ياريت اللى بيفهم يساعدنى فى الموضوع دة

[mada_d12]

السلام عليكم ورحمة الله وبركاته
اولا كل سنة وكل المسلمين بخير وكل مصر بخير بمناسبة شهر رمضان

بصوا يا جماعة انا بجد محتاج اراء الجميع لانى محتار شوية وكمان محتاج خبرة الناس عشان يفهمونى اعمل ايه !

دة اول موضوع ليا وان شاء الله مايبقاش الاخير

انا دلوقتى معروض عليا عربية شبابى سبور ومن الاخر دى حلم حياتى يعنى واخيرا لقيتها
العربية هيا فيات X1/9 لو حد يعرفها يعنى موديل 1982 كوبيه 2 كرسى سقفها بيتفك والصور بتاعتها اهى





ودى صورة للموتور ... العربية دى موتورها Mid-Engine يعنى زى الفيرارى كدة ودى صور ليه







انا كدة وضحت العربية وشكلها .. انا مش عايز امشى بالعربية زى ماهى بشكلها كدة
فى بودى كيت للعربية دى مشهورة جدا برة .. اسمها Dallara البودى كيت دى اصلها ايطالى ودى صور ليها وللعلم هى بتتباع package كاملة كدة











وفى الاخر بعد ما بتتظبط بتبقى كدة





انا سؤالى يا جماعة واتمنى ان حد يجاوبنى ويفيدنى ... هلى فى حد فى مصر يعرف يعمل البودى كيت دى ويطلعها بالشكل والنضافة دى ؟؟؟؟؟!!! علشان انا ماظنش انى اقدر اجيبها من برة لنها هتكلفنى جامد دة لو عرفت اجيبها
ولو فى حد يعرف يعمل الشغل دة .. قولولى مين هو والشغل دة يتكلف كام !!

معلش انا طولت عليكم بس محتاج الناس اللى بتفهم وعارفين حد يقدر يعمل الشغل دة من غير ماياخد كتير ويكون بنفس الشكل كدة .. اتمنى ان يتم الرد فى اسرع وقت لانى محتاج اخد قرار .. شكرا

[M_Nabil]

وعليكم السلام ورحمة الله

عربية جميلة بس هل ليها قطع غيار متوافرة؟ وأنا شايف انها من غير البودى كيت المتنفاخ ده شكلها أحلى لو أخدت بويه حلوة وجنط شكلة حلو .. و ناس كثير في الحرفيين كويسة و شغالة في الفايبر زى بسام و حواجب وغيرهم والناس بتشكر في بسام بس ان مش من هوة الفايبر عموماً

[khaled_yassin]

هى بسم الله ما شاء الله شكلها حلو اوى بالبودى ومن غيرة
لاهم من البودى كيت هو ليها قطع غيار فى مصر ولا هتتسحل وتوفقها والقصص الفكسانة دى
اهتم بموضوع قطع الغيار دة علشان ما تدبسش فى العربية ويطلع عينك فى قطع غيارها

[mada_d12]

وعليكم السلام ورحمة الله

عربية جميلة بس هل ليها قطع غيار متوافرة؟ وأنا شايف انها من غير البودى كيت المتنفاخ ده شكلها أحلى لو أخدت بويه حلوة وجنط شكلة حلو .. و ناس كثير في الحرفيين كويسة و شغالة في الفايبر زى بسام و حواجب وغيرهم والناس بتشكر في بسام بس ان مش من هوة الفايبر عموماً

هى بسم الله ما شاء الله شكلها حلو اوى بالبودى ومن غيرة
لاهم من البودى كيت هو ليها قطع غيار فى مصر ولا هتتسحل وتوفقها والقصص الفكسانة دى
اهتم بموضوع قطع الغيار دة علشان ما تدبسش فى العربية ويطلع عينك فى قطع غيارها

الف شكر على ردودكم .. ومن ناحية قطع الغيار بتاعت الموتور فهى موجودة لاننا بنتعامل مع فيات والاكسسوار قليل جدا فى العربية واعتقد شبه مش موجود لانها مش محتاجة .. انما اللى فعلا انا باسال عليه دلوقتى هو قطع الغيار بقى للعفشة والحاجات دى ( الحاجات اللى مش ظاهرة) ودى محدش فادنى عشان ماحدش عرف العربية .. واللى انا هاعمله انى لما اكشف عليها هخلى الميكانيكى يشوف الحاجت دى وهو اكيد فاهم

اما بالنسبة للفايبر مثلا عند بسام ممكن القصة دى تتكلف كام ؟؟ وهل هو شغله كويس ولا اى كلام

[mada_d12]

يا رجالة فى ايه .. 37 مشاهدة و3 ردود منهم واحد بتاعى !!!
انا مش عايز الا حد يفهمنى اروح لمين اللى يقدر يعمل الشغل دة وممكن يتكلف كام

[mr_vampire]

يا رجالة فى ايه .. 37 مشاهدة و3 ردود منهم واحد بتاعى !!!
انا مش عايز الا حد يفهمنى اروح لمين اللى يقدر يعمل الشغل دة وممكن يتكلف كام

متستاهنش ان بحجم المشاهدات وقلة الردود لان حضرتك جايب عربية اعتقد اغلبية الناس مكنوش يعرفو عنها حاجة ( انا واحد منهم وشوفتها في فيلم قدييييييييييييييم كان فيه بوسي وسعيد صالح ومكنتش اعرف انها فيات اصلااااااااااا) سؤال جانبي هي العربية ده تعمل كام كسعر دلوقتي وموتورها كام سي سي ؟؟؟؟؟؟؟؟؟

[mada_d12]

