قلولى ايه الحل

[eng_audi2002]

السلام عليكم
كل سنة وكلكم طيبين
انا الحمد لله اشتريت من 3 اسابيع لانسر بومة بس صاحبها كان مهمل اوى ومش نظيف وشكله كده مكنش بيغسلها من جوة خالص لكن هى من بره بتلمع ومية مية
فبالنسبة للوساخة اللى جوة الناس قالتلى اوديها لمغسلة من بتوع الكار كير وهيرجعوهالى بتلمع من جوة زى الزيرو
لكن فى حاجة مدايقانى وهى الخرابيش اللى فى بعض الابواب من جوة
شوفوا الصور وقلولى ايه حلها بس ياريت يبقى حل مش مكلف لانى لسه دافع كتير ..

الخرابيش جوا الدايرة السودا

[yassin_samir]

ملهاش حل انتا الغلطان من الاول مكنتش تشريها العربيلت اللى بالمنظر دة بتبقى احتمال كبير كانت بتتاجر و خصوصا البومة سوقها فى الايجار ماشى حلاوة و انا بقول كدة لان الواحد مهما كان مش بيحافظ على عربية الغير زى عربيتة و دى عادة متاصلة فينتا للاسف

[eng_audi2002]

ملهاش حل انتا الغلطان من الاول مكنتش تشريها العربيلت اللى بالمنظر دة بتبقى احتمال كبير كانت بتتاجر و خصوصا البومة سوقها فى الايجار ماشى حلاوة و انا بقول كدة لان الواحد مهما كان مش بيحافظ على عربية الغير زى عربيتة و دى عادة متاصلة فينتا للاسف

يعنى انت شايف انى ابيع العربية وخلاص ؟ ولا ايه رايك ؟

[elewey]

يعنى انت شايف انى ابيع العربية وخلاص ؟ ولا ايه رايك ؟

لا طبعآ تبيعها عشان شويه خرابيش جوة الصالون لو العربيه حالتها كويسه موتور و عفشه و شاسيه حرام تبيع عشان شويه خرابيش انتا ممكن تروح لوحد سروجى كويس يغير بطانه الباب بجلد او قماش جديد و ممكن تركب فرش جلد و تكسى الابواب معاها

[mr_sameh]

كل حاجه ليها حل ان شاء الله

[eng_audi2002]

لا طبعآ تبيعها عشان شويه خرابيش جوة الصالون لو العربيه حالتها كويسه موتور و عفشه و شاسيه حرام تبيع عشان شويه خرابيش انتا ممكن تروح لوحد سروجى كويس يغير بطانه الباب بجلد او قماش جديد و ممكن تركب فرش جلد و تكسى الابواب معاها

ما انت لسه شايف الراجل فى الرد اللى قبلك بيقلى مكنتش اشترتها والكلام ده بيوجع فيا والله وبيحسسنى انى مثلا اشتريت 128 ... وانا اى كلمة فى العربية بتاثر فيا ..
وبالنسبة لباقى العربية فواحد صاحبى عنده لانسر برده ساقها وقالى هى كويسة وحلوة بس فيها كتمة فى السحب وقالى الحكاية دى هيظبطهالى عند الميكانيكى بتاعه ومش هتتكلف كتير وقالى انها بسيطة .

[eng_audi2002]

كل حاجه ليها حل ان شاء الله

يارب يكون لها حل وحاول معانا كده وقلنا الحل من وجهة نظرك ايه ؟

[أبو_يوسف]

دي خرابيش بسيطة والعربية شكلها ماشاء الله مش متبهدلة ..
والحمدلله ان الخرابيش مش في التابلوه..
افتكر ان كان في موضوع قديم لسبعاوي كان بيتكلم فيه عن علاج الخرابيش دي بواسطة التسخين بالولاعة..
حاول تلاقي الموضوع دا

[eng_audi2002]

دي خرابيش بسيطة والعربية شكلها ماشاء الله مش متبهدلة ..
والحمدلله ان الخرابيش مش في التابلوه..
افتكر ان كان في موضوع قديم لسبعاوي كان بيتكلم فيه عن علاج الخرابيش دي بواسطة التسخين بالولاعة..
حاول تلاقي الموضوع دا

انا قعدت ادور فى مواضيع سبعاوى كلها .. وملقتش اى موضوع ليه علاقة بالخرابيش دى
بس لوو انت لقيته او عرفت حل ياريت تبقى تقولى

[MuhamedNabil]

الخربيش دى امرها هين و فعلان هى بالتسخين او السنفرة و تلميع تروح و سببها ممكن يكون من اى حاجة حادة صاحب العربية نقلها فيها مش لازم موضوع الايجار و الكلام ده , الخلاصة اى حد بتاع فيبر كويس يصلحها بسهولة و متزعليش نفسك

[spiderloking]

انتوا مصعبين الموضوع ليه فعلا هيه بالولاعه بس خلي بالك و انت بتعملها تمشي الولاعه علي الخرابيش بس براحه مش تفضل مثبت النار علي الفايبر ده علشان مي يتحرق يدوبك بس لما تلاقي النار بدأت تضيع اثر الخرابيش واحده واحده و بعد كدا تجيب فوطه زفره و تديها بقي يا معلم مسحه حلوه كدا و بعد كدا هات ملمع التابلوه و الفايبر بيبقي اسبراي كدا هاتو ب 5 جنيه من اي محل كماليات و اديها رشه حلوه كدا علي الفايبر كلوا اللي جوه العربيه و ادعيلي و هتلاقيه رجع زي الزيرو بالظبط ان شاء الله

[michohat]

يعني نجرب بالولاعه؟

[lolita]

الولاعة عملت احلى شغل معايا فى الفيرنا

[omda hassnin]

ياباشا ألاول الف الف مبروك عليك العربيه وربنا يباركلك فيها ويكفيك شرها
ثانياً ... لاوح لاى حد من بتوع الكاركير وهيظبطلك الموضوع بسهوله أوى
وأفرح ياباشا بعربيتك وماتشغلش بالك بالحاجات البسيطه دى