تظبيط فيات 128 ارجو المساعده

[abdalaha]

القصه ومافيها اني ناوي اشتري عربيه 128 موديل اي حاجه وسبعين في حدو 7 او 8 او 9 الاف جنيه وناوي اصرف عليها بتاع 6 الاف جنيه بس من الاخر انا ناوي اركب عربيه 28 صايعه ومكيفه وهغير لونها وفرشها والذي منه انا عايز الخبراء يفيدوني اعمل ايه ولو تحوطو صور لي 128 متظبطه يبقي اصلي جدا
وياريت اسعار بقي التكيف والمواتير والدوكو والازاز الكهربا والجنوط وخلي بالكم انا ناوي افرمت العربيه عايز بقي افهم كل حاجه وعشمي فيكم كبييييير

[hamedo0]

ياريت لو قدامك عربيه في الحدود البتكلم فيها دى قولي ربنا يخليك

[abdalaha]

لسه هبدء ادور بس موجود ان شاء الله عايزين بس خبراء ال 128 يدونا النصايح وعلي فكره دي هتبقي اول عربيه اسوفها في حياتي يعني انا مسوقتش قبل كده يعني ماليش في الجري بس عايز موتور يريحني عايز حد يرسيني علي الليله كلها من اولها لاخرها

[abdalaha]

فين الرجاله الي هتجيب من الاخر

[misoalex]

6 الاف مش فلوس على فكره وانت بتقول حتشترى عربيه كبيرها 9000 يعنى فيها شغل ومصاريف
لو حتسقط موتور بفتيس 3000 جنيه بالمصنعيات
غير التكيف بالميت 1500 استعمال واستحاله حيبقى زى العربيات الجديده
1000 جنيه جنوط وده اقل واجب لو جديد و600 لو مستعمل
800 جنيه كاوتش بالميت يعنى 4فرد كومهو او gt
و1500 سمكره ودوكو وده بالميت لانها ممكن تدخل فى 3000
نيجى للصالون
لو حتغير تابلوه حيبقى فى حدود 700 او 600
الفرش الجلد للكراسى 700 لو محترم ولو حتغير كراسى حط كمان 500 تقريبا للكرسين الى ادام بتوع اكسيل او اكسنت وفيه الريكارو فى حدود 1000
فرش السقف بالارضيه بالابواب بالمصنعيه تقريبا من 400 الى 500 بالميت
لو حتعمل شغل فيبر حط ميزانيه 1000 الى 1500 لو شغل كامل اكصدامات عتب واسبويلر
تعالى للجكمان مش معقوله حطيت موتور وكلفت العربيه وحتسيب ديل الفار ده فيها
لو حتعدل هيدر كامل تقريبا 500 جنيه
لو حتحط علبه ديفل حط الاصلى عند بتوع الاستعمال فى حدود 350 عشان تحافظ على الموتور ابو 2500 والصينى الجديده ب 200 تقريبا حسب الشكل بس حتديك صوت فقط
لو حتلعب فى العفشه وتهبط العربيه الخيارات كتيييييييير بس اهم حاجه تعمل تقويات للشاسيه لانك مسقط موتور عفى وطبعا حتغير الفرامل بالطنابير بأكبر وبصراحه معنديش خبره فى الموضوع ده
وبعد كده بقى عندك الاكسسوارات سنتر انزار ازاز كهربا دول فى حدود 800 جنيه
وعداد rpm اسبور ب 80 جنيه ده اقل واجب
ونيجى لطقم الصوت اقل كاسيت جديد كينود او بايونير فى حدود 500 او اكتر الى ما لا نهايه
سماعتين كينود فى حدود 350 ولو حتحط صب وجى ام اعمل حساب 1000 جنيه زياده لو حاجه نضيفه

اتمنى مكنش نسيت حاجه
انا حطيتلك كل الاختيارات والاسعار من الواااااااااااااقع الاليم المرير
مش قولتلك 6000 مش كتير
واى استفسار قول

[magyver]