متستاهنش ان بحجم المشاهدات وقلة الردود لان حضرتك جايب عربية اعتقد اغلبية الناس مكنوش يعرفو عنها حاجة ( انا واحد منهم وشوفتها في فيلم قدييييييييييييييم كان فيه بوسي وسعيد صالح ومكنتش اعرف انها فيات اصلااااااااااا) سؤال جانبي هي العربية ده تعمل كام كسعر دلوقتي وموتورها كام سي سي ؟؟؟؟؟؟؟؟؟

انا عارف ان العربية ماحدش يعرفها كتير بس لو حضرتك ركزت انا مش باسأل فى حاجة جوة العربية .... انا باسأل للناس اللى عارفين عن الشخص اللى ممكن يعمل شغل الفايبر اللى انا حاطط صوره ويتكلف كام بالتقريب !!! مش عن العربية خالص

عموما العربية سعرها لسة ماعرفتوش من صاحبها بالتحديد لانى لسة ماتفقتش معاه بس حوالى 25.000 فى الحدود دى والعربية 1500 سى سى

وانا لسة لحد دلوقتى مستنى الردود وبجد ارجو الرد من الادريين او الناس اللى فاهمة ياريت ماحدش يبخل بالمعلومة يا جماعة عشان انا بجد محتاج اعرف

[hosamenter]

معتقدش فى قطع غيار

[mada_d12]

هو انا سؤالى صعب اوى كدة ... ماحدش هنا يعرف حد بيعمل شغل فايبر نضيف ؟؟؟؟؟؟
انا والله العظيم ماجيبت سيرة على العربية انا عايز شغل الفايبر والسؤال واضح .. ماسالتش على قطع الغيار ولا العربية كانت فى فيلم ايه
عايز اعرف مين بيعمل تنفيخ فايبر زى اللى انا حاطط صوره وهيتكلف كام

[M.almaghraby]

انزل الحرفيين يا باشا و وريهم الصور دي

[engahmedsamy]

انا اعرف واحد محمد البداوي والورشة بتاعتو عند اوتو سمير ريان
ودا el facebook بتاعو Mahamed El Bedawy | Facebook

[engahmedsamy]

انا اعرف واحد محمد البداوي والورشة بتاعتو عند اوتو سمير ريان
ودا el facebook بتاعو Mahamed El Bedawy | Facebook

[mr_vampire]

هو انا سؤالى صعب اوى كدة ... ماحدش هنا يعرف حد بيعمل شغل فايبر نضيف ؟؟؟؟؟؟
انا والله العظيم ماجيبت سيرة على العربية انا عايز شغل الفايبر والسؤال واضح .. ماسالتش على قطع الغيار ولا العربية كانت فى فيلم ايه
عايز اعرف مين بيعمل تنفيخ فايبر زى اللى انا حاطط صوره وهيتكلف كام

ههههههههههههه انتا كدة قصدك عليا انا بكلمة ( ولا العربية كانت في فيلم ايه ؟؟) عموما انا مقدر لهفتك عشان نفسك فيها وربنا يوفقك ولما ربنا يرزقك بيها ان شاء الله تبقي تفرجنا عليها ومتبخلش انتا بقي.

[fawzyyyy]

روح الحرفيين ......دول ما شاء الله قرود يعملولك اي حاجة .......متهيألي بودي كيت كامل و بالحجم ده مش حيعدي 2500 جنيه

[aliyehia]

الاخ الفاضل
انا مريت بتجربه مشابهه للى انت حتواجهه و من الامانه انى احذرك قبل الدخول فى هذه التجربه
من حوالى سنه انا اشتريت عربيه فيات 124 سبور كوبيه لانى معجب بها جدا من صغرى علما انى عندى 42 سنه حاليا و العربيه حالتها كانت جيده جدا و طبعا انا تصورت ان مافيش اى محاذير بخصوصها باعتبار انها اولا فيات و ثانيا موتورها بتاع 132 كامتين 1600 cc و كل ده كان جميل لكن و اه من لكن......
اللى اكتشفته بعد كده و مع الاستخدام ان موضوع التشابه مع موديل تانى فى عائله الفيات ينفع فى حاجات معينه و بسيطه زى الموتور و الات الجر و احيانا العفشه يعنى بالاصح اساسيات الاساسيات لكن خش بقى على اى حاجه فنيه و فريده فى موديل العربيه و ابقى قابلنى لو عرفت تلاقيها و انا شخصيا لما نزلت ادور على شاسيه لزجاج الشراعه اللى بتكون فى الزجاج بتاع الابواب لفيت وكاله البلح و عزبه شلبى ولا الهوا و الظريف ان من كل 20 واحد اسالهم على اى حاجه للعربيه واحد بس يعرف شكل العربيه اللى اقصدها ( واحد ظريف من بتوع الوكاله قال لى يا بيه انت لازم تشترى عربيه تانيه اخت عربيتك علشان تاخد منها قطع غيار)
ناهيك بقى لو حبيت تلاقى انوار اماميه او خلفيه ولا حاجه فى التابلوه او العدادات او حتى الصاج لا قدر الله فى حاله عدم امكانيه سمكره جزء مخبوط
و فى الاخر بعد ما تكون ابتديت حلمك بعربيه سبور شكلها فريد و الناس كلها بتشاور عليك حتلاقيك انتهيت بعربيه راكبلها وش 131 و فوانيس خلفيه 128 و اكر ابواب شاهين و تابلوه 127 ....الخ
اعذرنى على الصوره السوداويه دى لكن حقيقى كان لازم اوصلك اللى انت حتواجهه مع الوضع فى الاعتبار ان ال 124 السبور كان عددها فى مصر اكثر قوى من اللى العربيه اللى عاجباك يعنى مفترض الاقيلها حاجات فى الوكاله بنسبه اكبر من فرصك
و شكرا لسعه صدرك