ياترى الفيم الاسود اللي درجتة خفيفة علية مخالفة؟؟؟؟

[sh3sh3]

بصراحة ياجماعة انا نفسي افيم العربية بتاعتي ااكتم درجة في البلاك لان الشمس كدة كدة قدام بتبوز الفيم وتخلي درجتة خفيفة جدا بس الخووف اركب الفيم وملحقش اافرح بية والاقي زابط زي الفل بيقولي شيل يامععلللم شيل ويبوزلي الازاز فالسؤال لو انا ركبت درجة خفيفة هل عليها مخالفة ولا لا
ولو حد يعرف اية مخالفة الفيم وبكام يكون مشكووور؟؟؟

[eldell]

لو ظابط كويس هيخليك تشيله لو رخم سحب رخص وتروح تفحص وتدفع 120 مخالفه فاميه وعلى فكره اناا كنت مفيم الدرجه الى هى 01 خفيفه اتسحبت الرخصه ودفعت وفحصت وحوار رخم بصراحه

[shiko85]

مخالـــــــــــــــــــــــف

[sh3sh3]

حسبي اللة ونعم الوكيل فيهم هو الواحد مش من حقة يفرح شوية وينبسط انة مزبط عربيتة وكدة وفي نفس الوقت بتنفع وبتحمي من الشمس حسبي اللة ونعم الوكيل

[nedaloo]

بالنسبة للفاميه الخفيف هو مش هيبان في وقت الظهر لكن بعد ال ٥ مساء هيبان واضح جدا وكدة الظابط هيشوفك ويخالفك من فترة قرات موضوع هنا في القسم عن عازل حراري زي الفاميه بس شفاف ومش هيبان خالص ممكن تدور على الموضوع وانشالله خير

[hamann]

السلام عليكم و رحمة الله و بركاته

الفاميه اللى سيادتك تقصده ده , كنت أنا مركبه و شالهولى فى المرور بتاع المنصورة و أنا بفحص عشان أجدد , مع أنى كنت حاطط اخف درجة عشان والدتى لما تركب جمبى , الشمس ماتضايقهاش , بس أقول ايه , منهم لله , كلهم يستاهلوا الteeeeeeeeeeeeeeeeet , المهم و تلاقى كل teeeeeeeeeeeeet فيهم مفيم ازاز عربيته أسود فحمة و أنا و الله الفاميه اللى كنت حاطه كان يدوب , بنى و مابيحجبش الرؤية ولا حاجة خالص , حسبى الله و نعم الوكيل , دلوقتى لما بتكون والدتى راكبة جمبى فى يوم شمس, بحشر جرنان فى الازاز .

اللهم لا تظلهم بظل عرشك يوم لا ظل الا ظله

hamann

[hamann]

بالنسبة للفاميه الخفيف هو مش هيبان في وقت الظهر لكن بعد ال ٥ مساء هيبان واضح جدا وكدة الظابط هيشوفك ويخالفك من فترة قرات موضوع هنا في القسم عن عازل حراري زي الفاميه بس شفاف ومش هيبان خالص ممكن تدور على الموضوع وانشالله خير

السلام عليكم و رحمة الله و بركاته

العازل اللى سيادتك بتقول عليه ده , أنا كنت شوفت اعلانه فى الأهرام و كنت سألت عليه , كان غاااااااااااااااالى جدا , كان هيتكلف 1000 جنيه تقريبا , يعنى أكتر من لو غيرت الازاز الأبيض بتاع العربية و جبت ازاز ملون زى اللى بينزل مع العربية من الفابريقة , لكن الفاميه , انا لما كنت مركبه , كان ب 40 جنيه تقريبا , الكلام ده كان من 8 سنين , دلوقتى , قول يتكلف 100 جنيه , هناك فرق برضه .

hamann

[BLOODY_STONE]

الشفاف فيه عليه عرض هنا في المنتدى بس برضه غااااالي اوي

[A7MED_PHARMA]

مفيش مقياس ثابت
كله حسب دماغ البيه الظابط

[sh3sh3]

حسبي اللة ونعم الوكيل فيهم واللة في السعودية بيفيموا الازاز الادام مش بتاع الابواب لا الازاز بتاع الواجهية واللة ماحدش بيقولهم حاجة مش هنقول غر حسبي اللة ونعم الوكيل
بس انا بفكر افيم وخلاص وزي ماتيجي تييجي

[phantiza]

ياعم طز في 120 جنية واعمل الي نفسك فية
دول ولاد ..... ايوة ولاد ستين ........... واحد منهم سحب الرخصة عشان حاطط بادج دكتور
ولا تعمل ليهم حساب بفلوسك اعمل الي انت عاوزة

[ahmed88hassan]

نص القانون : ( زجاج ملون )
مهما كانت درجته هتبقي مخالفة
ممكن تركب ستاير احسن
عشان لو لقيت كبسة ولا حاجة تشيل الستاير في ثانية
ولا حد خد باله

[a77med]

سبحان الله متاح لينا العقاب وهما لا معئا لما تجى تدور فعلا هما كلهم بلا استثناء حياتهم كلها غلط من رشاوى لقله ادب لبلطجه
ربنا يسترها علينا

[magyver]

والله فيم وزي ماتيجي تيجي
انا عامل كد ةوربك يسترها بقي

[pro_samir]

رخصة عربيتي اتسحبت قبل كده علشان الفاميه الخفيف ده والقصه مش في فلوس الغرامه لكن في القرف بتاع الإجراءات مرور وفحص وطابور خزنه وطابور نيابه ومرور تاني وتعامل مع موظفين عليهم من الله ما يستحقو ، غرامتها لو الرخصه اتسحبت 30 جنيه فقط

مره تانيه كنت مفيم الزجاج الخلفي فقط والهوايات وصباح الغلاسه برضو كان عايز يسحبها وشيلت شريحه من الفاميه ودفعت تصالح فوري 50 جنيه مع إني أصلا كنت عامل الفحص بيه ومحدش اتكلم بس انت ونصيبك بقي علي حسب مزاج البهوات

مره تالته بقي في نفس اللجنه بتاع المره التانيه كان بيقولي علي الشماسه (ملزوقه فاميه) وبيقولي مخالف ، بصيتله بصه كده كنت هقول حاجه ومسكت نفسي بالعافيه تقريبا هو حس واداني الرخص ومشيت

وفي الأخر عملت طقم كامل ستائر كبس واشتري دماغك محدش هيتكلم ولو اتكلمو هتشيلها بسهوله وخلصت