اخيرا حل للخدوش وبلون العربية كمان!!!

[Ayman-Ahmed]

عاوز رايكم يا جماعة فى المنتج ده.

Amazon.com: Dura Lube HL-48901-06 Pro Fix 6 Body Shop Repair Kit: Automotive

انا خلاص هبعت اجيبه بس اللى جاى هيجيب 3 بس المرة ديه ويمكن كمان شهر اقدر اجيب تانى وانا جاى..

[devilishtigers]

اهم حاجة عايزين حد مجرب ويقولنا.
اوعى تنسانا في التقييم بعد التجربة

[د.محمود صلاح]

بديهياً الخدوش اللي وصلت للصاج مالهاش حل الا بالرش ....

[Mostafa Hessen]

طيب لو حتجيب 3 وعايز تبيع واحده ممكن اشترى منك لو حبيت انت

شوف رأيك وبلغنى

وبالتوفيق

[a_tharwat]

هو انا فاهم غلط ولا ده محتاج يتخلط لحد متوصل للون الصحيح؟

لو كده ييبقى احسن تجيب اقلام الدوكو اللي بتبقى بالظبط نفس لون العربية (حسب الرقم الموجود في الاستيكر اللي جوة الكبوت) و تعملها على طول.

[Ayman-Ahmed]

هو انا فاهم غلط ولا ده محتاج يتخلط لحد متوصل للون الصحيح؟

اللى انا فهمته من اللى هيجيبه.انه بيجى ب 6 الوان اساسية وكل درجة من ال6 ليها 4 الوان من نفس الدرجة بس مفيش ابيض.


لو كده ييبقى احسن تجيب اقلام الدوكو اللي بتبقى بالظبط نفس لون العربية (حسب الرقم الموجود في الاستيكر اللي جوة الكبوت) و تعملها على طول.

اجيب منين القلم الدوكو.لاننى سالت فى التوكيل قاللولى كان زمان بينزل

اهم حاجة عايزين حد مجرب ويقولنا.
اوعى تنسانا في التقييم بعد التجربة

اكيد يا باشا وكلها يومين انشاء الله وهجربه يوم الخميس

[Ayman-Ahmed]

بديهياً الخدوش اللي وصلت للصاج مالهاش حل الا بالرش ....

اكيد يا دكتور محمود.

[Ayman-Ahmed]

طيب لو حتجيب 3 وعايز تبيع واحده ممكن اشترى منك لو حبيت انت

شوف رأيك وبلغنى

وبالتوفيق

لما يجى بس انشاءالله هجربه واقولكوا

[Ayman-Ahmed]

اخيرا وصل يا شباب وهانزل اجربه بكرة الصبح وهاقلكوا النتيجة انشاءالله.

[noda007]

اخيرا وصل يا شباب وهانزل اجربه بكرة الصبح وهاقلكوا النتيجة انشاءالله.

ارجو الرد ونتيجه بالصور

[ابو حسين]

بالتوفيق ان شاء الله

[Ayman-Ahmed]

الف شكر ليك ويارب ينفع.عشان فيه عيل مش عارف مستقصدنى ليه راسملى خطين على الكبوت والرفرف ونص دايرة على الشنطة.

[Ayman-Ahmed]

جارى التجربة يا شباب.دعواتكوا.

انا حطيت اللون الازرق وساويته على الخربوش اللى على الشنطة وبعد كدة حطيت عليه كومباوند عادى من هنا من مصر(ميدو) وهستنى ساعة وبعد كدة استعمل البولش اللى جاى مع الباكيت.

ودى كانت كلها نصايح اللى جابهولى من امريكا واول ما ينشف واحط البولش هاصوره واوريكوا الخدش ويارب ميكونش باين

بس لحد دلوقتى اقدر اقول بنسبة 70% الخدش مش باين

[kh_talaat]

في انتظار النتيجة ؟؟؟؟

[tarekmomo]

دة هيبقى عامل زى الكمبوند لان الخدوش العميقة صعب تطلع