اكتب ايه وفين وبكام ؟

[Hikayat]

كنت عاوز اكتب ع الزجاج الخلفي بس مش عارف اجيب الحروف او الكتابه دي منين وبتتكلف كام ؟
وهلاقيها عند بتوع الكماليات ولا لاه ؟
وبتبقي سهل تتشال ولا صعب اني ممكن اشيلها ؟
وطبعا .... بتبقي مخالفه ولا لاه ؟ وحد منكم رخصه اتسحبت عليها قبل كده ولا لاه ؟ بالذات انها بتبقي ع الازاز من ورا فمش بتبقي باينه لو داخل علي لجنه

واخر حاجه كنت عاوز رايكم انا كنت شفت كذا جمله علي عربيات وعجبوني جدااا ومش عارف اكتب انهي واحده فيهم

IF YOU TRY DON`T CRY

GO BACK TO YOUR MAMA

Single but looking

انهي اجمل جمله من دول ولو حد عنده اقتراح تاني ياريت يقوله

[Memo_Lancer]

the last one is the best
never write the second ;)

[A.Saad]

http://www.nilemotors.net/Nile/186957-a.html

[meero_boy2000]

كنت عاوز اكتب ع الزجاج الخلفي بس مش عارف اجيب الحروف او الكتابه دي منين وبتتكلف كام ؟
موجود في المعادي حد بيعمل الكلام ده كل الحروف طبعا بتكون موجوده بتختار الحرف ولونه وتخنه وشكله اذا كان مائل او لاء وكل حاجه علي الكومبيوتر وبيطبعه ويلزقهولك التكلفه حسب الكلمه طبعا والتخانه وكده لكن الجمله الاولي تقريبا تعمل في حدود من 25الي 40 ده حسب طبعا الحجم وممكن اذيد الله اعلم بس في الحدود دي
وهلاقيها عند بتوع الكماليات ولا لاه ؟

مش كلهم موجود عندهم لازم مكنه تقطيع وكمبيوتر ولوجوهات

وبتبقي سهل تتشال ولا صعب اني ممكن اشيلها ؟

بص هي بتكون سله تتشال لانها مش بتكون ذي الفاميه وبتطلع بسهوله عادي جدااا

وطبعا .... بتبقي مخالفه ولا لاه ؟ وحد منكم رخصه اتسحبت عليها قبل كده ولا لاه ؟ بالذات انها بتبقي ع الازاز من ورا فمش بتبقي باينه لو داخل علي لجنه

طبعا طبعا طبعا طبعا مخالفه ووقفوني مره في لجنه ومصصم يسحب الرخصه ومهديش الالما خلاني جرحتها بموس عشان يتأكد اني هروح اشيلها عشان يعني منظرها يبقي بايخ ذي الظباط كده


واخر حاجه كنت عاوز رايكم انا كنت شفت كذا جمله علي عربيات وعجبوني جدااا ومش عارف اكتب انهي واحده فيهم

انا رأيي الاولي اشيك شويتين بلاش التانيه مستفزه حبيتين
IF YOU TRY DON`T CRY

GO BACK TO YOUR MAMA

Single but looking

انهي اجمل جمله من دول ولو حد عنده اقتراح تاني ياريت يقوله

[Memo_Lancer]

التانيه فيها استفزاز جامد

[eldell]

متابع

[ahmed88hassan]

في جملة بس قديمة حبتين
..... is my name
war is my game

[Memo_Lancer]

اكتب متبصش كده يا لوح دي جت بطلوع الروح
هههههههههه


في كلام كتير جامد
its a amad one
Dont Anger It ...
under tunning
fakar fe kalam gded ;)

[khaled_yassin]

التانية جامد جدا
ولو ظابط رخم هيدفعك 50 جنية لانها مخالفة بيسموها ملصقات , انا اعرف واحد دفع على كلمة (بسم الله ما شاء الله) الكلمة اصغر من كف الايد

[magyver]

والله اي حاجة علي العربية تعتبر مخاالفة
بس انت وحظك بقي معااااااااااااااهم
ربنا يبعدنا عنهم
اي محل كماليات عند مكنة تقطيع يكتبلك اللي انت عايزة
انا كااااااااااااااااتب
if you touch my 125,i will touch your girl

[Hikayat]

التانيه فيها استفزاز جامد

مش عارف مش شايف فيها استفزاز .. يمكن لانها عاجباني جدااااا وشايفها مجنونه شويه

التانية جامد جدا

انا برده بقول كده

ولو ظابط رخم هيدفعك 50 جنية لانها مخالفة بيسموها ملصقات , انا اعرف واحد دفع على كلمة (بسم الله ما شاء الله) الكلمة اصغر من كف الايد

وهوه هيشوفها ازاي وهيه علي ظهر العربيه .. انا عمري ما عديت علي لجنه وبص ع العربيه من ظهرها علطول بيبص من الوش بس

[Hikayat]

اي محل كماليات عند مكنة تقطيع يكتبلك اللي انت عايزة

طيب ودي بتتكلف كام تقريبا ؟

والله اي حاجة علي العربية تعتبر مخاالفة
\

مانا عارف انها مخالفه بس بيدقوا عليها زي الفاميه ولا بيكبروا زي الستاير ؟ ومخالفتها كام ؟

انا كااااااااااااااااتب
if you touch my 125,i will touch your girl

طيب وحد بيدايقك في الكماين ولا مبيدقوش قوي

[magyver]

مانا بقلك انت ونصيبك
انا كاتب الكلمة مش علي الازاااز بس مفيم الازااز بردة
انا كاتبة تحت النمة والفانوس الشمال
مانا بقلك كل حااجة وانت وحظك
بالنسبة للاسعاار فحاجات رمزية