لاقيت فامية عازل الحراري في الامارات

[Haitham10]

السلام عليكم

انا كنت بدور بالصدفه لاقيت الفاميه ده بيتباع وبسعر عادي
‫ظ„ظ‚ط·ط© - ظ…ط®ظپظٹ ظ„ظ„ط³ظٹط§ط±ط© - ط§ظ„ط³ظٹط§ط±ط§طھ - ط¥ظƒط³ط³ظˆط§ط±ط§طھ ط§ظ„ط³ظٹط§ط±ط§طھ - ط§ظ„ط§ظ…ط§ط±ط§طھ

قلت اشارككم بيه يمكن حد يكون محتاجه او له حد في الامارات يبعتهوله

[mero25]

انا ة اشتريت رول فامية منافس للومر وفى كول وكل الشركات فى السعر والضمان والعزل وجربتها فى عربيتى وعربية واحد صاحبى وعندى كمية تكفى حوالى 3-4 عربيات اللى عايز ممكن يتصل بيا وطبعا يبقى بسعر التكلفة لان الباقى عندى زيادة مش محتاج لها وصناعة امريكى
وعلى فكرة فرق معايا كتير
وشكرا للجميع
:b4_564:

[M.almaghraby]

بكام يا باشا عايز تبيعه

[احمد المصرى]

بكام يا باشا عايز تبيعه

+111111111111111111


وانت ساكن فين

[magdyusf]

بكام

كنت محتاج منه للعربية اللانوس بتاعتى هل فيه يكفى ؟ وبكام سعره
انا ساكن في الهرم

[ahmed31031]

متااااااااااااااابع وياريت صور لعربية حضرتك بعد تركيب العازل

[mero25]

اناكنت شاري الرول والمتر فية اجمالى عامل 300 جنية /م
وانت ممكن تحسب مساحى ازاز عربيتك تقريبا العربية عاملة 4-5 م
صناعة امريكى والشركة مديا معاه ضمان 10 سنين ضد عيوب الصناعة
ولونه اخضر فاتح جدا زى اللى فى ازاز المرسيدس الجديدة
وكمان انا جبت معاه جهاز علشان يقيس درجة العزل الحرارى والفوق بنفسجى علشان ابقى مطمن وخصوصا انى اشتريت رول كامل والواحد المفروض يحذر

انا ساكن فى مدينة نصر وممكن فى التركيب نستعين بالاخ اكرم اللى كان ا كريم منير اوصى بيه علشان شغلة الحلو واسعاره كمان

واى سؤال انا موجود

[Haitham10]

يعني المتر ب300 ؟

طب انا حاطط الرول ب200 درهم يعني 300 جنيه مصري تقريبا شكلي هجيب من هناك وابيع احسن

[M.almaghraby]

لو تقدر يا هيثم تجيب و تبيع اعمل كدا و توكل علي الله

انا عايز منه فعلا

[Haitham10]

مهاب باشا انت تؤمرني

قولي طلبك بالظبط وهخليه يجيبه لانه ميعرفش اي حاجه عن الحاجات دى انا حتي كنت بدور في مواقع علي اسعار تقريبيه للحاجات الي في الامارات ولاقيت اللينك دة فقلت احطهولكم
فقولي وهو نازل كمان اسبوعين اقوله يجيب رول حراري ودرجته ايه ؟

[mero25]

