التقليد معروف متهيألي ,,,اللي بيفرق محل عن التاني هو السعر ,,, والموديلات الي مش موجوده ممكن تلاقيها غاليه شوية ,,,

[mangaa]

يا باشا قولهم فيرنا !!!

مش محتاجة ،، الكل عارفها و عارف جنوطها

بس عموما 10 سم المسافات بين المسامير

كلامك صح بس انا قاعد حاليا في الامارات ,,, ولما رحت للمحل طلعو ميعرفوش الفيرنا عشان مش موجوده هنا كتير ,,, فقالي لازم تجيبلي المسافة بين المسامير .

والف شكر على الاجابة يا كبير ,,,,,,

[M.Osman]

في واحد في ميدان مشعل محل كبير ومشهور اوي بس بردة اسمع انه غالي شوية بس هتلاقي عندة موديلات كتير جدا ,,,

عاما الحاجات دي مافيهاش محل حلو ومحل وحش ,, البضاعة كلها واحدة والصلي معروف و التقليد معروف متهيألي ,,,اللي بيفرق محل عن التاني هو السعر ,,, والموديلات الي مش موجوده ممكن تلاقيها غاليه شوية ,,,

ايوا ايوا... عرفته ...اسمه ياسر .. كنت عملت عنده نيتروجين قبل كدا و طلع اي كلام

شكراً عالرد يا باشا

[lody4verna]

يا باشا انت لو فى لامارات ما اعتقدش انك هتشحنهم او تنزل بيهم لانهم هيكلفوك كتير
بس لو هتعمل كدة يبقى هات ايطالى طبعا لان سعروا هيكون ارخص وعندكم اشكال تحفة احلى من الى فى مصر الف مرة

[mohamed_mohsen]

كلامك صح بس انا قاعد حاليا في الامارات ,,, ولما رحت للمحل طلعو ميعرفوش الفيرنا عشان مش موجوده هنا كتير:f_eyeb1[1]: ,,, فقالي لازم تجيبلي المسافة بين المسامير .

والف شكر على الاجابة يا كبير ,,,,,,

قولله عايزهم لهيونداي أكسنت 2004 مش فيرنا,,,,أكيد في الأمارات مش هيعرف إيه فيرنا دي,,,,لأنها هي الأكسنت اللي هناك,,,اختلاف الأسم تسويقياً بس في مصر

[alihussien2]

انا افضل تجنط ع الاكبر مقاس حسب الممكتوب على باب السايق ويفضل 15 مش 14 وهات التايلاندي او الكوري وربنا يوفقك

[د.محمود صلاح]

والجنط القديم بيتبباع داخل الصفقة ولا بتبيعهم بمعرفتك ؟

وبالطبع لو كبرت هتغير كاوتش والعملية هتوسع