محل السجان

[dedomagy]

ايةرأيكم فى محل السجان من حيث تركيب انذار (السجان بشارع دمشق)

[Abdelrahman.H]

حرااااااااااااامي في أسعاره بدرجة إمتيااااااااااااااااااااااز

[zimooo]

وفين المحل إللى مش حرامى .. ويكون كويس

[dedomagy]

ماهو مفيش حد مش حرامى اهم حاجة حد يكون نضيف فى تركيب انذار ووحدات رفع حد يعرف محل كويس

[Michael_Lanos]

انا شايف ان تركيب الانذار مش قضيه، يعنى تشتريه من مكان موثوق فيه وليه ضمان وتركبه عن اى كهربائي بيفهم
وان شاء الله يكون كل حاجه تمام

[MohamedGafar]

حسني اللى في شارع دمشق ، على ناصية دمشق وبيروت كويس وأسعاره معقولة وممكن تفاصل معاه كمان.

تحياتي.

[RimonWagdy]

لو هتركب أنذار ولف ممكن تروح المركز الرئيسى عند سوق القنال .

[Abdelrahman.H]

لو هتركب أنذار ولف ممكن تروح المركز الرئيسى عند سوق القنال .

++++11111111111111111

[Bassem Raafat]

يا شباب كله زى بعض تقريباً فى السعر ، يعنى جهاز الإنذار الوولف مثلاً بـ 200 جنيه تقريباً عند كل الناس ، ممكن يزيد 10 جنيه أو يقل 10 جنيه ، بس المهم النظافه فى التركيب ويكون حد فاهم .

وعن تجربتى وتجربة أصحابى أنصح بـ :

أدريان .... خلف موبيل صلاح سالم
كلاريون .... ميدان الحجاز .... وأنا عن نفسى ناوى أركب وحدات الرفع هناك
حسنى .... شارع دمشق ( زى مـ أستاذ / mohamedgafar قال )
أولاد عشم نوار .... جنب حسنى فى شارع دمشق
أرابكوم .... مدينة نصر
كل الناس دى سمعتهم زى الفل ومسمعتش حد إشتكى منهم الحمد لله .

السجان .... أنا عن نفسى مجربتوش بس عمرى ما شوفت حد إشتكى منه ، ممكن تكون أسعاره أغلى بس شغله نظيف ، وإلا ماكنتش سمعتة تبقى حلوه كده .

وبالتوفبق إن شاء الله .

[dedomagy]

الف شكر يارجالة وكنت عايز اعرف الانذار اللى بيركب على ريموت العربية الاصلى اية نظامة

[Tayer]

متاااااااااااااابع
أدريان بيعمله ب 350 جنيع و أسمه انذار أدريان و هوه صينى ده كل الأعرفه عنه

[ahmedfra]

السجان فى شارع دمشق عن تجربة حرامية . و خدمة ما بعد البيع زى الزفت . يعنى لو فيه مشكلة فى الجهاز أو تركيبة كل سنة و انت طيب . لأنك أول ما تروح له تانى ينزل علية تخلف عقلى و سمعه يتقل و يجيله زهيمر و مش فاكرك و مش طايق سيادتك . على فكرة الشخص ده اسمه محمود

[Bassem Raafat]

متاااااااااااااابع
أدريان بيعمله ب 350 جنيع و أسمه انذار أدريان و هوه صينى ده كل الأعرفه عنه

طيب هو صينى صينى ولا صينى نظيف ، عندك مثلاً راديو شاك حاجتها كلها صينى بس صينى نمره واحد ( بتاع أمريكا ) !!!!

السجان فى شارع دمشق عن تجربة حرامية . و خدمة ما بعد البيع زى الزفت . يعنى لو فيه مشكلة فى الجهاز أو تركيبة كل سنة و انت طيب . لأنك أول ما تروح له تانى ينزل علية تخلف عقلى و سمعه يتقل و يجيله زهيمر و مش فاكرك و مش طايق سيادتك . على فكرة الشخص ده اسمه محمود

شكراً لنقل التجربه ، وأنا آسف لو كنت رشحت المحل ده قبل كده لأى حد ، بس بجد والله العظيم أنا أول مره أسمع الكلام ده عن السجان .

[sameh_loza]

[QUOTE=dedomagy;3873066030]ايةرأيكم فى محل السجان من حيث تركيب انذار (السجان بشارع دمشق)
[/QUOTE

حرامي حرامي ولي تجربة هو بالفعل غير امين بالمرة وخالي بالك وعندهم الصناعية منتهي التناكة

[sameh_loza]

السجان فى شارع دمشق عن تجربة حرامية . و خدمة ما بعد البيع زى الزفت . يعنى لو فيه مشكلة فى الجهاز أو تركيبة كل سنة و انت طيب . لأنك أول ما تروح له تانى ينزل علية تخلف عقلى و سمعه يتقل و يجيله زهيمر و مش فاكرك و مش طايق سيادتك . على فكرة الشخص ده اسمه محمود

++++++++++++ فعلا حضرتك شرحت كل اللي بيحصل عنده وخصوصا اللي اسمه محمود