محتاج استشارة فى حاجات كتير ارجوا الافادة

[keko]

عندى شوية استفسارات وياريت اصحاب الخبرة يفيدونى علشان الصنايعية مايحسوش انى غشيم
معايا فيات 125 بس عايز اظبطها صح قوى ان شاء الله فرجاء الرد على الاسئلة بعض او كلها مع العلم انا فى اسكندرية يعنى لو امكن اماكن فى اسكندرية ياريت او ارقام ناس فى القاهرة اخليهم يبعتولى فى الشحن
1 - ايه الفرق بين مساعدين غاز وزيت وغاز على زيت وايهم افضل والماركة المناسبة عندى تتحمل وتخلى العربية ناعمة وثابتة وبكام
2 - لو عايز اعمل اكصدام امامى فايبر يكلف كام و عايز نوع فوجات شكله حديث ومايكونش غالى يركب فيه ولو عملته حديد يبقى حلو برضه ؟
3 - الحوض عندى شكله وحش ومقشر بس قالولى بلاش ارش دواخل فايه ممكن يظبطه من غير مايعتبر رش دواخلزى مثلا بوية بلاستيك وتتقشر لما اعوز او حاجة كده
4 - بالنسبة لزجاج الكهرباء محتاج ايه وايه هيا بالضبط وحدة الرفع . انا سالت عليها جديدة ب 40 جنيه تايوانى محتاج ايه تانى
5 - بالنسبة للانذار والسنتر محتااااااااااس
يعنى انا مش شايف انى محتاج الانذار وانه تكلفة على الفاضى لكن هوا السنتر محتاجه فى حاجة . انا سالت ع السنتر 110 بالريموت بدون انذار طيب انا عايز اركبهم حاجة حاجة عشان التكاليف وايه نوع حلو وسعره كويس
6 - لو ركبت سنتر وبعدين ركبت انذار ينفع الانذار يشتغل على ريموت السنتر ولا لا
7 - انا اعرف ان السنتر بيعمل صوت تيت تيت لما يقفل طب من غير انذار بيطلع الصوت ده برضه ؟
8 - يتهيالى ان لما بتقفل العربية بالريموت الزجاج الكهرباء بيقفل طيب ده محتاج حاجة معينة ولا عادى السنتر بيتوصل على زجاج الكهرباء ؟
9 - فيه ستيكر سمعت عنه بيبقى نيكل ولزقه جامد اسمه ايه وبكام
10 - عايز اركب لمبات h4 ابيض ناصع او مزرق تكون عالية و 55\65 وات علشان ما تسحبش من البطارية اركب نوع ايه وبكام
11 - صوت الموتور واصل الصالون جامد ايه ممكن اعمله يعزل الصوت
12 - عايز اغير التابلوه بواحد حديث ايه ممكن يركب من غير قص وتعديل
13 - بلاش حد يقوللى بعها واشترى تكتك
14 - سعر شداد الشاسيه وبيتباع عند بتوع قطع الغيار ولا ايه

اسف جدا على الاطاله بس بجد محتاج مساعدة وجزاكم الله كل خير

[keko]

ايه يا جماعة ماحدش عنده خلفية عن اى حاجة فى دول

[haythamkmal]

الحاجات اللى بتكلم فيها هتكلفك كتير وفى الاخر مش هتبقى مظبوطة ، فالافضل انك تبعها وتشترى توك توك

[aliyehia]

الاخ العزيز العربيه ال125 من العربيات الكلاسيكيه و كل ما حافظت على شكلها الاصلى كان ده مبعث على الاعجاب بشكلها
حاول تضبطها على اصلها و ده مش حايكلفك كثير و ابعد عن الحاجات الى تدخلك فى مشاكل انت فى غنى عنها زى زجاج كهرباء و الانوار الh4
ركز فى الموتور و العفشه مع شويه سمكره و رش نظيف و فرش جديد و تبقى فله

[keko]

الحاجات اللى بتكلم فيها هتكلفك كتير وفى الاخر مش هتبقى مظبوطة ، فالافضل انك تبعها وتشترى توك توك

