تركيب فرش جلد بالاسكندرية؟؟؟؟

[sleepyhammer]

كل عام وانتم بخير وبعودة الايام

انا من اسكندرية وكنت عايز اعرف مين احسن واحد او اتنين بيركبوا فرش جلد للكراسي والارضية فى الاسكندرية
ولو حد جربه ممكن يقولى عمل كام معاه وهل ممكن يفصل الكراسي وبعد كده يتركب عليها من غير ما يخيط فى الكرسي نفسه
وشكرا ليكم

[aezzat]

السلام عليكم

انا كمان عايز اركب فرش جلد

وفيه ناس نصحونى بالراجل اللى عند تقاطع شارع كوبرى الجامعة مع بورسعيد

و ان شاء الله اسالك على حد تانى كمان

[sleepyhammer]

انا بردو سمعت انه كويس بس عاوز واحد يكون زى جينز كار الى فى القاهرة كده
وشكرا ليك يا باشا

[Dr.Karim Emam]

فيه النوام و ده موجود في الشارع اللي قصاد نادي المحافظة اللي في أول شارع بورسعيد

و فيه السجان و ده في شارع بورسعيد نفسه بس مش فاكر مكانه بالظبط بس أعتقد إنه بعد مدرسة سان مارك علي اليمين

[Dr.Karim Emam]

النوام و السجان دول تفصيل
لكن لو عاوز فرش جاهز على طول ممكن تروح عزبة سعد هتلاقي هناك اشكال و انواع كتيرة

بس طبعا التفصيل أشيك و أفضل بس أغلى

[sleepyhammer]

شكرا يا باشا وانا حاخود لفة عليهم والله المستعان

[sleepyhammer]

بس انا خايف يبوظو الفرش الاصلى لما يخيطو عليه ؟؟؟

[Mostafa.Mahran]

بس انا خايف يبوظو الفرش الاصلى لما يخيطو عليه ؟؟؟

لا متخافش الناس دى بتشتغل فى عربيات لسه زيرو(كروز-سيراتو-اوكتافيا)

[amr mokhtar]

بس انا خايف يبوظو الفرش الاصلى لما يخيطو عليه ؟؟؟

هم مش بيخيطوا على الكرسى
هو بيفك الكرسى و يمشى مع تفصيلة الكرسى الأصلية عشان يظبط الجلد عليه
يعنى هو مش بيخيط حاجة فى الفرش الأصلى

و أكد على السروجى قبل ما يشتغل برضه عشان بيبقاش غشيم

[moussaa]

السلام عليكم

انا كمان عايز اركب فرش جلد

وفيه ناس نصحونى بالراجل اللى عند تقاطع شارع كوبرى الجامعة مع بورسعيد

و ان شاء الله اسالك على حد تانى كمان

فعلا ده كويس جدا و اسمة هاني و انا روحت عندة من حوالي شهرين و ركبت فرش جلد للكراسي و ارضية جلد و ارضية كمان للشنطة العربية نيو اكسنت 2010 وشوفت عندة عربيات حديثة كتير ذي السيراتو و الكروز و اكتفيا و اخد مني 900 جم بس قعد عندة من الساعة واحدة ظهرا حتي الثامنة مساءا و هما ناس محترمين جدا و باين عليهم المهارة في الصنعة

[hobby10]

فعلا ده كويس جدا و اسمة هاني و انا روحت عندة من حوالي شهرين و ركبت فرش جلد للكراسي و ارضية جلد و ارضية كمان للشنطة العربية نيو اكسنت 2010 وشوفت عندة عربيات حديثة كتير ذي السيراتو و الكروز و اكتفيا و اخد مني 900 جم بس قعد عندة من الساعة واحدة ظهرا حتي الثامنة مساءا و هما ناس محترمين جدا و باين عليهم المهارة في الصنعة

ارضية جلد و ارضية كمان للشنطة العربية

ممكن اعرف لو عملت دول بس حيبقى بكام ؟ ... وعنوانه بالظبط

[hamdisafety]

قبل ماتروح للناس جرب التليفون ده وهو ارخص منهم كلهم وعلى فكرة معاه جنسية امريكي وكان شغال في شركة فورد وسعره رخيص خالص عن السوق وعمل لي الارضية بـ 250 جنيه جلد انجليزي والفرش انا جبت فرش مستورد اللي بيتباع في السوق وخد 50 جنيه تركيبه 0122830600 اسمه شعبان السروجي

[hobby10]

قبل ماتروح للناس جرب التليفون ده وهو ارخص منهم كلهم وعلى فكرة معاه جنسية امريكي وكان شغال في شركة فورد وسعره رخيص خالص عن السوق وعمل لي الارضية بـ 250 جنيه جلد انجليزي والفرش انا جبت فرش مستورد اللي بيتباع في السوق وخد 50 جنيه تركيبه 0122830600 اسمه شعبان السروجي

الف شكر لحضرتك

[power]

فيه ميدا اللي في شارع سوتير