يعني افهم من كدة انك مش بتعرف تسوق ؟
بص ياسيدي
لو هاتسقط مكنة والكلام اللي في دماغك يبقي هاتصرف اكتر من الاف جنية
قول المكنة كلها بالعفشة والمصنعيات والتركيب وكلو كلو هتخشلها في 4
لو العربية فيها سمكرة كتير ييبقي تحط 2000 سمكرة وبوية نضااف
نيجي للصالون لو ريكارو ولونين هاتخش في 1500 جنية بس هاتستلم صالون صح
نيجي للجنوط جنط 15 كدة مستعمل ياسيدي بالكاوتش 1600 جنية
كهربة ولعب في الفوانيس وشبكة عمولة هاتخش في 500 جنية
اربعة ازاز كهربة مع سنتر وجهاز انزار 800 جنية
وسوند سيستم لو ليك فية
وسيب 500 جنية كدة علي جنب هاتفنش بيهم حاجات بسيطة
لو فية حاجة ناقصة ا انا تحت امرك ............

[misoalex]

يعني افهم من كدة انك مش بتعرف تسوق ؟
بص ياسيدي
لو هاتسقط مكنة والكلام اللي في دماغك يبقي هاتصرف اكتر من الاف جنية
قول المكنة كلها بالعفشة والمصنعيات والتركيب وكلو كلو هتخشلها في 4
لو العربية فيها سمكرة كتير ييبقي تحط 2000 سمكرة وبوية نضااف
نيجي للصالون لو ريكارو ولونين هاتخش في 1500 جنية بس هاتستلم صالون صح
نيجي للجنوط جنط 15 كدة مستعمل ياسيدي بالكاوتش 1600 جنية
كهربة ولعب في الفوانيس وشبكة عمولة هاتخش في 500 جنية
اربعة ازاز كهربة مع سنتر وجهاز انزار 800 جنية
وسوند سيستم لو ليك فية
وسيب 500 جنية كدة علي جنب هاتفنش بيهم حاجات بسيطة
لو فية حاجة ناقصة ا انا تحت امرك ............

ده انت جبت من الاخر ولخصت الموضوع ههههههههههه
ياعم الراجل بيقولك عاوز عربيه صايعه حيعمل كل ده ويسيب السروجى الاصلى وميعملش شغل اكصدامات واسبويلر
وعموما برضه كلامك زى كلامى ونفس رينج السعر وبرضه حتعدى ال 6000 ههههههههه

[magyver]

ده انت جبت من الاخر ولخصت الموضوع ههههههههههه

ياعم الراجل بيقولك عاوز عربيه صايعه حيعمل كل ده ويسيب السروجى الاصلى وميعملش شغل اكصدامات واسبويلر

وعموما برضه كلامك زى كلامى ونفس رينج السعر وبرضه حتعدى ال 6000 ههههههههه

هههههههههههههه
علي فكرة انا كنت كتبت الرد ومكنتش شفت ردك
عمتا انا مش بحب شغل الاكصدامات في ال 28 بحبها سيمبل اكتر
وكدة كدة هاتعدي ال 6000 جنية بردة

[sary005]

يا جماعة الراجل بيقول هيجيب عربية فى حدود 7 او 8 او 9 هو فى الكلام دة اصلان دة لو جبها كدة طبعا مش هقلكو لو بص فى الحوض هيلاقى عشش تعابين طبعا علب تعبانة و كمان قواعدك ..... دة لاقى قواعد اصلان ركبة هتخلى العربية نصها القدمانى غير الورانى القنطرة هياء لوز ..... انا برجك انو يحط 9000+6000 = 15000 جنية و يجيب حاجة حالتها محترمة و كويسة و يتعلم عليها و بعدين يظبطها واحدة واحد و الدنيا اتكونت فى 7 ايام واحدة واحدة تظبتها علاشان التكلفة بس نصيحة 128 ياتتركب اساسيات نضيفة يابلاش علاشان هتكرهة فى العربيات اصلان و شكرا و انت برضو ليك حرية الاختيار انا قولت اقولك على معلومات سمعتها من ناس كتير

[hamedo0]