ياعم قولنا التك تك غالى

الاخ العزيز العربيه ال125 من العربيات الكلاسيكيه و كل ما حافظت على شكلها الاصلى كان ده مبعث على الاعجاب بشكلها
حاول تضبطها على اصلها و ده مش حايكلفك كثير و ابعد عن الحاجات الى تدخلك فى مشاكل انت فى غنى عنها زى زجاج كهرباء و الانوار الh4
ركز فى الموتور و العفشه مع شويه سمكره و رش نظيف و فرش جديد و تبقى فله

انت كلامك مظبوط لذلك انا مش ناوى اغير الشكل الخارجى خالص غير فوانيس كريستال بنفس الشكل اما لمبات h4 فهى اساسا لمباتها h4 انا بس عايز اغيرها بنوع اقوى واضاءة بيضاء والشنتر وزجاج كهرباء بيركب حتى لو على سيات 133 عادى

[keko]

مشكورين الاعضاء الذين قاموا بالرد وارجوا منالذين لم يردوا التكرم بابداء الاراء

[keko]

كل شكرى للاعضء الذين ردوا وارجوا من الباقى ابداء الاراء

[محمد بازيد]

الاخ الفاضل أنا يشرفنى انى ارد عليك فى حدود معرفتى وربنا يقدرنى ان شاء الله

عندى شوية استفسارات وياريت اصحاب الخبرة يفيدونى علشان الصنايعية مايحسوش انى غشيم
معايا فيات 125 بس عايز اظبطها صح قوى ان شاء الله فرجاء الرد على الاسئلة بعض او كلها مع العلم انا فى اسكندرية يعنى لو امكن اماكن فى اسكندرية ياريت او ارقام ناس فى القاهرة اخليهم يبعتولى فى الشحن
1 - ايه الفرق بين مساعدين غاز وزيت وغاز على زيت وايهم افضل والماركة المناسبة عندى تتحمل وتخلى العربية ناعمة وثابتة وبكام
المعلومة دى معرفش افيدك فيها
2 - لو عايز اعمل اكصدام امامى فايبر يكلف كام و عايز نوع فوجات شكله حديث ومايكونش غالى يركب فيه ولو عملته حديد يبقى حلو برضه ؟
حضرتك حدد مكانك فين علشان نقدر نفيدك فى حد كويس فى شغل الفيبر
3 - الحوض عندى شكله وحش ومقشر بس قالولى بلاش ارش دواخل فايه ممكن يظبطه من غير مايعتبر رش دواخلزى مثلا بوية بلاستيك وتتقشر لما اعوز او حاجة كده.
خلى الحوض على شكله علشان لو اترش محدش هيفهم او هيحاول يفهم كل اللى هتقوله هيقولك العربية عاملة حادثة وبعدين الحوض محدش هيشوفه وعلى فكرة الدواخل الشركة بتحافظ على ثمن العربية نوعا ما
4 - بالنسبة لزجاج الكهرباء محتاج ايه وايه هيا بالضبط وحدة الرفع . انا سالت عليها جديدة ب 40 جنيه تايوانى محتاج ايه تانى
بص يا سيدى الزجاج الكهرباء بيتعمل بسهولة جدا انا مركبة فى الشاهين بس مركب قدام بس وكان مكلفنى حوالى 220 بالتركيب + وحدة رفع ب30 ج ووظيفة وحدة الرفع انك لما تقفل السنتر هى ترفع الازاز .
5 - بالنسبة للانذار والسنتر محتااااااااااس
يعنى انا مش شايف انى محتاج الانذار وانه تكلفة على الفاضى لكن هوا السنتر محتاجه فى حاجة . انا سالت ع السنتر 110 بالريموت بدون انذار طيب انا عايز اركبهم حاجة حاجة عشان التكاليف وايه نوع حلو وسعره كويس
بص يا سيدى الانذر هو سنتر + انذار ممكن تركبهم افضل الانواع هو الولف انا كنت مركبة فى شركة عبر البحار الى موجودة فى جسر السويس جنب سوق القنال عندهم جميع الاسعار وتركيبهم نضيف وفى ضمان كمان والاسعار تقريبا ممكن 250 ج للكل
6 - لو ركبت سنتر وبعدين ركبت انذار ينفع الانذار يشتغل على ريموت السنتر ولا لا
7 - انا اعرف ان السنتر بيعمل صوت تيت تيت لما يقفل طب من غير انذار بيطلع الصوت ده برضه ؟.
لا السنتر من غير صوت هو انك تقفل الاربع ابواب مع بعض وممكن يكون من غير ريموت ممكن تركب سنتر ب100ج اربع قرب
8 - يتهيالى ان لما بتقفل العربية بالريموت الزجاج الكهرباء بيقفل طيب ده محتاج حاجة معينة ولا عادى السنتر بيتوصل على زجاج الكهرباء ؟
رديت على دى فوق شوية دى وظيفة وحدة الرفع
9 - فيه ستيكر سمعت عنه بيبقى نيكل ولزقه جامد اسمه ايه وبكام
معرفش حاجة عن دة
10 - عايز اركب لمبات h4 ابيض ناصع او مزرق تكون عالية و 55\65 وات علشان ما تسحبش من البطارية اركب نوع ايه وبكام
احسن حاجة لمبات 200/260 ودى ب50 ج الجوز مع كتاوت هتلاقى الدنيا فل وبعدين العربية مفيش مشكلة من البطارية لان الدينمو شغال شحن وممكن تركب زينون صينى ب250 زة الفل مع فوانيس الكريستال
11 - صوت الموتور واصل الصالون جامد ايه ممكن اعمله يعزل الصوت
ممكن تزود العزل شوية خلف التابلوة بعازل حرارى
12 - عايز اغير التابلوه بواحد حديث ايه ممكن يركب من غير قص وتعديل
ال128 بتعدل تابلوة اوبل كورسا ال94 ممكن تشوف ينفع عندك ولا لا هو شكله حلو قوى وبيتكلف تقريبا 1000ج
13 - بلاش حد يقوللى بعها واشترى تكتك
بلاش توكتوك ممكن تجيب موتسيكل صينى لان التوكوتك اغلى منها كثير
14 - سعر شداد الشاسيه وبيتباع عند بتوع قطع الغيار ولا ايه
معرفش سعره ممكن تسال فى عزبة شلبى على الشداد
اسف جدا على الاطاله بس بجد محتاج مساعدة وجزاكم الله كل خير
ولا يهمك احنا كلنا اخوات وبنتعلم من خبرات بعض وفى راى ممكن تركب طقم جنوط شيك مع شوية سمكرة وبوهية حلوة بس دة لو مش عايز تغير العربية فى الفترة الجاية
تقبل تحياتى ويارب اكون قدرت افيك بشوية معلومات متواضعة ومتزعلش من اللى مردش احنا هنا مبدئنا محدش يرد غير اللى عارف
أخوك محمد حامد

