مشكلة في الزينون !!

[onix]

السلام عليكم ورحمة الله وبركاته
ياجماعة انا عندي مشكلة في الزينون انا لسه مركبه مكملش شهر اسبوعين تقريبا وعندي لمبة شغالة والتانية بتعلق مرة تشتغل ومرة لا روحت للكهربائي قلي العيب في المحول معرفشي انا سعات بطفيه واولعه كام مرة سعات بيشتغل ياترى المشكلة فين بالضبط
مع العلم اني مركب كتاوت وكان شغال تمام قوووي ونوره كويس اول ماركبته ياريت ياجماعة اللي عنده خبرة في الموضوع ده يفيدني ولكم مني جزيل الشكر والتقدير

[احمد المصرى]

لو شريه بالضمان روح يشفولك العيب من ايه بس انت جايبه منين وبكام وصناعه ايه

[madaxman]

عندي واحد صاحبي بيعمل معاه كدا بس هوا مركبه من سنه مش شهر ع عموم روح لل انتا اشتريته منه حتي لو مكنش معاه ضمان اكيد العيب ف محول زي ما قالك الكهربائي بس لازم تتأكد انك مثبت اللمبه كويس يعني مش بتتهز

[magyver]

يعين لما تيجي ترعش ساعات تنور وساعات متنورش ؟
لو كدة حط اللمبة السليمة مكان اللي انت بتقول عليها بايظة
وانت هاتعرف اذا كان العيب من اللمبة او الجهاااز
ولو فية اي حااجة انا معاااااااااك ................

[fahmy]

الكلام دة عندى وطلع المحول ولسة هغيرة
وبفكر اجيب جهاز كامل عالى زينون واطى اصفر انا عندى h4 محدش يعرف تمنة كاااااااام

[onix]

لو شريه بالضمان روح يشفولك العيب من ايه بس انت جايبه منين وبكام وصناعه ايه

لا والله انا جايبة من غير ضمان بس انا اصلا عندي محل قطع غيار وواحد صاحبي جايبهولي من المنصورة كان في الصين وجايبة من هناك هوة اسمه vip hid بس نوره جامد انا حاسس انه اتحسد والله كل اللي يشوفه يقولي ايه يابني النهار اللي انت عايش فيه ده :(

[onix]

عندي واحد صاحبي بيعمل معاه كدا بس هوا مركبه من سنه مش شهر:o_stupid[1]: ع عموم روح لل انتا اشتريته منه حتي لو مكنش معاه ضمان اكيد العيب ف محول زي ما قالك الكهربائي بس لازم تتأكد انك مثبت اللمبه كويس يعني مش بتتهز

هوة فعلا طلع محول عشان انا غيرت مكان اللمبة على المحول التاني ولقيتها شغالة زي الفل بس ياترى ايه اللي ممكن يحرقه كدة بسرعة ويعمل فيه كدة ده مكملشي حاجة عموما هوة الراجل صاحبي وحبيبي وقلي هغيرهولك

[onix]

يعين لما تيجي ترعش ساعات تنور وساعات متنورش ؟
لو كدة حط اللمبة السليمة مكان اللي انت بتقول عليها بايظة
وانت هاتعرف اذا كان العيب من اللمبة او الجهاااز
ولو فية اي حااجة انا معاااااااااك ................

انا عملت كدة ياباشا واتأكدت انه من المحول :(

[onix]

الكلام دة عندى وطلع المحول ولسة هغيرة
وبفكر اجيب جهاز كامل عالى زينون واطى اصفر انا عندى h4 محدش يعرف تمنة كاااااااام

فعلا هوة طلع المحول والف شكر ليكوا على الاهتمام

[evram]

ياريت لو سمحت سعرو لو ممكن عشان انا عايز اركبلعربيتي عربتي اتش 7 لمبة عالي و لمبة واطي يعني طقمين ياريت السعر بعد ازنك

[magyver]

الاتش فور ب300 جنية وضمان 6 شهور

[onix]

ياجماعة انا غيرت المحول ونفس المشكلة حصلت والمحول باظ تاني بعد ماغيرته ومعرفشي روحت للكهربائي اللي مركبه عنده وقلي انه مخزن كهربا يعني ايه مخزن كهربا انا مش فاهم وياترى بيخزن كهربا ليه ؟؟ علما ان الجهاز اللي في الفانوس اليمين شغال تمام من ساعة ماجبته ومحصلش فيها مشاكل ممكن يكون ده عيب في التوصيلات ولا ايه وقلي كمان هات محول 55 وات واللي عندي 35 وات ايه الفرق بينهم ؟ياريت من الخبراء في مجال كهربة السيارات يفيدوني وليكم الشكر والتقدير