عايز اعمل فلاشر فى الفانوس اللى قدام

[fady554]

انا سعات بشوف عربيات لا بشوف موتوسيكلات اكتر
فى الفانوس اللى قدام يبقى فية
لمبة كدة نورها لونة ابيض
بيعمل فلاش كدة و سعات بشوفها اكتر تحت العربيات
او تحت الموتوسيكلات فياريت
اللى يعرف عنها حاجة او معلومات عنها او حتى سعرها
يقولنا

[ahmedtunning]

عند اي واحد بتاع كماليات و قوله عايز لمبه فلاشار بس السعر مش عارف

[ViGo]

30 جنيه الاتنين سوا بيجيو اتنين

[ziko rostom]

انا مركبهم لمبات اشارات ليدات الطقم 2 ب 10 جنييه ويركبو نفس مكان المبه الصفرا عادى

[tarekmomo]

فعلا ال2 ب10 جنية

[احمد المصرى]

يعنى دول لمبات بس ولا فى جهاز مثلا بيركب علشان يعطى الفلاش

[fady554]

انا عندى الليدات فى الاشارات بس دول شكلهم عجبنى و كنت عايز اسأل هى لمبة عادية مثلا زى بتاعة النور الواطيى خالص(نور التابلوة يعنى) ولا بيبقا ليها جهاز و ياترا عمرها الافتراضى اد اية و شكراا على المعلومات السابقة

[محمد فريد]

30 جنيه الاتنين سوا بيجيو اتنين

ايوه دى فعلا اللى حضرتك قولت عليها بيبقوا لمبتين فى الفانوسين وبتركب مكان اللمبة الفيرانى وبتفضل ترعش كده بالتبادل طول مانت مشغل نور التابلوه

فى بقى حاجة تانية لمبة كبيرة بيركبوها الموتوسيكلات دى لمبة عادية بس شبه الزينون قوى يعنى اللى يشوفها بتعمل زى الزينون بالظبط لكن كرؤية قدام العربية تقريبا مفيش ودى برضه غير اللمبات الثلجى وبتدايق جدا المقابل ليك

[fady554]

طب هل الفلاشر دة ممنوع فى المرور

[محمد فريد]

هو طبعا ممنوع لكن مش هتروح ترخص بيه وهو بيبقى مزعج شوية لما بيشتغل مع نور التابلوه (ممكن تعمله مفتاح) بس ليه العذاب
شوفت ناس مركبينه فى الفوانيس الخلفية (شيك) أكنها طيارة ماشية

[fady554]

مش فاهم حضرتك تقصد اية بالظبط

[محمد فريد]

كلامى مش واضح صح
هى ممنوعة طبعا لكن ممكن تعمل اللمبات على مفتاح خارجى لو هتخاف وانت داخل على لجنة او ممكن تقفل نور التابلوه خالص وانت داخل على اللجنة
- الطبيعى للمبات دى انها تركب فى الفانوس الكبير قدام - لكن انا شفت ناس مركبينه فى الفوانيس الخلفية بيبقى شكلها شيك

[fady554]

ممكن زى ما بتقول يبقى شكلها شيك من ورا بس دى تركب فين فى الفانوس اللى ورا؟

[M.Elwan]

لو حضرتك تقصد الشكل اللى فى الفيديو ده
فدى اسمها strobe xenon light
بيقولو عليها فى المحلات نور ستروبات
YouTube - HID Xenon Strobe lights on cars, very cool!

[eldell]

لو حضرتك تقصد الشكل اللى فى الفيديو ده
فدى اسمها strobe xenon light
بيقولو عليها فى المحلات نور ستروبات
youtube - hid xenon strobe lights on cars, very cool!

+11111111
او بيقولو عليها مكن فلاش وديه بيبقى ليها وحده تحكم من عندك فى السياره للتحكم فى السرعه وفى العدد يعن ممكن تخلى كل فانوس ينور مره وممكن ينور مرتين والتانى مرتين وكده وديه كنت سالت عليها بس كانت اربع لمض اتنين ابيض واتنين احمر وكانت عامله 250 فى التوفيقيه