سلام عليكم يا جماعه
يوم الجمعه الي فات انا كنت نزلت التوفيقيه واشتريت من هناك سينسور ركن ماركه غريبه كده ، انا كنت ناوي اشتري الSpy لأن في ناس كتير شكرت فيه هنا بس للاسف لا لقيته ولا لقيت نوع الوولف ولا لقيت السيمفوني فا اشتريت نوع مش فاكر اسمه ، وطبعا بما ان لون عربيتي سماوي وكان استحاله الاقي لون العربيه فا اشتريته اسود واشتريت الجريد الاسود الي بيتلزق على الاكصدام الي ورا علشان ميبقاش في نقط سودا وشكلها يبقى عار. وجيت للتركيب ودي كانت المشكله اتصلت بالكهربائي الي اعرفه قالي تعالى يوم السبت الصبح علشان نشوف هنركبه ازاي فا قلتله انت لسه هتجرب فيها يا عم وطبعا لغيته من دماغي وتاني واحد جه في بالي الي كان ركبلي جهاز الانذار بتاعي وبالفعل اتصلت بيه قالي انا مش بركب اي نوع علشان الي هركبهولك هضمنهولك فا طبعا لغيت ده كمان من دماغي.
ساعتها كان معايا واحد صاحبي فا قالي في واحد في مكرم عبيد في مدينة نصر قدام عمر افندي اسمه مودرن كار ورحتله بالفعل وبدأ عملية التركيب عمل ال4 اخرام في الاكصدام بعد ما لزق الجريده السودا وقفل بس المشكله الي حصلت ان طول ما الكونتاكت مفتوح السينسور بيبقى شغال يعني لو انت فاتح الكونتاكت ومدور العربيه السينسور هيبقى شغال ، بمعنى اخر لو انت واقف في اشاره وواحد جه وقف وراك هتلاقي البتاع ده بيزمر وانت اصلا مش معشق مرشدير طبعا انا قلتله لأ طبعا انا مش عايز كده قالي يا باشا اصل الشيفروليه لانوس الارضي بتاعها مقلوب (مش فاهم دي) ولازم يفضل شغال كده قلتله طيب ما انا شفت 50 عربيه لانوس عامله السينسور ده ومفيش الهبل الي انت بتقوله ده.gif)
يمين شمال الراجل توصل انه انه ممكن يركب كتاوت علشان يفصل مع اي نقله غير المرشدير وبالفعل تم المراد بس دلوقتي انا مش عارف هل ده صح ولا ممكن يبوظ حاجه في العربيه فا الحق اروح افصل الي الراجل عمله؟؟
تاني حاجه
واحنا شغالين في العربيه سألت الراجل هيه وحدات الرفع بتاعت الزجاج بكام قالي 150 العربيه كلها قلتله هوه بيركب في كل باب قالي لأ بتركب بس في الكنترول يونت الي عندك في باب السواق وبالفعل عملته بس مش متأكد من الماركه برضه ومش عارف هل ده نوع كويس ولا اي كلام.
الحاجه التالته والاخيره (عارف اني طولت في الكلام)
هل في حد هنا في المنتدى جرب مودرن كار ده؟ وهل هوه كويس ولا اروح لحد تاني يراجع على شغلهم الي عملوه ولا اكبر دماغي والموضوع مش مستاهل.
المشكله ان عربيتي مبحبش اي حد يلعب فيها غير الي اعرفه واضمنه وطبعا المغامره دي انا مش عارف ايه عواقبها وايه الي ممكن يحصل بسببها فا افتوني افادكم الله
والي نفسي افهمه يعني ايه الارضي بتاع العربيه مقلوب (مش المفروض انه بيوصل الاسلاك كلها على لمبة المرشدير وخلصت على كده؟؟) ، وهل ده عيب ولا ميزه ولا مشكله ولا ايه؟؟ مع العلم ان ابن خالتي معاه لانوس بس دايو ومفيهاش القصه دي وساعت ما انا كنت بركب السينسور كان معايا واحد تاني شيفروليه لانوس كان بيركب برضه سينسور بس نوع تاني وحصلت نفس المشكله وحلوها بنفس الحل ، معني كده ان المشكله في العربيه مش في السينسور الي انا جبته.
