الفاميه الحراري ؟

[Hikayat]

انا كنت عاوز اسال لو حد يعرف الفاميه الحراري ( مش الفاميه العادي ) مخالف ولا لاه ؟
لان في ناس كتييييير قالولي انه مش مخالف وان الفاميه العادي بس هوه اللي مخالف
وانا عاوز اركبه في الشباكين اللي قدام .... لان الشمس كلت دماغي و التكييف بياخد فتره علي ما بيشتغل حلو والجو حار جداااااااااا وانا اصلا علطول راكن في الشمس والعربيه سوداء
وياريت لو في حل تاني لحوار الشمس والكلام ده وحد مجربه برده يقول عليه ؟

[hobaz]

متابع معاك.....

[ZALABANY]

ولا حد يقدر بفيدك في الإجابة دي الفيصل هنا الضابط اللي في اللجنه لو جاله مزاج يخالفك هايخالفك
عامة الفيميه الحراري بيقى نفاذية الضوء فيه حوالي 70% بعني مش بيبقى ملحوظ اصلا بيبقى عامل زي القزاز الغامق اللي بينزل في العربيات الفابريكه زي الاوكتافيا مثلا
في الطبيعي بتعدي مافيش مشكله لكن في واحد هنا في المنتدي كان مركب v-coolوكان شفاف جدا ومش باين ان في حاجه وجه في كمين علم بقلم على الزجاج من جوا وصمم انه يشيلوا ومره تانيه كان مهندس الفحص في التجديد وصمم انه يشيلوا برده وانت وحظك

[M.Akef]

انا صحبي عمله انت اصلا مش هتعرف ان العربيه متفيمه فاميه حراري الا لما تدق اوي في الازاز لانك هتلاقي الي متفيم حراري لونه جاي علي صفار شويه و العادي ازاز بيلمع و طبعا مفيش بتوع لجان هيشفوه ولا حتي يقدرو يقولو لك عليه حاجه لانه شفاف اصلا
و هو فعلا مفيد جدا و بيمنع الحراره تدخل جوه و بيخلي التكييف يشتغل تمام
و صحبي كان عمله في التوفيقيه باين ب350 جنيه 4 ازاز و الازاز الخلفي

[ZALABANY]

انا صحبي عمله انت اصلا مش هتعرف ان العربيه متفيمه فاميه حراري الا لما تدق اوي في الازاز لانك هتلاقي الي متفيم حراري لونه جاي علي صفار شويه و العادي ازاز بيلمع و طبعا مفيش بتوع لجان هيشفوه ولا حتي يقدرو يقولو لك عليه حاجه لانه شفاف اصلا
و هو فعلا مفيد جدا و بيمنع الحراره تدخل جوه و بيخلي التكييف يشتغل تمام
و صحبي كان عمله في التوفيقيه باين ب350 جنيه 4 ازاز و الازاز الخلفي

لا يا باشا اللي حضرتك بتتكلم عليه دا نوع فيلم تيواني وبيقولوا عليه حراري لكن مش ده الحراري المقصود الحراري اللي هو زي 3m والعربية بتتكلف 2000 جنيه ,v-cool والعربيه بتخشلها في 3 او 4 الاف جنيه وبيبقى صناعه امريكي ياريت تتاكدلنا من الفيلم اللي صاحبك ركبه ده لأني اول مره اسمع عن 350 جنيه ده وياريت تعرفلنا برده هل الزجاج الخلفي متركب قطعه واحده ولا اكتر من قطعه لأن الافلام الغاليه هي بس اللي بتركب قطعه واحده عشان بتتحمل تسخين

[M.Akef]

لا يا باشا اللي حضرتك بتتكلم عليه دا نوع فيلم تيواني وبيقولوا عليه حراري لكن مش ده الحراري المقصود الحراري اللي هو زي 3m والعربية بتتكلف 2000 جنيه ,v-cool والعربيه بتخشلها في 3 او 4 الاف جنيه وبيبقى صناعه امريكي ياريت تتاكدلنا من الفيلم اللي صاحبك ركبه ده لأني اول مره اسمع عن 350 جنيه ده وياريت تعرفلنا برده هل الزجاج الخلفي متركب قطعه واحده ولا اكتر من قطعه لأن الافلام الغاليه هي بس اللي بتركب قطعه واحده عشان بتتحمل تسخين

اوك بيس يا مان هسأله لك لكن هو الحقيقه عزله لحو اوي و في عز الشمس مش بحس بيها و طبعا اول ما تفتح التكييف بيبرد علطول و بسوق عربيته بال3 ساعات في الحر ايدي مش بتتحرق كالمعتاد في عربيتي يعني ابو بلاش كتير منه و خلاص

[Hikayat]

