تركيب الزينون خطوة بخطوة- بالصور

[eng_mkhalaf]

كيت باى زينون 35 وات 8000 كلفن

H4 كاملة عالى وواطى و تحتوى على الأتى:
-1- 2 موديلاتور

2- 2 لمبة باى زينون – عالى وواطى 8000 كلفن

3- مجموعة أسلاك مع H4 كونكتور و عالى وواطى ريلاى وفيوز و H4 كونيكتور

تم توصيل المجموعة كما هو موضح –

1 - توصيل أول مجموعة أسلاك إلى الموديلاتورز – باور وكنترول-

2- وتانى مجموعة أسلاك إلى اللمبات

3 –H4 كونكتور الخاص بالأسلاك يتم توصيلة إلى H4 كونكتور الخاص بالسيارة

الصورة 1 توضح التوصيلة كاملة

ومن هنا تبداء المعاناة الحقيقية فى اختيار مكان مثالى لتثبيت الموديلات داخل العربية فى مكان كويس بعيد عن الماء والتراب والزيوت ولازم يبقة متثبت جامد

بعد تثبيت المديولاتور الشمال- لك أن تتصور حجم المعاناة بس كلة يهون

بعد خلع اللمبة القديمة ولحسن الحظ كانت قلاووظ وكانت سهلة قوى وتم تركيب اللمبة الزينون بأمان والصورة توضح طريقة تثبيت فى سوكت H4



أهم حاجة أن السلك الحمر والازرق على الحافة للحفاظ على الأسلاك من القطع



الموديلاوتور اليمين بعد تركيب الأسلاك وأختيار المكان


بعد تركيب ريلاى العالى والواطى و توصيل الفيوز





توصيل H4 كونيكتور بأسلاك اللمبات والموديلاتور إلى مصدر الباور والكنترول فى العربية للتحكم فى العالى والواطى





الشكل الخارجى للفانوس بعد تركيب الزينون




بعد التوصيل تم التشغيل والحمد لله كلة كان تمام ونور عالى قوى

– بس ظهرت مشكلة وهى حدةث بعض الذبذبات أثناء تشغيل الراديو
وبعد البحث وسؤال ذوى الخبرة وجد أن لابد من تركيب كلامب حديد أو غطاء على الطرفين السالب والموجب لسلك الكنترول المغذيين للموديلاوترز وموضحين فى الصورة (الشكل الرمادى) ولازم يكونوا اقرب ما يمكن إلى الموديلاوترز لأمتصاص الموجات الزائدة والحمد لله كانت النتائج أيجابية 100% ومفيش دوشة على الراديو J

[CryptonX]

شكرا علي المعلموات و الصور ولو اني حفضل ان فني يعمليهالي لو ركبتهم :)

بس ديي مش عربيتك يا هندسة ؟

[ecybrarian]

رائع يا باشمهندس..بس مقلتش لنا جبت الكيت دي منين وبكام

انا كمان لاحظت ان فانوس العربية في الصور مش بتاع الشيري..ولا انا غلطان؟؟؟

[loai-omar]

الف شكر يا مان
بس بارضو بصراحه الفني يركبه احسن :)

[eng_mkhalaf]

دية مش عربيتى دية - بيجو 107 يا رجالة
الشيرى مش H4

[eng_mkhalaf]

الموضوع سهل جدا ومخدشى وقت كتير خالص ولا عدة - لو عايزين فنى يركبة مش مشكلة أدينا عارفين بيركب أزاى وإى عك هيعملة احنا واقفين وعارفين

[loai-omar]

ناقص بقا تجيبلنا الزينون :)

[CryptonX]

ناقص بقا تجيبلنا الزينون :)

lol :)

اما احنا ناس استغلالية بصحيح :)

[pinkfloyd]

اهلا بيكو
انا ركبت الزيننون بنفسى فى عربيتى سهل جدا ومش محتاج اى مجهود فى التركيب

[hazem_khidr]

الف شكر يا هندسه علي الصور و الشرح :)

[أبومعاذ]

الله ينور يا باش مهندس - موضوع جميل جدا

[sherif_84]

لكن ياجماعة هو مش المفروض ان الكشافات تبقى عدسات عند تركيب الزينون عشان مايعميش الناس اللى فى الطريق .... مش كده ولا ايه
الصور ظاهرة انه مركب الزينون من غير عدسات مركبها على الكشاف عالطول

[taswos]

شرح جميل واهو على قولك لو مش هنركبه نبقى فاهمين الفنى لما بيركب يبقى بيعمل ايه

[TAG_Turbo0]

تسلم ايدك يا هندسه

[mohamed ibiza]

thnx alot




















IBIIIIIIIIIIIIIIIIIIIIIIIIIIIIIIIIIIIIIIIIIZZZZZZZ ZZZZZZZZZZZZZAAAAAAAAAAAAAAAAAAAAA FOR EVER