استفسار عن الزينون

[أبو صلاح]

يا جماعة انا بسافر كل اسبوع على الطريق الصحرواي
والرؤية بالليل بتبقى وحشة جدا
جبت لمبات فليبس ب 100 ج ولا نتيجة لسببين :
1- الفانوس مطوس جامد وحاولت افتحه لقيته متلزق بسليكون جامد قلت امري لله وهحطهم في الفرن
2- حاسس ان اللمبات ضعيفة شوية

المهم قررت اني اجيب زينون تنصحوني بايه :
1- عالى وواطي
2- علي بس

ولي استفسار :
لما اجي اركب الزينون هل بيتم التعديل في الفانوس ؟
ازاي لما اركب عالي بس هيتحط فين لمبة الواطي ؟
ايه اسعار اللمبات ال 4300 وال 6000
واجيبهم منين ؟ وفي اي مستلزمات تاني بشتريها او بعدل اي حاجة في كهرباء العربية ؟

[Moustafa_Kamel]

خلى بالك قبل ما تركب ان دى تعتبر مخالفه
لان العربيه اللى بينزل فيها زينون من المصنع بتتكتب فى الرخصه ولا ايه

[magyver]

بص يابو صلاح
جيب الواطي اصفر والعالي زينون
واللمبتين بيكونوا لازقين في بعض يعني بيركبوا في مكان واااحد
بالنسبة لدرجات انا شايف ان ال 8000 جمييل جدااا
وجربت ال 6000 ومش عاجبني خاالص ومش عاجب ناس كتير مش جلو علي الطريق
وبالنسبة لل 4300 انا قلبت علية المنصورة ملقتوش
فاللي يلاقية يقلي علشان اجيب لمبتين
لا مش هاتعدل حااجة ممكن تركب كتاوت بس

[yuyu0000yuyu]

هات ال 4300 ودى اجمل درجه وموه فى المنصوره عند واحد اسمه ولا بلاش لا الاداره تقول اعلان

[yuyu0000yuyu]

بص يابو صلاح
جيب الواطي اصفر والعالي زينون
واللمبتين بيكونوا لازقين في بعض يعني بيركبوا في مكان واااحد
بالنسبة لدرجات انا شايف ان ال 8000 جمييل جدااا
وجربت ال 6000 ومش عاجبني خاالص ومش عاجب ناس كتير مش جلو علي الطريق
وبالنسبة لل 4300 انا قلبت علية المنصورة ملقتوش
فاللي يلاقية يقلي علشان اجيب لمبتين
لا مش هاتعدل حااجة ممكن تركب كتاوت بس

ليه كده يا محمد ده ال 6000 كامد واوضح من ال 8000 وال 4300 دا اشد واحد فى الاضائه وكمان بيعدى على كتير من الظباط وموجود هنا فى المنصوره ولو عوزه كلمنى وانا اوصلك للراجل بنفسي

[freeman207]

ليه كده يا محمد ده ال 6000 كامد واوضح من ال 8000 وال 4300 دا اشد واحد فى الاضائه وكمان بيعدى على كتير من الظباط وموجود هنا فى المنصوره ولو عوزه كلمنى وانا اوصلك للراجل بنفسي

مع احترامى الشديد لحضرتك الزينون 6000 و 4300 عند مين فى المنصورة وبكام ضرورى

[fahmy]

نصيحة بلاش ياجماعة تجيبو اللمبة الh4 الواطى اصفر والعالى زينون نورها قوى جدا بس مش هتفرش الاحسن انك تجيب الواطى والعالى زينون

[أبو صلاح]

يا جماعة انا عمال اسمع اسعار غريبة
مابين 550 و 600 ج

هي دي الاسعار الصحيحة ولا في اقل من كده ؟

[A7MED_PHARMA]

يا جماعة انا عمال اسمع اسعار غريبة
مابين 550 و 600 ج

هي دي الاسعار الصحيحة ولا في اقل من كده ؟

ده مين الــتييييييتتتتتتت إلي قالك على الأسعار دي

الكلام ده كااااااااان زماااااااااااااااااااااان

معتش فيه الكلام ده
الكلام دلوقتي على الحدود مابين 250 - 400

[Haitham10]

طب ايه الانواع النضيفه ومبتحتجش تقعد فترة علشان تسخن لاني محتار ومش عاوز اشتري تاني الاقيه بيطول في التسخين وبيبرد بسرعه

والاسعار دي عند مين يا دكتور احمد بس تكونة حاجة نضيفه ومضمونة

[haysam2000]

اولا الف مبروك مقدما
ثانيا مفيش حاجه اسمها ننصحك بعالى بس ولا عالى و واطى لآن انت مربوط ب لمبات عربيتك ايه (h1, h3, h4 , h7)
و على حسب كده هتحدد و 4300 حاول فيه لآنه الوحيد اللى الظباط مش بتركز فيه لكن من اول 6000 بيبداو يلاحظو علشان بيبداء ياخد درجه الزرقان و الأسعار فى المعقول نوع SPY عالى بس او واطى بس ب 400 بضمان سته شهور و العالى و واطى ب 600
هو يمكن اغلى من الأنواع التنايه بس بضمان و على الأقل ماركه الواحد سمع عنها قبل كده

[magyver]

طيب اللمبتين عاملين كاام يامايكل
وعند مين
واظن ان الادارة مش هاتعتبرة اعلان