والله يا شباب دة السعر اللى انا اشتريت بيه انا مش تاجر انا راجل مهندس وكمان اللى عايز يشوف الفواتير اهلا وسهلا
وانا من خلال تجربتى عرفت ان فى انواع كتير واسعار كتير
حتى فى نفسص الشركة فى اكتر من سعر ودة بيعتمد على التكنولوجيا المستخدمة ودرجة العزل ودرجة الشفافية
يعنى فى انواع عزلها كبير بس لونها غامق او بيستخدم فيها انواع من خليط معلدن عمرها قصير بسبب الاصداء >الصدأ) وكمان بيأثر على استقبال موجات الراديو او الموبيل او استقبال GPS حسب نوع المعدن المستخدم
فالمشكله اننا عايزين اعلى عزل حرارى وبدرجه شفافية عالية وفترة ضمان طويل ومش بيأثر على الاستقبال
وعلى فكرة الفيلم اللى انا جايبة بيستعمل تكنولوجيا النانوميتر المستخدمة فى ناسا فى بادىء الامر وبعدين لو متلبعين افلام الاكشن الامريكى هتلاحظوا فى معظم العربيات لو الزجاج فى العربيى لونه اخضر فاتح لانه مطلوب ومفضل فى معظم الولايات
premium solar film
وكمان بيحمى من سرطانات الجلد والحروق البسيطة
واللى عندة وقت ممكن يقراء الترجمة الاتيه من لبرشورات من الشركة المصنعة

سواءكنت متجها للعمل أو مصطحبا الأسرة في عطلة نهاية الأسبوع، فإن استخدام أفلام تظليل النوافذ في سيارتك هو اختيار منطقي للعديد من الأسباب

تقليل الحرارة :إننا جميعا نعلم إلى أي مدى يمكن أن تكون السيارة ساخنة عندما تقف فترة طويلة في الشمس. إن خصائص التحكم في الأشعة الشمسية التي تميز أفلام تظليل نوافذ السيارات يمكنها أن تقلل بشكل كبير من معدل الحفاظ على الحرارة داخل سيارة ما، مما يتيح مزيدا من الراحة للسائق والراكبين. إضافة إلى ذلك، فإن خفض الحرارة هذا سيؤدي إلى تحسين اقتصادية الوقود نظرا لأن مالكي السيارات سيكون بمقدورهم تقليل استخدام تكييف الهواء لتوفير الراحة.

تقليل التوهج :إن وجود توهج ضوئي أثناء القيادة لا يشكل فقط عامل تشويش بل أيضا عامل خطورة. إن فيلم تظليل النوافذ يمكنه أن يقوم بدور بارز في تقليل معدلات التوهج المزعجة التي تنفذ من خلال نافذة السيارة. يؤدي ذلك إلى تحسين مدى الرؤية والسلامة ويساعد في الحد من إجهاد العين.

حجز الأشعة فوق البنفسجية : لقد تم إثبات أن الأشعة فوق البنفسجية من الشمس يمكنها أن تحدث ضررا بالغا بالبشرة، إضافة إلى زيادة تهرأ مكونات فرش السيارة الداخلية مثل التابلوه والمقاعد ودواسات الأرضية وجهاز الاستريو. تساعد أفلام تظليل النوافذ على تقليل معدل تهرأ الفرش الداخلي وحماية البشرة، وذلك من خلال حجز حتى 99% من الأشعة فوق البنفسجية الضارة الصادرة عن الشمسالمسببة لحروق الشمس والمياه البيضاء للعينوالشيخوخة المبكرة وسرطان الجلد.


·تخفيف درجة الحرارة لمستوى الفيلم المطلوب
·إنقاص الأشعة فوق البنفسجية الضارة بنسبة 99%
·إنقاص الأشعة تحت الحمراء المسببة للحرارة بنسبة الفيلم المطلوب
·طبقة حماية لضمان عدم خدش الفيلم
·ضمان وضوح الرؤيا من الداخل إلى الخارج لجميع الألوان
·ضمان 10 سنوات بصناعة أمريكية 100 %

وهناك المزيد مما جعلنى مقتنع بالفيلم وبسعرة النافس للاسعار اللى فى مصر

[A. Ibrahim]

طيب ممكن حد يجيب تاني من النوع ده
منين او من عند مين ؟؟؟؟؟

[ZALABANY]

طيب إسمه ايه يا باشا الفيلم اللي انت جبته

[أبومعاذ]

ياريت لو لينك الشركة المنتجة للفيلم ده

[mero25]

ياريت لو لينك الشركة المنتجة للفيلم ده

SunTek Window Films and Tinting: Professionally Installed Automotive, Architectural, Safety and Security Window Film and Tinting.