افيدوني في تعديل البولونيز

[mohammedrady]

نفشي في تعديل جامد للعربيه المظلومه دي بدايه من تسقيط الموتور \ تركيب تكيف \ باور \ عفشه \ طابلوه حتى الفايبر و الجنوط الميزانيه لحد 8000 جنيه
ياللا يا شباب عاوزين نشوف الافكار

[eng.octooo]

انا مش هاقدر افيدك اوى بس الشكل الخارجى حاول تخلية بسيط على قد ما تقدر ويكون شكلة كلاسيك والصالون الداخلى روح لسروجى محترم غير السقف والقوائم والكراسى والتابلوة بجلد لون خفيف يتناسب مع اللون الخارجى

[hamedo0]

ماتور 132 2000 سي سي سقت شويه مش تعمل اى حاجه في صاج بره خلي العربيه من بره زاى ماهي وتفرج

[magyver]

ياريت تتقبل راي
البولونيز مش بتليق عليها حاااجة

[tamer_a7]

فعلا الراي بتاع ماتور ال132 ال2000 سي سي ويكون بالتكييف والبور بتاعه

[keko]

فعلا موتور 132 2000 سءسى 2 كامة جامد والتكييف فاشل بلاش منه الجنوط فكك من العريض م خلافه هات جنوط سبور 13 عادى بس راعى انها تكون نفس وزن الجنط القديم وبالنسبة للشكل فيه موضوع جامد ومنقول للامانة :

الرحمن الرحيم

ptmnlo123per122

بعد ملاحظتي لسؤال بعض الأعضاء عن هذه السيارة حبيت أعمل تنقرير مجمع عنها

ملحوظة الموضوع مجمع وليس من مجهودي الشخصي حتى لا نظلم أحدا حقه لاكن لي بعض الإضافات

البولونيز سيارة تم انتاجها من سنة 1978 و استمرت لحد سنة 2002 فى بولندا,
و تعتمد على قاعدة فيات 125.
كان ليها 3 محركات فى بولندا 1300 و 1600 و 1500 و 2000 سى سى كلها معتمدة على محركات الفيات 125, لكن اللى جالنا هنا محرك ال1500 فقط, و كان بيتم تصنيعه فى مصر كأول محرك بنزين يصنع فى مصر.
شهدت البولونيز تطويرات طفيفة على الشكل لكن لم تتطور كثيرا على صعيد المحركات أو التصميم.
تتمتع البولنيز بمتانة استثنائية فى فئتها, فمتانتها عجيبة و أدائها فى الحوادث أكثر من رائع حتى ان بعض سائقيها يقومون بصدم سيارات الأخرين كنوع من التسلية!!
السيارة أيضا تتمتع بمستوى أمان مدهش رغم أنها لا تحتوى على اى عناصر الأمان الحديثة, فقد تم ادخالها اختبار الأمان الأوروبى فى عام 1994 بهدف تصديرها الى الخارج, و كانت المفاجأة ان السيارة التى يرجع تصميمها الى الستينات استطاعت أن تنجح فى هذا الاختبار و تحقق نتائج جيدة جدا, فلم تحدث أى انبعاجات خطيرة فى المق:ansmile23: و لم تصب دمى الاختبار سوى باصابات طفيفة.
سوف تندهش بعد ذلك لو عرفت أن البولونيز ليست ثقيلة الوزن للدرجة, صحيح أن شكلها يوحى بذلك الا ان وزنها 1075 كغ أى أقل من وزن الفيرنا بقليل, و محركها 1500 يولد 72 حصان و هى قوة معقولة على هذا الوزن, و كان لى مع البولونيز تجربة قيادة قصيرة للغاية (لفيت بيها شارع لا أكثر) لكن وجدت المحرك ناعم و متجاوب للغاية.
سعرها فى مصر يتراوح بين 16-20 الف فى المتوسط, بسبب عدم الاقبال عليها لأن المصريون لا يحبون شكلها.
بنسبة للماتور لغاية 1990 1500 سىسى 1991 - 1992 فما قوق ماتور 1600 سىسى
الفتيس لغاية موديل 1986 تقريباً 5 غيار من 1987 فيما فوق 6 غيار
الشكل الخارجى
لغاية 1988 الشنب فى السيارة فيبر
من 1989 فيما فوق الشنب معدن مدمج مع جسم السيارة
من 1991 فيما فوق الفوانيس الخلفية للسيارة شبيهة بالجولف
قبل ذلك شبيهة ب الفيات 131
السيارة بها مجموع كماليات معقولة مثل
تعديل وضعية الدركسيون
قفل أمان للأطفال فى البابين الخلفيين فى موديلات 89 فيما فوق
عداد rpm
إتزان على الأرض غير عادى بالنسبة لسيارة قديمة


