تفصيل كونصول عموله

[aliyehia]

حد مشكورا يقدر يفيدنى ان كان فيه ورش متخصصه فى تفصيل الكونصول اللى بيوصل من عند الفتيس لغايه بعد فرمله اليد و بيثبت حوالين الحته العاليه الى بيمر تحتها عمود الكردان
وارجو استبعاد فكره توفيق حاجه من عربيه موديل مختلف علشان انا لفيت الوكاله و مالقيتش و محتاج حاجه تفصيل خاصه ان القديم موجود بس معوج و منفخ و حالته ضايعه
العربيه 124 سبور كوبيه

[khaled_sabry]

حد مشكورا يقدر يفيدنى ان كان فيه ورش متخصصه فى تفصيل الكونصول اللى بيوصل من عند الفتيس لغايه بعد فرمله اليد و بيثبت حوالين الحته العاليه الى بيمر تحتها عمود الكردان
وارجو استبعاد فكره توفيق حاجه من عربيه موديل مختلف علشان انا لفيت الوكاله و مالقيتش و محتاج حاجه تفصيل خاصه ان القديم موجود بس معوج و منفخ و حالته ضايعه
العربيه 124 سبور كوبيه

وانا كمان اضم صوتى لوصتك بقوه و ياريت حد يساعدنا
انا عربيتي عملت فيها البدع و بقى شكلها يفتح النفس لكن جيت عند الكونسوله دى ووقفت خالص ... لأنى مش لاقى كونصوله تانيه تركب عليها
مره صنايعى مش فاكر مين بصراحه قالى ان فيه واحد بيعملها عموله فى الجراج جسر السويس بس معرفشى العنوان بالظبط و لا حتى فاكر مين اللى قالى المعلومه دى
ياريت حد يقولنا و يفضل يكون نواحى جسر السويس

[khaled_sabry]

مافيش حد يعرف حاجه ؟؟

[ahrambc]

اقترح عليك الذهاب لأحدى ورش الفيبر جلاس و معك الكونسوله القديمه

و ببعض الجهد و الوقت يمكن أن يتخذ منها اسطمبه لكونسوله جديده

[elsherif_2000]

روح لواحد نجار يفصلك الكونصل حسب مقاس العربية و مزاجك بعد كدة روح لواحد سروجي يكسيه جلد طبيعي بس سروجي فنان

[power]

ممكن تودي الكنصول القديم لسروجي كويس وهو يظبطه

[mido]

انا لسه شايف النهارده حاجات حلوه فى دمشق

[misoalex]

فى الحرفين يعملولك الى انت عاوزه بس التكلفه كتيييييييير

حاول تصلح الى عندك وتكسيها جلد اوفر بكتير

[keko]

انا ماعرفش كتير بس باسمع دايما انهم بيفصلوها خشب وتتكسى جلد وان ده مش مكلف قوى

[khaled_sabry]

فى الحرفين يعملولك الى انت عاوزه بس التكلفه كتيييييييير

حاول تصلح الى عندك وتكسيها جلد اوفر بكتير

فين بالظبط فى الحرفيين لأنى سألت هناك و كله بيقولى جاهز بس

انا لسه شايف النهارده حاجات حلوه فى دمشق

فين في دمشق .... دمشق فى المعتاد بتبيع اكسسوارات ... خد بالك احنا نقصد كونصوله كامله من فرامل اليد لغايه الفتيس و التابلوه لو امكن ... بس اللى موجود بكثره فى دمشق هو المخدع .. هل ده اللى تقصده و لا تقصد حاجه تانيه ؟؟؟

انا ماعرفش كتير بس باسمع دايما انهم بيفصلوها خشب وتتكسى جلد وان ده مش مكلف قوى

احتمال كبير انها ترسى على الحوار ده ... ولو انى ماعرفشى نجار على قدر من المهاره للحجات دى

[mohamed9999]

فى كونصول بيركب فى فيات 128 موجود فى التوفيقيه هو فبر و بيبقى من التابلوه لغايه فرامل اليد

http://www.sfdprojects.org.eg/product/pro_product_view.asp?ProductID=864

http://www.sfdprojects.org.eg/product/pro_product_view.asp?ProductID=865

http://www.sfdprojects.org.eg/product/pro_product_view.asp?ProductID=866

[khaled_sabry]

فى كونصول بيركب فى فيات 128 موجود فى التوفيقيه هو فبر و بيبقى من التابلوه لغايه فرامل اليد
المعرض الإلكترونى الدائم لمشروعات الصندوق الإجتماعى للتنمية
المعرض الإلكترونى الدائم لمشروعات الصندوق الإجتماعى للتنمية
المعرض الإلكترونى الدائم لمشروعات الصندوق الإجتماعى للتنمية

حلو ده
بس فين بيتباع الكلام ده فى التوفيقيه ؟؟:b4_033:

[midomizo]

فى كونصول بيركب فى فيات 128 موجود فى التوفيقيه هو فبر و بيبقى من التابلوه لغايه فرامل اليد
المعرض الإلكترونى الدائم لمشروعات الصندوق الإجتماعى للتنمية
المعرض الإلكترونى الدائم لمشروعات الصندوق الإجتماعى للتنمية
المعرض الإلكترونى الدائم لمشروعات الصندوق الإجتماعى للتنمية

جميل جدا بس فين فى التوفيقية:b4_611:

[misoalex]

فين بالظبط فى الحرفيين لأنى سألت هناك و كله بيقولى جاهز بس

بص حضرتك بتاع الفيبر جلاس هو الى بيعمله يعنى بتاع العتب والكساحات وكده بس التكلفه كتير طبعا اقل حاجه 200 جنيه بس حيعملك الشكل والمقاس الى انت عاوزه لدرجه لنه ممكن يبقى اكنه حته واحده مع التابلوه

اما الكنسول الجاهز زى الى فى الصوره ده



حتلاقيه طبعا عند بتوع الاكسسوار وقطع الغيار فى اى حته

وسعره من 15 الى 35 جنيه و فيه اشكال و احجام كتيييير شوف الى على مقاس عربيتك وهاته

[mohamed9999]

بص حضرتك بتاع الفيبر جلاس هو الى بيعمله يعنى بتاع العتب والكساحات وكده بس التكلفه كتير طبعا اقل حاجه 200 جنيه بس حيعملك الشكل والمقاس الى انت عاوزه لدرجه لنه ممكن يبقى اكنه حته واحده مع التابلوه

اما الكنسول الجاهز زى الى فى الصوره ده



حتلاقيه طبعا عند بتوع الاكسسوار وقطع الغيار فى اى حته

وسعره من 15 الى 35 جنيه و فيه اشكال و احجام كتيييير شوف الى على مقاس عربيتك وهاته

انا جايبه ب35ج من التوفيقيه او ممكن تكلم الشركة اللى فى اللينك وهى شركة فيبر جلاس تعملهولك