كونتاكت كى لس

[nimo.mimo]

يا جماعة فى حاجة إسمها "كى لس" أوبشن يعنى انك تشغل الموتور بدون استخدام مفتاح فهل ده ممكن يتركب على العربيات العادية و يحميها من السرقة و لا لأ و الحاجة التانية هوا جهاز الإنذار بيمنع تشغيل السيارة و لا بس مجرد إنه بيزمر و خلاص

أرجو الإفادة
و جزاكم الله خيرا كثيرا

[احمد المصرى]

يا جماعة فى حاجة إسمها "كى لس" أوبشن يعنى انك تشغل الموتور بدون استخدام مفتاح فهل ده ممكن يتركب على العربيات العادية و يحميها من السرقة و لا لأ و الحاجة التانية هوا جهاز الإنذار بيمنع تشغيل السيارة و لا بس مجرد إنه بيزمر و خلاص

أرجو الإفادة
و جزاكم الله خيرا كثيرا

جهاز الانظار مجرد انه بيعمل صوت لو باب انفتح مثلا بس لا يحمى السياره من السرقه

[Eng_Nissan]

ايوه في حاجه لتشغيل الموتور بالريموت وهو حاجه قديمه جدا على فكره و ممكن يشتغل عالعربيات القديمه عادي بس لازم يبقى الكاربيراتير مظبوط و و تكون بتدور علطول . بس معنديش فكره عن السعر بصراحه دلوقتي

[nimo.mimo]

لا أنا أقصد جهاز يفصل الموتور أو الكهرباء و لما أشغله يرجع الكهرباء تانى عشان لو اتكسرت و ما الإنذار ماشتغلش مثلا أو الحرامى طلع واد مجرم يزهق و يمشى من غير ما يسرقها إن شاء الله.

[Eng_Nissan]

لا أنا أقصد جهاز يفصل الموتور أو الكهرباء و لما أشغله يرجع الكهرباء تانى عشان لو اتكسرت و ما الإنذار ماشتغلش مثلا أو الحرامى طلع واد مجرم يزهق و يمشى من غير ما يسرقها إن شاء الله.

اااه انا فهمت قصدك ,انا معنديش فكره عن حاجه زي دي

[SiGmAa]

بص ياباشا انا اللى فهمتو من كلامك انك عايز حاجة تفصل الكهربا عن الموتور خالص وتخلية مايدورش الا اما انت تشغلها اوك بص
روح لاى كهربائى وخلية يعملك مفتاح امان وخبية فى اى حتة فى العربية بمعرفتك وبكدة العربية مش هتدوور لو الحرامى اتنطط الا اما تدوس على المفتاح دة هتسمع صوت مارش اة بس العربية مش هتدور الا اما تفتح الزرار دة انا لية واحد صحبى مركبو وحاطط الزرار فى الرفرف الامامى من جوة فوق العجلة وعامل زرارين كل واحد فى حتة يعنى لازم تشغل الزرارين مع يعض والا مش هتدوور معاك

[YOUSSEF_JO]

اه ياباشا اعتقد ان اسمو مفتاح موبينا
كان راكب في عربية والدي مرسيدس
كان مكانو تحت جلد الفتيس
بتعملو عند اي كهربائي علي فكرة

[powerofhelll]

في انواع من اجهزه الانزار بتفصل المارش عن العربيه