ايه الضرر لو ركبت لمبه الوات بتاعها اعلى من المفروض ؟؟؟

[Hosam_Optrawy]

السلام عليكم

الموضوع باختصار ان لمبة الفوج لايت محروقه بقالها كذا شهر

والوات بتاعها 27 ومش لاقيهم خالص

اللى موجود فى السوق حاجات صينى غريبه بصراحه شكلها معفن كأنها مستعمله

وسألت فى توكيل فيليبس مش موجودين

الحل ايه اركب 55 وات بدالهم ؟ ولو ركبت هل فى حاجه ممكن تتضر

ويا سلام لو واحد يعمل فيا جميل ويقوللى اجيب منين لمبه 27 وات وتكون نوع كويس مش صينى

ومشكورين مقدما

[A.Saad]

توكيلات اللمبات الفيليبس
هاشم باص بجوار مكرم عبيد
وممكن تشوف الاوسرام
او اسال فى ارابكوم مع انه غالى

ولو هتزود الواط
لازم تركب كتاوت

[Hosam_Optrawy]

شكرا ياباشا على اهتمامك وردك

انا سألت كتير فى توكيل فيلبس هاشم باص

وبيقولولى مش موجوده لما تيجى هانبلغك

طيب الاوسرام دى اجيبها منين ؟ من ارابكوم ؟

طب فين ارابكوم بالظبط ؟

انا اكتشفت ان الرقم المتداول اكتر للمبه هو 880

ودى شكلها












ودى الفيليبس اللى انا مش لاقيها

[ihabchina]

متعملش زي ما انا عملت وركبت لمبة اعلى من اللى عندى واشتغلت كويس وكل حاجة وبعد كده ماشى على الدائرى وكأن النور قطع هههه لقتهم ضلموا .. تانى يوم رحت لكهربائى قالى الفيوز ضربت.. وقالى نعمل كتاوت وشغلانة.. قولتة لا وجبت لمض زى اللى عندى وركبتها تانى وركبت فيز بدل اللى ضرب والحمد لله على كده

[Hosam_Optrawy]

متعملش زي ما انا عملت وركبت لمبة اعلى من اللى عندى واشتغلت كويس وكل حاجة وبعد كده ماشى على الدائرى وكأن النور قطع هههه لقتهم ضلموا .. تانى يوم رحت لكهربائى قالى الفيوز ضربت.. وقالى نعمل كتاوت وشغلانة.. قولتة لا وجبت لمض زى اللى عندى وركبتها تانى وركبت فيز بدل اللى ضرب والحمد لله على كده

شكرا ياباشا على النصيحه

مانا عشان كدا حريص انى اركب نفس الوات

[ahmad--ezzat]

انا ركبت فى الفوجات واط اعلى من المفروض والنتيجه...
1-اشتغلو يومين وضربوا
2-البلاستيك الداخلى بتاع الفوجات ساح من السخونه بتاعت اللمض
3-الحمد لله ان الدراع بتاع النور ماتخربش

شارع دمشق فى كذا محل عنده جميع انواع اللمض

[ihabchina]

شكرا ياباشا على النصيحه

مانا عشان كدا حريص انى اركب نفس الوات

لا شكر على واجب. ان شاء الله تلاقيهم وتركبهم

انا ركبت فى الفوجات واط اعلى من المفروض والنتيجه...
1-اشتغلو يومين وضربوا
2-البلاستيك الداخلى بتاع الفوجات ساح من السخونه بتاعت اللمض
3-الحمد لله ان الدراع بتاع النور ماتخربش

شارع دمشق فى كذا محل عنده جميع انواع اللمض

كلامك صح 100/100
الغريب بقى ان فى محل الاكسسوارت مش بيقولك اى حاجة من الحاجات ده ومش بيجيب اى سيرة عن الاضرار اللى ممكن تحصل من تغير واط اعلى من المفروض..المهم يبيع وخلاص

انا برضة الكهربائى قالى الحمد لله انها جت على الفيز وبس وان الحمد لله الدراع سليم

[Hosam_Optrawy]

انا ركبت فى الفوجات واط اعلى من المفروض والنتيجه...
1-اشتغلو يومين وضربوا
2-البلاستيك الداخلى بتاع الفوجات ساح من السخونه بتاعت اللمض
3-الحمد لله ان الدراع بتاع النور ماتخربش

شارع دمشق فى كذا محل عنده جميع انواع اللمض

شكرا ياباشا على ردك

بس انا غالبا مش هاعرف اوصل لشارع دمشق معرفش مكانه

انا اعرف ان ارابكوم قريب من سيتى ستارز

متعرفش مكانه فين بالظبط ؟

[magyver]

لو هاتركب لمبة الوات اكبر لازم كتااوت علشان
ميسيحشي الدراع لاقدر الله

[mr_sameh]

وكمان النور هيكون ضعيف لان الواط عالي

[ahmad--ezzat]

شكرا ياباشا على ردك

بس انا غالبا مش هاعرف اوصل لشارع دمشق معرفش مكانه

انا اعرف ان ارابكوم قريب من سيتى ستارز

متعرفش مكانه فين بالظبط ؟

اوعى تروح ارابكوم الحرامى دة...انا اشتريت من عنده كريستال فيجين (لمبات فيلبس) ب 190 جنيه....وسعرها بره ب 160 و 150....غالى اوى وملهوش لزمه واياك تقربله....حضرتك ممكن تروح توكيل فيليبس اللى جنبك فى مدينه نصر بس مكانه بالظبط مش عارف...ممكن تسال الاعضاء.. وسيبك من ارابكوم ده احسنلك

[Hosam_Optrawy]

اوعى تروح ارابكوم الحرامى دة...انا اشتريت من عنده كريستال فيجين (لمبات فيلبس) ب 190 جنيه....وسعرها بره ب 160 و 150....غالى اوى وملهوش لزمه واياك تقربله....حضرتك ممكن تروح توكيل فيليبس اللى جنبك فى مدينه نصر بس مكانه بالظبط مش عارف...ممكن تسال الاعضاء.. وسيبك من ارابكوم ده احسنلك

انا اتصلت بتوكيل فيليبس اكتر من مره ورحت بنفسى واللمبات مش متوفره ولسه ماجتش

وعلى فكره مدينة نصر مش جنبى انا ساكن فى الهرم :)

اعمل ايه دلوقتى :(

اللمبه فى التوكيل ب 68 جنيه يعنى اللمبتين ب 140 تقريبا

اجيبهم من التوكيل ؟

[ramyworm]

انا مركب عندي في الفوجات لمض 110 وات وواخد سلك من البطارية على طول يحصل حاجة

[ahmad--ezzat]

انا مركب فيليبس فى الفوجات h3 واعتقد الاوبترا نفس المقاس سعرهم كان 50 جنيه الواحده....يعنى الاتنين ب 100...اللون ابيض تلجى والصراحه كويسين

حضرتك ممكن تجيبهم من التوكيل بقا وتخلص وبالمره لو حصلهم حاجه تقلهم دول من عندكوا....

[A.Saad]

انا قريت ان اوسرام عند ابو الحسن
لان هيا الاورجينال بتاعة اللانوس