rbm

[weller]

سوري يارجاله سؤال ساذج شويه بس احنا عاوزين نتعلم منكم انا عارف ان عداد ال rbmده بتاع عدد لفات الموتور بس يعني ايه بقي وجه الفايده انه عندي في العربيه يعني بستفاد منه ايه وانا عربيتي اوتوماتيك اكسينت 2010 وامبارح العداد كان داخل علي رقم 8 اخر حاجه فيه وكنت ماشي علي تقريبا 110 فده عادي ولا ايه بس صوت الموتور كان غبي قوي واسف طولت

[ahmedtunning]

ده غلط جدا انت كدا ممكن الموتور يولع ديه redline المفروض متعديهاش وازاي العربية اوتو وتوصل للرقم ده

[keko]

الامان عند 3 وكبيرك 5

[cOrn]

8 rpm يا مفترى ؟ عملتها ازاى فى عربية اوتوماتيك؟ عموما متعملهاش تانى , و انقل عند 3.5 او 4 حلو اوى

[Memo_Lancer]

يا جماعه انت هتخوفو الراجل ليه
هو الاوتو لما بتدي كيك دوان بتوصل ل 7 و قبل الريد زون كمان
و تنقل لا تشيل رجلك او هتنقل هي لوحدها

[weller]

طيب يارجاله انا معرفش هو ليه وصل 8 بس انا فضلت اهدي بالعربيه خالص والصوت برضه عالي اوي لدرجه اني وقفت بالعربيه خالص علشان الموتور يوقف خالص انا بصراحه لاني مش فاهم في الموضوع ده وانتوا كمان خوفتوني بقيت بسوق وانا خايف بمشي زي البطه البلدي هههههههههه

[weller]

8 rpm يا مفترى ؟ عملتها ازاى فى عربية اوتوماتيك؟ عموما متعملهاش تانى , و انقل عند 3.5 او 4 حلو اوى

والله انا نفسي مش عارف عملتها ازاي هههههههه بس وضحلي انقل ازاي العربيه بتنقل لوحدها اوتو بس مش ترونيك مش اسمها كده برضه اللي ممكن تشغلها مانيوال

[cOrn]

تمام يا باشا انسى اللى حصل قبل كدة و متفكرش فيه , مدام الفتيش اوتو يبقى انت مهما دوست بنزين العربية هتنقل لوحدها و مش هيبقى فى خطر على الموتور بس حاول تقلل الكيك داون طبعا لو انت عايز استهلاك بنزين كويس , كل الموضوع انك متدوسش على الدواسة مرة واحدة لأ بالتدريج كدة هتلاقى العربية بتجمع معاك

[mmffor]

مش عارف انا ليه حاسس انها اشتغاله و ويلير بيهزر

[weller]

مش عارف انا ليه حاسس انها اشتغاله و ويلير بيهزر

يا صديقي والله العظيم مش اشتغاله ووالله يا عم ده اللي حصل انا معرفش اصلا ايه لازمة ال rbm ده بس فجاءه لقيت صوت الموتور عالي زي ما اكون راكب جرار زراعي فبصيت علي عداد السرعه كالعاده لاني مببوصش علي الrbm خالص لاني معرفش لازمته لقيت نفسي ماشي علي سرعه 110 يعني عادي فعيني جت علي rbm لقيتها علي الاحمر وانا اعرف احمر يعني خطر هههههه فعرفت ان المشكله منه وبعدين هشتغل الرجاله الجامده دي ياريس مبروم علي مبروم

[a7madramadan]

في حاجتين عاوز اقولهوملك ضروري :

في حاجة اسمها كيك داون وهيه انك تخلي العربية تنقل غيار أقل ( من الرابع للثالث مثلا) بتعملها لو محتاج تشد فجأة علشان تعدي حد او اي حاجة .... لو بتعملها بطلها لغاية ما تاخد على العربية وتعرف حدودها علشان ما تضرش الموتور والجيربوكس

ثانيا لو انت مابتعملش كيك داون اساسا يبقى عندك مشكلة في الجيربوكس بتاعك وراجع التوكيل فورا ....

دي نصيحة مني موش أكتر