كوريك سياره

[abokoko]

عندى الكوريك المرفق مع ال لادا وهو غريب وغير عملى
وارغب فى شراء كوريك واللى اعرفه فيه كوريك التمساح هو المشهور
وفى منه 1 و 2 و 3 طن
والمتوفر الصينى وبينزل احيانا كورى وان الصينى انواع فى الكويس وفى الوحش


ممكن اعرف الانواع والاسعار واجيب طن ولا 2 طن لسيارتى ال لادا ؟؟؟؟؟؟؟

شكرا

[heshamzaky]

بص حضرتك انا ما شفتش كوريك اكتر من 2 طن دة للاستعمال العادى فى السيارة يعنى مش حا يستعمل فى محل اكيد للعربية و كلة تقريبا صينى روح التوفيقية فية نوعان من التمساحة واحد اطول فى الرفع من الاخر و الثنين 2 طن ب 100 و ب 140 تقريبا الكبير هو زى الى فى الصورة داخل شنطة فيبر الموجود لونين احمر و زيتى كدة

[abokoko]

شكرا للرد
بس دى الاسعار فى المحلات ولا اللى فارشين على الارض

[heshamzaky]

شكرا للرد
بس دى الاسعار فى المحلات ولا اللى فارشين على الارض

المحلات و برضو بيبقو فارشين على الارض امام المحلو فاصل و انت و شطارتك معاهم اسال فى كذا محل لمعرفة الاسعار الاول ثم احسن سعر اشترى من عندة

[abokoko]

فى سبينس الغردقه
كان فى نوعين وهما الاتنين واحد طن بس
الاول ب 100 صينى
الثانى ب 129 تقريبا صينى ومكتوب كلمة اولاد فاروق

[heshamzaky]

الى بشوفهم مكتوب علية 2 طن مش عارف افيدك فى دى