مساعدة فى عمل الفانوس smoke !!!

[SHATAvip]

النهاردة و انا بلف فى المنتدى لقيت موضوع الرينجات و الفانوس ال smoke عجبنى جداااا و قلت هجربو فى العربة
بس فى مشكلة دلوقتى لما اعمل الكشاف smoke الجزء اللى برشه اسود مط هو ال cover اللى حوالين العواكس بتاعت اللمبات مش كدا ؟؟ انما العواكس مرشهاش عشان النور ميموتش خالص
طيب انا عندى الكشاف مش كدا خالص
ده شكله

__________________________________________________ _________________________________


دلوقتى اللمبة بتركب ورا القطعة اللى فى النص دى و بتعكس من جوا النور على كل الجزء الsilver الموجود ده طب كدا بقى اعمل ايه انا smoke ؟؟؟ مش لو رشيت الجزء السيلفر ده كدا انا مش هخليه يعكس النور و الاضائة هتبوظ؟؟

[ahmedzizo131]

متابع باهتمام

[SHATAvip]

وفى كمان حاجة مينفعش اشيل القطعة اللى موجودة فى نص الفانوس دى ويبقى زييه زى اى فانوس عادى تانى؟
يعنى انا مثلا لما بصيت عليه من ورا لقيته متثبت ب 3 مسامير كدا فكرونى بالقاعدة اللى بتركب عليها العدسات مش ممكن اشيل الجزء ده اساسا و تبقى اللمبة مكشوفة كدا على طول و مثلا فى مكان الجزء اللى اتشال ده اركب عدسة مثلا قدام اللمبة ؟؟
__________________________________________________ __________________________________________________ _______

[Memo_Lancer]

العاكس طبعا ينفع يتشال عادي
بس فكره العدس مش بتتظبط خالص
و انت شايف في جزء في اليمن و الشمال بره العاكس عندك
هو ده بس اللي هيترش
و اوعي تجي نحيه العكس علشان الاضاءه

[shiko85]

لو هتركب عدسات يبقى ترش العاكس الداخلى كله, لكن لو مفيش عدسات يبقى مش هينفع ترش العاكس
العدسات محتاجه ظبط علشان تدى نتيجه, فا لو بتفكر تشترى عدسات يبقى الأفضل تجيب فانوس متعدل جاهز بالعدسات
و بخصوص الرنجات هيبقى تثبيتها صعب شويه علشان شكل الفانوس

[SHATAvip]

العاكس طبعا ينفع يتشال عادي
بس فكره العدس مش بتتظبط خالص
و انت شايف في جزء في اليمن و الشمال بره العاكس عندك
هو ده بس اللي هيترش
و اوعي تجي نحيه العكس علشان الاضاءه

مممممم... بس للأسف الجزئين اللى فى اليمين و الشمال صغيرين و معتقدش هيبانوا او هيدوا منظر !! الظاهر كدا هطنش الصنى ال 2000 دى وهعدل فى التانية 2006 الفانوس بتاعها هيبان فيه جدا التعديل
بس هو مفيش اى امل خالص ان العدسة تتظبط؟

[SHATAvip]

لو هتركب عدسات يبقى ترش العاكس الداخلى كله, لكن لو مفيش عدسات يبقى مش هينفع ترش العاكس
العدسات محتاجه ظبط علشان تدى نتيجه, فا لو بتفكر تشترى عدسات يبقى الأفضل تجيب فانوس متعدل جاهز بالعدسات
و بخصوص الرنجات هيبقى تثبيتها صعب شويه علشان شكل الفانوس

مممممممم طب مين هنا فى المحروسة ممكن الاقى عندو فانوس صنى 2000 متعدل ؟؟؟ اصل الموديل بقالوا 10 سنين !! طب هو مفيش حد شاطر خالص يعرف يظبط العدسات كويس؟ وبالنسبة للرنجات مش صعب ولا حاجة اصل هى حرارتها مش بتعلى اوى ف اى لحام او لزق قوى هيثبتها فى مكانها كويس