[keko]

الاخ الفاضل أنا يشرفنى انى ارد عليك فى حدود معرفتى وربنا يقدرنى ان شاء الله

مشكور جدا جدا جدا اخى على تلك الردود المفيده
على فكرة انا من اسكندرية لو تعرف بتوع الفايبر وغير كده انا اعرف كام واحد بس عايز اعرف الاسعار تقريبا
معلش عندى استفسار صغير بالنسبة للزجاج الكهرباء انا مافهمتش كويس مقصود كلامك ان فيه وحدات او مكن لرفع كل فردة زجاج بالزرار بتاعها غير وحدة الرفع بتبقى عامله زى زرار مشترك يرفع كله مع بعض ولا ايه ؟؟؟
عموما لو ينفع توضيح اكتر لكل ماتحتاجه زجاج الكهرباء
بالنسبة للتابلوه اوبل كورسا تقريبا صغير على 125 وانا فعلا اعرف انه يركب على 128 كانه بتاعها انا سالت لقيت ان البولونيز 97 ليها تابلوه جامد زى اللانوس كده ب 350 وان البولونيز نفس شاسيه 125 بس لما اخدت مقاس التابلوه تقريبا عندى 130 سم والبولونيز 140 سم وانا مش عايز اقص وبرضه سالت على بتاع اللانوس عامل 500 وده نفس سعر 125 استيراد انما ماعرفش يؤكب عندى ولا لا

[A.Saad]