عيبها الازلى هو الحراره ارتفاع درجه الحراره فى فصل الصيف بيتعالج ب تغيير الرداتير لنحاس 4 أو 6 خرم او ماسورة ومروحتين ومية خضراء ريداتير الماني 3 ماسورة يستحسن ان تضبط مقاساته علي وش العربية كله + ضبط تاكيهات

يمكن تسقيط موتور 131 أو 132 على ما أعتقد

والأن الركن الأهم في التقرير

طبعا كلنا نعرف الشكل المعتاد للبولونيز

ومن الخلف

التابلوة الداخلى

نأتى للتعديلات

اولا احب ان اقول انها لن تغير بنسبة 100 % من شكل السيارة ولاكن ستغير الشكل المعتاد هنا فى مصر

كل شىء سوف اوضحة بالصور يمكن شراؤة من عزبة شلبى وكلة بالفصال

اولا الواجهة الامامية

تشترى كاربع امامى بالرفارف وغطاء الكابوت فى حدود من 400 الى 600 جنية وايضا الشبكة بالفوانيس فى حدود 250 جنية لتصبح هكذا

او هكذا

----------------------------------------------------------------------------------------------------------------------
الواجهة الخلفية
ايضا فى عزبة شلبى وتباع فى حدود 500 جنية وانت وشطارتك فى الفصال
وتصبح هكذا

ملحوظة
يجب تغيير غطاء الشنطة ويستبدل ب 150 جنية لو كان سليم
---------------------------------------------------------------------------------------------------------------------------------------------

التابلوة الداخلى

يباع فى عزبة شلبى بإسم تابلوة بولونيز تسعينات ويحتاج الى طقم فيش تأخذها هدية وسعرة 350 جنية
وهذة بعض الصور لة

نأتي الأن إلي الكاتالوج

بالغة البولندية (بلد منشأ السيارة) والمهم في هذا الكاتالوج أنه يتكون من 449 صفحة تشرح جميع الأجزاء الميكانيكية بالتفصيل (الموتور, الفرامل , الكربيراتير , الإستيرنج , ألخ ...) وأيضا به المخطط الكهربي للسيارة بالتفصيل.

وهذا الكاتالوج به جميع الموديلات البولونيز من سنة 1975 إلى سنة 1994

ومن الممكن عندما تريد أن تقرأ نص معين من الكاتالوج أن تأخذ النص من الكاتالوج (copy) وتضعه في google translate وتختار التحويل من اللغة البولندية إلى الإنجليزية أو العربية (يفضل الإنجليزية لأنها تكون أدق)

وهذا هو رابط تحميل الكاتالوج (pdf)

http://www.4shared.com/file/143899030/c15a5c61/fso_polonez.html

بعض الصور النادرة للسيارة

ختما أتمني أني أكون أفدت ملاك البولونيز بصفة خاصة و رواد المنتدى بصفة عامة

وأنا تحت أمركم

تحياتي

@واحد من الناس@

:waving::waving::waving:

[engahmedsamy]

فعلا موتور 132 2000 سءسى 2 كامة جامد والتكييف فاشل بلاش منه الجنوط فكك من العريض م خلافه هات جنوط سبور 13 عادى بس راعى انها تكون نفس وزن الجنط القديم وبالنسبة للشكل فيه موضوع جامد ومنقول للامانة :

طيب ماكش في الشاهييين ؟؟؟؟؟؟؟؟؟؟؟؟؟؟؟؟؟؟

[ahmedzizo131]

بصراحة تقرير 10/10