[shiko85]

مممممممم طب مين هنا فى المحروسة ممكن الاقى عندو فانوس صنى 2000 متعدل ؟؟؟ اصل الموديل بقالوا 10 سنين !! طب هو مفيش حد شاطر خالص يعرف يظبط العدسات كويس؟ وبالنسبة للرنجات مش صعب ولا حاجة اصل هى حرارتها مش بتعلى اوى ف اى لحام او لزق قوى هيثبتها فى مكانها كويس

بص انا مش عارف عند مين بالظبط, بس ممكن تلاقى فشارع دمشق (قسم كــماليــات السيـــارات و الإكسسوارات ) اكيد يقدروا يفيدوك اكتر منى
ظبط العدسه كتركيب ممكن و سهل بس ظبط النور هيكون غلس شويه
مشكله الرنجات مش فالحراره المشكله فشكل الفانوس, كان فى موضوعات عن الرنجات و تصنعها و هتلاقى فيها مشاكل التثبيت يعنى الرنج لو انت هتعمله يبقى مش هيكون واخد شكل الدائره هيبقى ناقص جزئ من تحت علشان الوصلات و الأسلاك ودا ممكن يخلى شكل الرنج فالفانوس وحش (علشان الفانوس مستطيل) و هيبقى اصعب فالتثبيت لكن لو هتشتريه يبقى رنج كامل و توصل وتثبت و تتأكد ان الرنج ثابت علشان مش كل مره تفك الفانوس

[M.Nasr]

هل فى حد عنده فكرة عن العدسات موجودة عند مين واسعارها ايه ؟ وهل فيه منها انواع؟

[shiko85]

هل فى حد عنده فكرة عن العدسات موجودة عند مين واسعارها ايه ؟ وهل فيه منها انواع؟

ممكن تشترى عدسات اوكتافيا a4 من الحرفيين الـ 2 بـ 100 جنيه
و ممكن جديد من شارع دمشق تقريبا بــ 700 او 800 مش فاكر بكام بالظبط و فى انواع تانيه بــ 350 جنيه
يعنى من 350 الى 800 جنيه

[magyver]

بالنسبة للفانوس رش القاعدة والجزء اللي علي اليمين والشماال
وبالنسبة للرينجات فية رينجاات بتكون جااية بقاعدة
وبالنسبة للعدسة عند اي حد بتاع تعديل فوانيس يركبهم
انا مش عارف حد في القاهرة غير الفنجري
كان فية اعضاء اتكلموا علية
انما اعرف الناس اللي عندنا
واي حااجة انا معااك ............

[Memo_Lancer]

ماجفير
بس انا اعرف انها مش ببتظبط العدسه اضائتها بتبقي بايظه ؟
ولا ايه رايك انت؟

[Memo_Lancer]

بتعمال كام
و لو عاز اعملها في الواطي
بتتكلف كام ؟
و في رجلاش و دي اهم حاجه ؟
انا عندي فانوس الانسر الكريستاله االلي هو حته واحده ده عارفه ؟

[magyver]

والله بالنسبة للعدسة ياضوحا
كجربتهاش تجربة شخصية
بس اكيد ليها ظبطة

[SHATAvip]

اولا متشكر جدا لكل الناس اللى ردت
طيب ايه الفرق بين العدسات من 350 ل 800 ؟؟؟؟ وايه نظام عدسات الاوكتافيا دى ؟؟
استاذ magyver فين مكان الفنجرى ده ؟
وبالنسبة لموضوع ظبط العدسات هى العملية حساسة اوى كدا ... اصل انا كنت متخيل انها هتبقى عادى يعنى زى ظبط النور مثلا هيوقفها قدام حيطة و يقعد يلعب فى العدسة لغاية ما تتظبط ولا ايه ؟
معلش يا جماعة اسئلتى كتير و تاعبكم معايا