4 - بالنسبة لزجاج الكهرباء محتاج ايه وايه هيا بالضبط وحدة الرفع . انا سالت عليها جديدة ب 40 جنيه تايوانى محتاج ايه تانى
مش عارف بس لازم الزجاج يكون كهربا
5 - بالنسبة للانذار والسنتر محتااااااااااس
نحن هنا منعا للاحتياس ههههههه
يعنى انا مش شايف انى محتاج الانذار وانه تكلفة على الفاضى لكن هوا السنتر محتاجه فى حاجة . انا سالت ع السنتر 110 بالريموت بدون انذار طيب انا عايز اركبهم حاجة حاجة عشان التكاليف وايه نوع حلو وسعره كويس
النوع الكويس spy وفيه ولف ، فائدة السنتر يقفل الاربع ابواب سوا
لومحدش بيركب معاك كتير ، كبر ولو هتجيب انذار هاته
6 - لو ركبت سنتر وبعدين ركبت انذار ينفع الانذار يشتغل على ريموت السنتر ولا لا
عادى بيشتغل ، عربيات الزيرو كدة
سنتر فابريكة
انذار متركب
7 - انا اعرف ان السنتر بيعمل صوت تيت تيت لما يقفل طب من غير انذار بيطلع الصوت ده برضه ؟
طبعا لا
هتسمع صوت تانى
تك
صوت المسوجرات وهيا بتنزل
8 - يتهيالى ان لما بتقفل العربية بالريموت الزجاج الكهرباء بيقفل طيب ده محتاج حاجة معينة ولا عادى السنتر بيتوصل على زجاج الكهرباء ؟
ده وحدة الرفع
بص

اما تدوس على زرار الانذار
وحدة الرفع تقفل الزجاج الكهربـــــــــــــــــــا
السنتر يقفل الابواب

[محمد بازيد]

مشكور جدا جدا جدا اخى على تلك الردود المفيده
على فكرة انا من اسكندرية لو تعرف بتوع الفايبر وغير كده انا اعرف كام واحد بس عايز اعرف الاسعار تقريبا
معلش عندى استفسار صغير بالنسبة للزجاج الكهرباء انا مافهمتش كويس مقصود كلامك ان فيه وحدات او مكن لرفع كل فردة زجاج بالزرار بتاعها غير وحدة الرفع بتبقى عامله زى زرار مشترك يرفع كله مع بعض ولا ايه ؟؟؟
عموما لو ينفع توضيح اكتر لكل ماتحتاجه زجاج الكهرباء
بالنسبة للتابلوه اوبل كورسا تقريبا صغير على 125 وانا فعلا اعرف انه يركب على 128 كانه بتاعها انا سالت لقيت ان البولونيز 97 ليها تابلوه جامد زى اللانوس كده ب 350 وان البولونيز نفس شاسيه 125 بس لما اخدت مقاس التابلوه تقريبا عندى 130 سم والبولونيز 140 سم وانا مش عايز اقص وبرضه سالت على بتاع اللانوس عامل 500 وده نفس سعر 125 استيراد انما ماعرفش يؤكب عندى ولا لا

أنا مش من اسكندرية علشان اقدر افيدك بس بالنسبة للزجاج حضرتك بتنزل تشترى المكنتين الكهرباء ودول بيجيوا استيراد بس احسن حاجة بتاع الكورلا بيعملو حوالى 150 ج الاثنين والتركيب والزارير اللى هى وظيفتها رفع الازاز لبما حضرتك تضغط علية علشاان تنزله او تطلعه ودى ملهاش علاقة بمكن الرفع مكن الرفع أو وحدة الرفع دى ب40 ج دى وظيفتها انك لما تقفل السنتر او الانزار والازاز مفتوح هى بتقفله لوحدها مش أكثر

[keko]

خالص شكرى للجميع على الردود الجميله وفى انتظار المزيد
بالنسبة لزجاج الكهرباء افهم من كده انه محتاج مكنة كهرباء لكل باب +زراير حسب الاستخدام سواء كله على زرار واحد او زرار لكل باب ا 2 و 2 + وحدة رفع لو عايز السنتر يرفع الزجاج معاه ؟
وبالنسبة للسنتر افهم كده ان لو انا مركب سنتر من غير انذار مش هزمر يعنى لو فيه باب مفتوح هاقفل التلاتة التانيين ومش هيدينى اى زمار او صوت اعرف منه ان فيه باب مفتوح ؟
بالنسبة للتوك توك هوا قطع غياره متوفرة واعتمادية عالية ولا اجيب بداله H3