يا جماعة الراجل بيقول هيجيب عربية فى حدود 7 او 8 او 9 هو فى الكلام دة اصلان دة لو جبها كدة طبعا مش هقلكو لو بص فى الحوض هيلاقى عشش تعابين طبعا علب تعبانة و كمان قواعدك ..... دة لاقى قواعد اصلان ركبة هتخلى العربية نصها القدمانى غير الورانى القنطرة هياء لوز ..... انا برجك انو يحط 9000+6000 = 15000 جنية و يجيب حاجة حالتها محترمة و كويسة و يتعلم عليها و بعدين يظبطها واحدة واحد و الدنيا اتكونت فى 7 ايام واحدة واحدة تظبتها علاشان التكلفة بس نصيحة 128 ياتتركب اساسيات نضيفة يابلاش علاشان هتكرهة فى العربيات اصلان و شكرا و انت برضو ليك حرية الاختيار انا قولت اقولك على معلومات سمعتها من ناس كتير

انا مع الكلام ده

[sary005]

انا مع الكلام ده

شكرا يا باشا احنا هنا علاشان نخدم بعضنا

[ganash]

يا جماعة الراجل بيقول هيجيب عربية فى حدود 7 او 8 او 9 هو فى الكلام دة اصلان دة لو جبها كدة طبعا مش هقلكو لو بص فى الحوض هيلاقى عشش تعابين طبعا علب تعبانة و كمان قواعدك ..... دة لاقى قواعد اصلان ركبة هتخلى العربية نصها القدمانى غير الورانى القنطرة هياء لوز ..... انا برجك انو يحط 9000+6000 = 15000 جنية و يجيب حاجة حالتها محترمة و كويسة و يتعلم عليها و بعدين يظبطها واحدة واحد و الدنيا اتكونت فى 7 ايام واحدة واحدة تظبتها علاشان التكلفة بس نصيحة 128 ياتتركب اساسيات نضيفة يابلاش علاشان هتكرهة فى العربيات اصلان و شكرا و انت برضو ليك حرية الاختيار انا قولت اقولك على معلومات سمعتها من ناس كتير

ايوه تمام الرد ده بدل ما تصرف عليها تحط الى هتصرفه على الى معاك وتجيب حاجه نضيفه

[sary005]

ايوه تمام الرد ده بدل ما تصرف عليها تحط الى هتصرفه على الى معاك وتجيب حاجه نضيفه

الله ينور عليك ياباشا

[misoalex]

ايوه تمام الرد ده بدل ما تصرف عليها تحط الى هتصرفه على الى معاك وتجيب حاجه نضيفه

والله يا باشا هى مسأله ازواق وكل واحد على حسب هو عاوز ايه
يعنى صاحب الموضوع مش عارف ان 9+6 = 15 وان ال15 ممكن يجيبو عربيه غير ال 128 اساسا زى البيجو او ال123 او bmw سبعينات واختيارات تانيه كتير
وعلى فكره 128 ب 9 الاف مش حتنكون متبهدله اوى كده زى منتم بتقولو اهم حاجه الاختيار لان فيه حاجات كويسه
وزى مقولت كل واحد عارف هو عاوز ايه وبيدور على ايه
ومحدش يقنعنى ان مفيش عربيه مفيهاش عيوب او مشاكل بس كل واحد بيدور على الى يريحه
ومفيش عربيه فى حدود ال 15 حتكون مش موديل قديم وفيها شغل ومشاكل حتى لو كانت 128 تمانينات زى منتم بتقولو

[ganash]

والله يا باشا هى مسأله ازواق وكل واحد على حسب هو عاوز ايه

يعنى صاحب الموضوع مش عارف ان 9+6 = 15 وان ال15 ممكن يجيبو عربيه غير ال 128 اساسا زى البيجو او ال123 او bmw سبعينات واختيارات تانيه كتير
وعلى فكره 128 ب 9 الاف مش حتنكون متبهدله اوى كده زى منتم بتقولو اهم حاجه الاختيار لان فيه حاجات كويسه
وزى مقولت كل واحد عارف هو عاوز ايه وبيدور على ايه
ومحدش يقنعنى ان مفيش عربيه مفيهاش عيوب او مشاكل بس كل واحد بيدور على الى يريحه
ومفيش عربيه فى حدود ال 15 حتكون مش موديل قديم وفيها شغل ومشاكل حتى لو كانت 128 تمانينات زى منتم بتقولو

كلام حضرتك سليم جدا اهم حاجه حاله العربيه ويكون صاحبها مش مبهدلها