مشكلتي مع الولف

[ramyraby]

صباح الفل يا بشوات

سؤال بس بسيط لو سمحتم انا ركبت انذار ولف والحمد لله اشتغل حلو وبعد يومين وجدت مشكلة بسيطة وهي اني لما كنت ادوس على دواسة الفرامل يقفل السنتر بتاع العربية دلوقتي مبقاش يعمل كده عايز اعرف العيب ده من العربية ولا من الجهاز ولو حصل الموضوع ده مع حد يقولي اتصرف ازاي وسلامتكم كمان في حاجة يا بشوات انا سعات اشوف عربية بتعمل صوت زي بتاع الانذار بس متقطع وهى بترعج مرشدير هل هذه الخاصية متوفرة في الولف ولا ده انذار تاني ؟؟؟؟؟؟؟؟؟؟؟؟؟؟؟؟ الف شكر

[adel1212]

سيدى الفاضل
راجع كاتالوج جهاز الانذار
حتلاقى فيه طريقة تشغيل جميع الخواص
الموضوع سهل جدا
تحياتى

[ramyraby]

يا باشا بقولك كان شغال كويس مش لسة ناوي اركبة

[adel1212]

يا باشا بقولك كان شغال كويس مش لسة ناوي اركبة

من غير ما تزعل يا قمر
انا مركبة عندى
وحصلت معايا قبل كده روحت للى ركبهولى
داس على الزراير اللى فى الريموت بطريقة معينة
ولما سألتة قال برمجة
وراجعت الكاتالوج لاقيت فيه شوية حاجات جميلة اشغل ده واجرب دى
الكاتالوج شرح بالتفصيل
تحياتى

[Mohammmed]

ياباشا انك تتدوس على الفرامل السنتر يقفل دا اوبشن فى الجهاز يعنى مش بايظ ولا حاجة
ولو مش حابب الاوبشن دا روح حضرتك للكهربائى هيضبطه على طوووول

[ramyraby]

من غير ما تزعل يا قمر

انا مركبة عندى
وحصلت معايا قبل كده روحت للى ركبهولى
داس على الزراير اللى فى الريموت بطريقة معينة
ولما سألتة قال برمجة
وراجعت الكاتالوج لاقيت فيه شوية حاجات جميلة اشغل ده واجرب دى
الكاتالوج شرح بالتفصيل
تحياتى

لا ياباشا ازعل اية انتم ناس محترم جداا ومش ممكن حد يزعل هنا

بقول لسيادتك لو عندك صورة من الكتالوج ده ممكن ترفعها

[ramyraby]

ياباشا انك تتدوس على الفرامل السنتر يقفل دا اوبشن فى الجهاز يعنى مش بايظ ولا حاجة
ولو مش حابب الاوبشن دا روح حضرتك للكهربائى هيضبطه على طوووول

شكرا يا ريس وربنا كريم

[adel1212]

لا ياباشا ازعل اية انتم ناس محترم جداا ومش ممكن حد يزعل هنا

بقول لسيادتك لو عندك صورة من الكتالوج ده ممكن ترفعها

مساء الخير
انا ممكن اديلك الكاتالوج كله
انا ساكن فى الهرم وشغلى فى المهندسين
شوف ظروفك اية وقولى
انا اسف على التاخير مخدش بالى الا دلوقتى حالا
تحياتى

[misoalex]

باشا بص الموضوع صغير

هى حاجه من 2 لو مشكله فى الضبط بتاع الجهاز اعمله ريست يعنى استعاده ضبط مصنه ودى بتبقى بالضغط على زراير مع بعض فى الريموت معينه
او فيه فى الجهاز او طالع منه زرار ريست (راجع الكتالوج )

المشكله التانيه الاوبشن ده بيشتغل عن طريق سلك طالع من الانزار بيتوصل على مكنه الاضائه بتاعه لمبه الفرامل وهنا المشكله اما السلك ده فيه حاجه او لمبه الفرامل عندك فيها مشكله او الماكنه بتاعتها بالاصح

المهم الحوار الاول ممكن انت تعمله بأيدك لكن الحوار التانى ده ترجع فيه للى ركبلك الانزار وهو حيظبطه فى دقائق
الا لو المكنه بتاعه الفرامل بايظه حتغيرها