علي فكره انا سالت المحل اللي انا بتعامل معاه ع التكلفه قالي في نوع نضيف ونوع تعبان قلتله النضيف طبعا قالي هفيم الازازين اللي قدام بس ب 60 جنيه .... مش ب 2000 جنيه ولا حاجه
اما بالنسبه لمهندس الفحص في المرور فده عندي مفيش منه مشكله لاني اعرف الراجل والعربيه اصلا مبتتفحصش ... المشكله عندي كلها في الكماين

وانا متابع برده اشوف تجارب كل الناس
والف شكر لكل اللي اهتموا وردوا

[muhammadadel]

هناك شركة أمريكية إسمها جيلا Gila تصنع عازل حراري لزجاج المنازل (و إن كنت أعتقد أنه يمكن تركيبه علي زجاج السيارات أيضاً). هناك ثلاث درجات من هذا العازل و أعلي درجة منهم غير ملحوظة و غالباً لن يلاحظها ضباط المرور.

العازل يوجد منه مقاس 91×460 سم ثمنه 32 دولار و هناك مقاس 61×460 ثمنه 24.5 دولار علي موقع امازون. بعد إضافه ثمن الشحن و الجمارك فإن الثمن سيكون أقل بكثير من أسعار 3M و VCool.

المستخدمين علي أمازون و علي مواقع أخري قالوا إن العازل مثل فارقاً ضخماً في العزل الحراري و سبب لهم خفضاً في إستهلاك الكهرباء التي تستهلكها المكيفات في بيوتهم و إن كان تركيبه صعب إلي حد ما، و لكن الكثير من الناس ركبوه بأنفسهم في المنزل.

موقع الشركة عليه صور لزجاج المنزل قبل و بعد تركيب العازل و يمكننا أن نري فيها أنه غير ملحوظ.

Amazon.com: C P Films, Inc. LEG361 Gila Heat Control Insulating Window Film:…
Amazon.com: C P Films, Inc. LES241 Gila Heat Control Insulating Window Film: Home Improvement

لو حد يعرف فني أو محل بيركب فاميه أو عازل يبقي كده المشكلة إتحلت، نشتريه من علي امازون و نركبه إحنا عند الفني أو المحل ده.

[احمد المصرى]

2000 جنيه بجد حرام اوىىىىىىىىىىىىىىىىى ليه هو انا هركب حاجه مستحيله دا مجرد ورق مهما كان هو ورق



350 جنيه لحد ما معقول

[ZALABANY]

يا جماعة الموضوع ده قديم جدا وقتل بحث على المنتدى على الموضوع ده وفي اكتر من موضوع تاني وهو اسعاره كده مش بس في مصر ده في الوطن العربية وفي الدنيا كلها والموضوع اهو

http://www.nilemotors.net/Nile/77531-3m-armshield.html

مش بس كده ده كمان الانواع الرخيصة دي ثبت خطورتها اكتر من فايدتها لأنها ما بتعملش عزل حراري بل بتتسبب في حبس الحراره داخل السياره

[hazimtahaz]

انا مفيم العربيه كلها دارك عادي ولسه عامل القزاز الي قدام حراري ب 60 جينيه بس لسه مجربتوش قوي علشان اقولكم راي فيه بس لو عجبني هكمل العربيه كلهاا حراري وهحط فوقيه فميه اسود العادي...

[احمد عز]

2000 جنيه بجد حرام اوىىىىىىىىىىىىىىىىى ليه هو انا هركب حاجه مستحيله دا مجرد ورق مهما كان هو ورق



350 جنيه لحد ما معقول

+1111111111111

[ZALABANY]

انا مفيم العربيه كلها دارك عادي ولسه عامل القزاز الي قدام حراري ب 60 جينيه بس لسه مجربتوش قوي علشان اقولكم راي فيه بس لو عجبني هكمل العربيه كلهاا حراري وهحط فوقيه فميه اسود العادي...

ياريت يا باشا تقولنا ركبته فين الحراري ابو 60 جنيه ده ونوعه ايه صناعته يعني

[Hikayat]

انا مفيم العربيه كلها دارك عادي ولسه عامل القزاز الي قدام حراري ب 60 جينيه بس لسه مجربتوش قوي علشان اقولكم راي فيه بس لو عجبني هكمل العربيه كلهاا حراري وهحط فوقيه فميه اسود العادي...

وبالبنسبه للجان والكلام ده عامل ايه ؟

[hazimtahaz]

انا مركبو واحد عندنا هنا في بني سويف . هوا ايدو نظيفه قوي بصراحه
بس بالنسبه للنوع ما اعرفش بصراحه بس اكيد تعبان يعني لان من كلام الرجاله الي مكتوب . بس على فكره ده عزل 50 بس هوا قلي لو عايز اعملك 70 او 80 بيوصل ل 2000 جينيه تقريبا
بيني وبينك انا مش دايش في الحوار قوي يمكن يكون بيشتغلني اساسا..