العربيه نوعها شيفروليه لانوس موديل 2010
يوم الجمعه الي فات انا كنت نزلت التوفيقيه واشتريت من هناك سينسور ركن ماركه غريبه كده ، انا كنت ناوي اشتري الSpy لأن في ناس كتير شكرت فيه هنا بس للاسف لا لقيته ولا لقيت نوع الوولف ولا لقيت السيمفوني فا اشتريت نوع مش فاكر اسمه ، وطبعا بما ان لون عربيتي سماوي وكان استحاله الاقي لون العربيه فا اشتريته اسود واشتريت الجريد الاسود الي بيتلزق على الاكصدام الي ورا علشان ميبقاش في نقط سودا وشكلها يبقى عار. وجيت للتركيب ودي كانت المشكله اتصلت بالكهربائي الي اعرفه قالي تعالى يوم السبت الصبح علشان نشوف هنركبه ازاي فا قلتله انت لسه هتجرب فيها يا عم وطبعا لغيته من دماغي وتاني واحد جه في بالي الي كان ركبلي جهاز الانذار بتاعي وبالفعل اتصلت بيه قالي انا مش بركب اي نوع علشان الي هركبهولك هضمنهولك فا طبعا لغيت ده كمان من دماغي.
ساعتها كان معايا واحد صاحبي فا قالي في واحد في مكرم عبيد في مدينة نصر قدام عمر افندي اسمه مودرن كار ورحتله بالفعل وبدأ عملية التركيب عمل ال4 اخرام في الاكصدام بعد ما لزق الجريده السودا وقفل بس المشكله الي حصلت ان طول ما الكونتاكت مفتوح السينسور بيبقى شغال يعني لو انت فاتح الكونتاكت ومدور العربيه السينسور هيبقى شغال ، بمعنى اخر لو انت واقف في اشاره وواحد جه وقف وراك هتلاقي البتاع ده بيزمر وانت اصلا مش معشق مرشدير طبعا انا قلتله لأ طبعا انا مش عايز كده قالي يا باشا اصل الشيفروليه لانوس الارضي بتاعها مقلوب (مش فاهم دي) ولازم يفضل شغال كده قلتله طيب ما انا شفت 50 عربيه لانوس عامله السينسور ده ومفيش الهبل الي انت بتقوله ده
.gif)
يمين شمال الراجل توصل انه انه ممكن يركب كتاوت علشان يفصل مع اي نقله غير المرشدير وبالفعل تم المراد بس دلوقتي انا مش عارف هل ده صح ولا ممكن يبوظ حاجه في العربيه فا الحق اروح افصل الي الراجل عمله؟؟
تاني حاجه
واحنا شغالين في العربيه سألت الراجل هيه وحدات الرفع بتاعت الزجاج بكام قالي 150 العربيه كلها قلتله هوه بيركب في كل باب قالي لأ بتركب بس في الكنترول يونت الي عندك في باب السواق وبالفعل عملته بس مش متأكد من الماركه برضه ومش عارف هل ده نوع كويس ولا اي كلام.
الحاجه التالته والاخيره (عارف اني طولت في الكلام)
هل في حد هنا في المنتدى جرب مودرن كار ده؟ وهل هوه كويس ولا اروح لحد تاني يراجع على شغلهم الي عملوه ولا اكبر دماغي والموضوع مش مستاهل.
المشكله ان عربيتي مبحبش اي حد يلعب فيها غير الي اعرفه واضمنه وطبعا المغامره دي انا مش عارف ايه عواقبها وايه الي ممكن يحصل بسببها فا افتوني افادكم الله
والي نفسي افهمه يعني ايه الارضي بتاع العربيه مقلوب (مش المفروض انه بيوصل الاسلاك كلها على لمبة المرشدير وخلصت على كده؟؟) ، وهل ده عيب ولا ميزه ولا مشكله ولا ايه؟؟ مع العلم ان ابن خالتي معاه لانوس بس دايو ومفيهاش القصه دي وساعت ما انا كنت بركب السينسور كان معايا واحد تاني شيفروليه لانوس كان بيركب برضه سينسور بس نوع تاني وحصلت نفس المشكله وحلوها بنفس الحل ، معني كده ان المشكله في العربيه مش في السينسور الي انا جبته.
العربيه نوعها شيفروليه لانوس موديل 2010

Comment