حد جرب الزينون الفيليبس ؟؟

[Haitham10]

السلام عليكم

حد فيكم جرب الزينون الفيليبس الموجود في السوق ؟

لو له عيوب ياريت تقولولي لاني بفكر اشتريه عالي وواطي 55 وات .. درجة اللون 6000 او 4300

[احمد المصرى]

السلام عليكم

حد فيكم جرب الزينون الفيليبس الموجود في السوق ؟

لو له عيوب ياريت تقولولي لاني بفكر اشتريه عالي وواطي 55 وات .. درجة اللون 6000 او 4300

هو بكام يا باشا

[Haitham10]

واحد صاحبي قالي هيبقي فحدود 700 جنيه تقريبا وال35 ب550 و تكة واحدة عالي او واطي ب450 ودي انا شفتها كان جايبها لواحد بس مشفتهاش راكبة هو عموما بيجيب اقل اسعار دايما يعني هتلاقيه تمنه فحدود900 1000 بره

بما ان كله صيني فصيني ففيلبس ارحم علي الاقل مش كل علبة وشكل ولون ومستورد وكلهم اسمهمhid وفي بزغلله ومن غير وحاجات عجيبه ربنا يبعدنا عنها فقلت اسأل لو حد مجرب فيليبس

هل اضاءتها كويسة ومتجمعة وهل بتحتاج تسخن وقت طويل ولا ايه ياريت ارائكم

[beetleMOSH]

بص يا باشا انا مركب عندى الزينون الفيليبس 6000 K
مماشاء الله زى الفل و كل حاجه تمام و داخل فى سنه اهو
بس اعتقد ان السعر اللى بتقول عليه ده قليل اوى بالنسبه لاسعار هنا يعنى
لان انا كنت بشوفه بدايه من 1200 الى 1800 جنيه
و لما سالت على اللمبات بس ال 4300
عالى و واطى فى التوكيل كانوا ب 800 850
ده لمبات بس
مش عارف بصراحه انا كنت جايبه من دبى و كان عامل بالمصرى حوالى 640 جنيه و كل حاجه مكتوب عليها made in germany
بس الراجل برضه قاللى تقفيل صينى ( او مقليش انا شخصيا يعنى قال لقريبى لان هو اللى كان مسافر )

بس بصراحه زينون ما شاء الله عليه
و تجميع النور على الطريق ده
رجلشه فوانيس
و بالعكس مش بيحاتج وقت كويل ولا حاجه
فى خلا 5 ثوانى بتكون اللمبه سخنت و تدى الاداء المطلوب
و تقبل مرورى

[Haitham10]

انا متشكر اوي لردك

طيب انا محتار بين درجته ال6000 و 4300
انت ايه رأيك ؟؟ والي عندك 55 وات ولا 35

[Abdelrahman.H]

أنا مركب عندي Philips H4 عالي وواطي 6000k و 35 وات كنت شاريه من هاشم باص من معرض فورميولا الأهرام كانو منزلين عليه عرض ب999 بدلا من 1600 .

ده صناعته ألماني وعليه ضمان سنة شامل الجهاز واللمبات وضمان حقيقي مش أي كلام لأن في لمبة عندي بعد ماركبته لقيتها بتعلق و .. فكيتها ووديتها التوكيل و غيروهالي ببلاش
ميزته إنه مش بيعمي اللي جاي قدامي علشان اللمبات متحوطة بطربوش معدن بيمنع تشتيت الضوء وبيسمح للضوء إنه يتجمع على الأرض فقط .....

شغال معايا بقاله 6 شهور بدون أي مشاكل في دراع النور أو ضفيرة الكهرباء لأنه موجود معاه الكتاوت بتاعته.......


ودي صوره

[beetleMOSH]

بص يا بوب ال 6000 شكله حلو على العربيه و اضاءه حلوه
ال 4300 على حسب اللى فهمتوا هنا من المنتددى انوا اقوى اضاءة
لانه ابيض مصفر غالبا او العكس
الفكره ان كل ما الكيلفين على الرقم يعنى النور بيزرق
و اللى بيسبب الزرقان ده ان اللمبه بيبقى فيها فلتر عشان النور يزرق ( ده اللى انا فاهمه من المنتدى )
بس عمتا فى رايى يعنى هو فعلا ال 6000 و ال 4300 احسن اداء
بس انا بحب ال6000 اكتر بصراحه عشان بحب درجه اللون دى

[ashouhdy]

حبيبى كلة صيييييييييييييييييييييييييييييينى اوعى ينضحك عليك و ابو 600 هو هو ابو 400 انا بقالى 4سنييين عايش مع الزينون من ايام ما كان الصينى ب2300جنية ومفيش حاجة اسمها 55وات ال55وات دول بتوع الجهاز لكن اللمبة أخرها لما الجهاز يتنططط كدة 35وات

[magyver]

انا جوز اختي مركبة عالي وواطي زينون المااني مش صيني
من الاماارات مايعادل 600 جنية مصري

[Haitham10]

منا عارف انه صيني حتي لو معاه شهادة الماني من الاخ هتلر الاكبر بس اهو علي الاقل فيليبس لان دلوقت السوق بقي زي البطيخ في الحكاية دي
وموضوع ال55 وات دة انا هتاكد الاول ان كانت لمباته 55 زي الجهاز ولا لا لو مكنش هجيب 35 عادي
بس الفرق كبير صدقني

شكرا علي الردود ياجماعة

[ashouhdy]

منا عارف انه صيني حتي لو معاه شهادة الماني من الاخ هتلر الاكبر بس اهو علي الاقل فيليبس لان دلوقت السوق بقي زي البطيخ في الحكاية دي
وموضوع ال55 وات دة انا هتاكد الاول ان كانت لمباته 55 زي الجهاز ولا لا لو مكنش هجيب 35 عادي
بس الفرق كبير صدقني

شكرا علي الردود ياجماعة

قلت ذيك كدة من كاااام سنة ودفعت بالزيادة فى الاخر اكتشفت ان كلة وااحد ياريت نصدق

[Haitham10]

مش كله واحد انا اخر مرة اشتريت طقم من كام شهر كان زبالة رحت اغيره لاقيت زي صندوق الحاوي اشي فيه ذبذبه والي معرفش اضاءته مشتته والي معرفش ايه اخدت كبشه موديلاات والكهربائي عالعربيه ونظام زي عالسكين يا بطيخ !!
لحد ماثبت علي واحد ودفعت فرق عن اللي معايا وطبعا كل دة حصل بعد ما شوية حرق دم وزعيق والخ ومش عاوز الموقف دة يتكرر تاني
ممكن تجيب زينون ب250 300 جنيه وممكن تجيب حاجه ب400 وصدقني مفيش مقارنة بينهم والاتنين hid وصيني

[Mshawky]

كله واحد فعلا الا بقا لو فيليلبس المانى فعلا ده مووضع تانى

لكن بدل كله خارج من الصين يبقا شكرا

[احمد فهمى]

من عند مين ده مين توكيلو وهو الى بيركب؟؟

[Raul_7]

من عند مين ده مين توكيلو وهو الى بيركب؟؟

+1111